¹ Na kiaunoo, "Tuqiinnama rikiaatee, ngiaa Yakooponna seenai yaa kieeta vaidii yavee ngiaa Isaraira yaa nnua vaa kieeta vaidii yaa. Inna ivoo hama safuu vai ngii teeda rikieerai vau yokeeta rikeerai voo vaivai nnee? ² Ngiaa deeyaa yokeeta aataruu vaara ngii piriisai kiai ngiaa maisa aataruu vaara ngii yokeetaivai, ngiaa dee yaa noo taanoo aaroo nnaiyaa nnaba mmatii yau voo iyaa mmuyai yau vunuudirii rabanikaivai. ³ Itaida ngiaa dee yaano gioonna kiaapuuya nnabai yau vaa nneeda iyaa nnabai yau vaa rabanikadaa, iyaa mmuyai yau vaa ruaimida hatooka patapataa kiaavoo mmatii vaa roosii aikioo yavaaki tioo vinai hudaaravai. ⁴ Fai yapooma ngiaa kieeta vaidiiya Udaanga Anutuuqaara rataaravai, itaama vainoo ivoo fai hama yopeema ngii rateeraivaa rikiaa naravai. Ivoo fai arii virii nnikii vaa ngii yaraa hatainaravai. Nigaa aanii vaara maisa aataruu vaa iiravai. ⁵ Udaanga Anutuuqoo ataakua tunoo, "Ngiaa foroofeta gioono nigioonna kiaapuuya vitee ngieera tuna kunnai kuaa safuu aataruu vaa pikii kioo voo voono yeenna nneera mminnai yau vaa iya mminaravai. Iya fai kiaara, 'Ausaa nuufai voo vakiai vee.' Itaama vainoo, hama vaidii vovoono iyaa yeenna mminnai aikioo fai iyaa buaaru kiaara iyaa hama yeennai yau vaa iyaa mmiaii vaara iyaa buaaru kiaavai. ⁶ Ivoo fai ataama vaiaravai, heenai raivoo ngiyara nninai fai hama ngiaa ruvuaatai yau vaa taaravai. Ivoo fai ataama heenavai vainai fai ngiaa hatauma vai ruvuaata kuai yau vaa kiaaravai. Suai voo foroofetai yara vioo kinai fai suai ikiannai voo iyaara heena vainaravai. ⁷ Fai na kieeta vaidiiya iinai kumi makaidaa mmamma maisa varaada ruvuaata teera vaidii yau vaa iikiai kumimakaa kiaaravai. Mmuakiaa yaa fai ngiari aavai yau vaa ramunna kiaaravai, dataama vainnee, iyaa kuaiva hama na aikioo irisai tinaravai." ⁸ Neeno niiki Udaanga Anutuuqa mmannasai voo ni suvaudu inna aataruu yokeetai voo ni suvuai kai rikee inna yaaguee aqii vaudirii Yakopoonna seenai yaa iyaa aataruu maisai vaata Isaraira yaa mminna mminna maisai yau vaata vara koo yaa yapeeravai. ⁹ Aanna ivaa rikiaatee, ngiaa Yakopoonna senai yaa kieeta vaidii yaatama Isaraira yaa kieeta vaidii yaa ngiaa dee yaa yokeeta aataruu vaara ngii maisai kiai ngiaa yokeeta aataruu mmuakiaa yauvai ngia koonnama iiravai. ¹⁰ Ngiaa sayoona maisama iikiai voo vaidii yaa iyaa kiau yau voo tusoodu aataruu maisai voo Yerosareema vairavai. ¹¹ Ngiaa kieeta vaidii yaa kuaa radudeera suai vau nnadirii iyaa yooka kiaani iyaa kuakutaa vaivee tiravai. Ngii piriisai yaa vooya tasiipama mmayaaya tidaa irisai varaani foroofetai yaa hataumaki vai kuai yau vaa kiaa koo kieeda sikau varaavai. Itaama vai kiai ngiaa Udaanga Anutuuqa yaakuu vaara faannaida ataakua kiaanoo, "Iinnoo Udaanga Anutuuqo hama tasipama varii nnee? Fai ii maisa iyauvoo tiiya nninaravai." ¹² Itaama vaikioo niiyara tioo, saiyoono fai mmataa sai voovaata voovai burimakau nnaadirii ii mmaaata iva vaa hanu kusii kieeravai. Yerusareema ivoo fai kaa yau mminna mminna suvuairana yoosinna vai, taapii vau sudaaqaa nnau vai voo fai mmaguyai voo rummua apinaravai.