¹ Deyaa iyaa ngiari mmaatai yau vunuu heenaikiai vaidaa koonnai yaata tiinnii vaa iidaa maisa aataruu vaa iikiai yaraa boonna vainoo, patairaivoo nninai, iyaa maisa aatruuva iikiai voo iyaki yaagueeai voo vaikiai ii kiaavai. ² Iya ausai yau vaki mmatai vaara avuu nnamaarii raivoo vaivai. Itaama vaikiai iya mmaata koonna varainna kiadaa iyaa mmaatai yau vaa varadaa iyaa nnau yau vaatama varaavai. Iyaa vaidii voovai maisama iidaa inna nnau mminna mminai yau voo innasi vai yau vaata itaama iiravai. ³ Iyaa ausai tinnii yau vakii mmatai vaara avuu nnammarii rai voo vaivai. Itaama vaikiai iyaa mmataa koonna varainna kiadaa iyaa mmatai yau vaa varadaa iyaa nnauu yau vaatama varaavai. Iyaa vaidii voovai maisama iidaa inna nnauu mminna mminnai yau voo innasi vai yau vaatama iiravai. Itaama vai kioo Udaanga Anutuuqo ataa kuaa tunoo, "Rikiaatee, kisaa suai fai na pina mmuaaraivaa kinoo too Isaraira gioonna kiaapuuya ngii yaa nninaravai. Itaama vainai fai ngiaa hama yopeema iriivoo ngii nnuunaki vaivaa varainna naravai. Fai ngiaa hama yopeema yokeetama kuaaravai, ii suai maisa ivoo inna ngii suai maisavai. ⁴ Ii suai ivau fai vaidiiya fai kuaruu tidaa pinaama kiadaa boo tidaa ngii yaraa rataaravai. Iyaa fai kuaruu kiaaravai; Taa mmakiaa Isarairaya taika kiau nnanoo, Udaanga Anutuuqo ivoo vaa nii gioonna kiaapuuya mmataa aatau vaa hanigiaa kiaivai. Fai ivoo dataama kioo nii varainna narannee? Ivoo mmaatai vaa pataa pataama duuyama kioo vaidiiya koonnama iyaa iikiaiya mmiravai!''' ⁵ Itaama vainai sikau ruaa gioonna kiaapuuya fai hama ngii nneedi tunnaiya Udaanga Anutuuqaasi ngiaa suai vaki fai hama pinaa mmnata voovai duuyama iyaa mmiaaravai. ⁶ "Sa foroofeta Kuakiatee" Iyaa kiaano; Iyaa ii mminna iyau vaara sa foroofeeta kuakiatee, "Itaama vainoo fai hama yopeema ii mminna maisa ivoo nninaravai" ⁷ Isarairayasoo fai ngia aikioo aa kuaa aava ataakua kiaaravai, "Inna Udaanga Anutuuqaa mmannasai voo nnanna tainnee?" Iyau voo inna aataru vainnee?" Inna ii nikuaa iyau voo hama safuuvaa nniivoo gioonoo qaa safuuma nookianna vainnee" ⁸ Aa nnadii toosa harakioo hama kuaanaravai, ngiaa nii gioonna kiaapu yaa variaanoo. Ngingii koroosa hokoobai yau vaa radaa rapasiida deeya iyaa ngii tasiipama ngiai yaa iyaa hama ngii yaraa koonnai yaata tinnii utuai yaa koroosai yau vaata ii taama ii kiatee, rapiira vaidiiya rapiirai vakidirii yokeetaama ngiaavai, iitaama vaikiai iyaa numa mmuaara voo vau yoosinnai vaki vidaa yaata utiidaa kiaanoo hama yopeema fai ataama vainaravai. ⁹ Ngia nii seenai yaa iyasi dirii gioonnia yaa nnau yokeetaiyau vakidirii iyaa varainnaavai. Ngiaa nii raabai vaa iyaa nnaakara karaasai yakidirii mmuaaara varaani fai hama yopeema iyaa kavaa varaa ranaada ngiaaravai. ¹⁰ Diitee aa yoosinna aava pikiaanee, dataama vainnee, ivoo hama yokeeta yoosinna vaki fai ngiaa fai ngaa vayaaravai, mmuakiaa ii yoosinna ivaa mminna mminna maisai voo noo vaa rummuaa apuu kiaivai. ¹¹ Vaidii vovoonoo ngiisii ngioo unna kuaa mmannsai vaa tasipama ngii unnuakua tioo mmayaayai vaa kiaakioo keena tinara, "Vuaina suuyai vaata yaagueeqaa nnoorii nneerai vaara na ee-oo kiaunoo" Ii gioonna kiaapuu iyaa ivaa teekioo ivoo ataamma iyaa foroofeeta kutaavai varinaravai. ¹² Kutaa tuna, fai na Yakoopa seena tuna mmuakiaa yaa rupii nunai naravai. Fai na pata gioonna kiaapuu Isaraira yaa deeyaa varia radaa ngai fai na kavaa vitaanaravai. Fai na iyaa vitee nninai mmuaavaki nuunama vayatee, itaama puraa sipisiipai yaa mmuaa hanikiaa vaki nuunama vayaa neema nuunama vayaaravai. Itaama mmuaa oyai sipisiipai yaa tama tuana garaasanna nneera yoosinnai vaki variaaravai. Ii yoosinna ivaki fai pinaama kiadaa akuaa tidaa nnaaravai, dataama vainnee, pinaa oyai ruaa gioonna kiaapuu yaa ivaki vayaaravai. ¹³ Vaidii gioonoo tauraa nnii voo fai iyaa taura kieema kuanaravai. Iyaa pina keegiai daadirii tiida mmanai kuaaravai. Iyaa Kingai yaa nnaadee taura kieema kuaaravai. Udaanga Anutuuqoo fai iya kieeta vaidii vai varinaravai.