¹ Nnaagiai suai Undaanga Anutuuqa sudaaqa nnau voo fai taapi voovau vainoo fai ivoo pinaa vai vootaapii voo yau vai varaa yaa vainarvai. Ii taapii ivau fai Udaanga Anutuuqo arii nnutuu vaa ii noo ngiau aapuu voo taapi yau vai yaatara vainai fai gioonna kiaapuuya seenadannoorii voonoo virayaa innasira ngiaaravai. ² Kaayau mmataiya vidaa fai atakuaa kiaaravai, "Ngiatee, nnikiai ta Udaanga Nutuuqa taapii kuaaravee, vida Yakoopoonna Anutuuqa sudaaqaa nnau vaki kuaaravee. Fai ivoo arii aataruu yau vaa tii vitainai fai taa inna aataruu vau kuaaravai." Dataama vainnee, yokeeta aataruu yau voo fai saiyoona dirii mmanai vinoo too Udaanga Anutuuqa kuai voota mmaanai fai Yerosareema kuanaravai. ³ Kaayau gioonna kiaapuuya aakiaa kii fai ivoo kuaradudeera vaidii vai vayoo fai ivoo vommataa vommataa ngieera vai yau vaa safuu naravai. Iya fai paipai yau vaa hanii giakioo mmataa haara kusiiranaa yau vaa roosiino iyaa veevai yau voo hanigioo yataari hammara hatookeera hai kuagai vaa roosii naravai. Voo mmatai yaa hama yopeema ngiari paipai yau vaa vararuu utidaa voo mmatai yaa tama rapuaravai, o fai iyaa hama yopeema keena rapiraa aataruu vaa ngiarii vitaa ngiarii vitaa kiaaravai vee tiravai. ⁴ Inna itaama nnaasu vaivai, mmuakiaya fai yatari vunainai vaa oyai vaki hara kiadaa varidaa yatari nnaammuayai vaa oyai vakiaata vayiaaravai. Hama vaidii vovoono fai iyaa iinai aatuu kuaaravai. Udaanga Anutuuqo ivoo vaa mmuakiaa yara arii avai vaki dirii kiaa kookiee ravai. ⁵ Mmuaka gioonna kiaapuu mmuavai mmuavai iyaa ngiarii anutuu yau vaa nnutuu yau vunuu dirii fai kuaaravai. Itaama vainai fai taa Udaanga Anutuuqa nnutuu vau dirii mmuakia suai mmuakia suai innasi kuaaravai. ⁶ "Suai ivau 6Udaanga Anutuuqo aa kuaa aava tunoo" ⁷ Fai na mmuakiaa yukuu maisai yau vaa varaa nuunai nna ii gioonna kiaapuu iyaa gieera vayaiya tama, dee yaano ii kiaani suai maisai vaa varaivee tiravai. Fai na ii yukuu maisa vaidii iyaa ii nai iyaa hanii giadaa niseena pataa oyaiya vayaaravai, deeya iyaa yoosinnai yau vaa pikiai yaa fai iyaa yaagueeqa Kadiriiya varikiai, na Udaanga Anutuuqo nenoo fai Sayoona mmuakiaa suai mmuakiaa saui iya haitatuu naravai. ⁸ Itaama vainai ngiaa Yerusareema gioonna kiaapuusoo, ngieeno ii puara sipisiipa iyara haitatuurana vaidii yavee, Sayoona taapi ivau diaa gioonna kiaapuu yasoo, taura ngiaa Yerusareema gioonna kiaapu haitatuu kiaa yaagueeqai voo keena fai ngisii nninaravai. ⁹ Aanna ngiaa aanii vaara pinaama kiadaa aayanna raannee a? Hameeta Kingaa vovoota ngii tasiipama variinnee a? vaidii yookeeta yataa tinnii ngiimi rai yaa vaa putuuavai nnee? Ii oyai ivaa raida ngiaa mmaamma nnitareerai vaa Varai voo gioonnaiya mmaamma nnitareerai vaa varaada nnakaraiva mmaatai vaa roosii maida ngiaa mma nniitareerai vaa varaano tiravai. ¹⁰ Sayoona raunnai voo mmamma nniitareerai vau varii voo gioonnai yaa pinaa mmamma nniitaree raivaa varaada nnakaraiva mmaatai vaa roosiivai. Aanna fai ngIaa yoosiinna pianaa taunai vaa mmaanai kuaaravai. Mmataa suai yau vunuu fai ngiaa Babiroona kuaaravai, fai ii yoosiinna keena numa ngii vitaaravai. Udaanga Anutuuqo nnammutuai yaa yakuu yaadirii keena ngii vitaaravai. ¹¹ Kaayauu Kadirii yaa aanna nnidaa nnuunaida ngiita rapuaa raivaara itaakua kiaano, pikii taa iyaa koonna kaannama iida siriigaida Sayoona teekioo ivoo maisama vainaravai. ¹² Iyaa hama Udaanga Anutuuqa yaata tinni vaa teeda rikiaada iyaa hama ivoo mminnaa voovai ii naree vaara rikiaivai. Dataama vainee ivoo itaama vaidiiya rupii nuunama yeenna hau yau vaa utiidaa vuitaiyau vaa uruu rau yapaa kiaada sikau nnaadirii raudodoo kiaarai vaara teerairavai. ¹³ Sayooa raunnai voo diitoo vitai yau vaa raudodoono dataaama vainee fai naa vasii ngiaammai yaa kieeta aaruu yau vaadirii varakiee aina iinna fai na vasii ngiaamma iyau vaa yukuu yau vaa varaakiee fai na baraasai vaa iinaravai. Fai akaayau gioonna kiaapuuya raarapuutuee fai aa mmuakiaa hoona haana sikau yau vaa iyaa mmianee iyaa hama safuu ataruu dadirii varaada Udaanga Anutuuqa mmiaano mmuakiaa mmataa aavau variaa gioonna kiaapuu yaa Nnoonnaavai.