¹ "Taanee, kiisa suai nnaasu fai na vaidiiva titanoo ni kuaiva varoo kuanaravai, vioo ninii aataruuva teerai naravai. Na yokeeravai inna ngia buaa kiai voo fai ivoo aakiai raama kunaravai, ivoo ari sudaaqa nnau vaki kunaravai. A dee voono kua yeena rau kiau kuaiva vatee ivaara siriiga kiannai kua fai a inna taanaravai, ivo tii nai." Udaanga Anutuuqo inna mmuakia mminnai yauva oyai naakarai voo ngiau aapuu varivai. ² Ivo tiinara suai voo ikiai voo gooraiva hudeeraiva roosiima vaniaravai. Yaagueeqa soopai voo mminna mminna kainaamai yauva fini rayaama vainaravai. Fai gioono ii suai ivau mmuaraiva varanoo gioono yagueeqama dinaravai. suai ivo kooya tiira suai vau ³ fai inna varirai voo vaidiiya sirivuaiva huda vovoo mmuakia maisa mminna mminnai yau voo taikai neema varinaravai. Fai ivoo Rivaiya uruu nnaakaraiya ii nai yokeeta tunaaya yamaama variaravai. Ivoo iya ii nai tokeetaama goorai voota sirivuai vaata hudaavo yokeeta tunaavai vai neema varida yaama aatau voo Udaanga Anutuuqa sidi tiivau varida ngiari kati mmirana mmooriva ii kiaaravai. ⁴ Udaanga Anutuuqo kati mmiranaiva sirgaiva taspama mmuaaravai. Naaru ngiar nnaaku kiaiyia uu suai voo vainaravai. Fai Yutaa Yerosareemaiya itaama ii kiaaravai. ⁵ "Aanna na ngiee fai ngi duuyai naravai. Vaidii saaka ruai yaata gioonna kiaapuu nnaata vaati hatokeerai yaata unnakua kia kuaiva varaada nuai rai yaata varaada fai na varadi naravai. Moori haitatuu raiya unakua kiaa hama tuqinnaama mmori vareera ngiaa mmauuya hama sikau varadinara vai. Vaidiiya putuaani mmuaada gipoonna variaani maisa mmoori ii kiaiya, nnaakara kaano kooya putuaani viina variaiya tama voo pinna vooya varainnai yaata vooya hama ni kuaiva rikiaiya koonna mmooriva mmiaiya rikiaatee," Na Udaanga Antuuqo mmuakia mminnai yauva oyai nakaarai voovee. ⁶ "Na Udaanga Anutuuqo hama vovoono ni varainna kioo ni mmaataiva varaivai; Itaama vai nai Yakoopa mmaapuuya fai hama ngi taikeera tainaravai. ⁷ Ngi kookiaiya suai vaki ngia ni mmaana kuaiva hama vateeravai, ngia mmooka hanigia mmiravai, kava niisi ngiatee," F,ai neeta ngisi kuanaravai, Udaanga Anutuuqo mmuakia mminnai yauva varaaya varivai. Ngia kiaano fai ta dataama kiaada aisi kuaara nnee?' ⁸ Vaidii voovoono fai aikiooma Anutuuqa mminnaiva mmuara varanarannee? Ngia nimmnnaiva mmuara varaavai. Ngia kiaano, ta dee aatarudaadi imminnai yauva mmuara varau nnavai. Ii ngia kati ngingii mmirana ivakidiri ngia mmuaara varaavai. ⁹ Ngia mmuakia gioonna kiaapuu pina mmuaara aakiai vaki varida ngia ni minnai yau vaa mmuara varaavai. ¹⁰ Ai yaama kati mmiranaiva varee ngiee hoona yapeera nnau vakira ngiee yaapaanee, Anutuuqa nnau yeenna yapeerai vaki yapa kiee ii mmina yapaanna iyau vaara iima taanee, "Udaanga Anutuuqo mmuakia mminnai yau vaa oyai nakarai voonoo itaakua tiivai." Fai na ngiau aapu tabaangai vaa hatua kinoo, ni yamai raivoo ngii nnau mmuakia yau vai hama aikioo naravai. ¹¹ I yeennai vaa konna kiaiya fai na buaaru tinaravai. Kava hama i yeennai voo teeraiva konna kiaaravai, "i mmatai vaki vuaina iirai yau voo hama kava tasukiravai, fai itaama nnaasu vainaravai," Udaanga Anutuuqo mmuakia mminnai yau vaa yaataro varivai. ¹² "Fai mmuakia gioonna kiaapuuya aiyara yama siringa kuaiva tikiai fai ai mmatai vaki sirigai vaa tasipama varinaravai," Udaanga Anutuuqo mmuakia mminnai yau vaa yaataroo varii voono itaakua tiivai. ¹³ "Udaanga Anutuuqo tinoo," "Ngiaa kuai yau voo yaagueeqmaa kiaa voo nninoo, ngiaa kiaano dee kuavai ta titiita kiaunnai voo immuaara imminnee?" ¹⁴ Akianna noo, 'hama yama oyai voo vaara Anutuqa vataanoo. Dee yama mminna vaara ta inna kuaiva vataada fai taa varaara vainnee, Udaanga Anutuuqo mmuakia mminnai yau vaa varai vau vari vaara rataarannee? ¹⁵ Itaama vainai taa nnutuu nnoonna ii ngiari nnutuu vararua iya mmiaara vee. Ii maisa aataru ii kiaa iya hama yamama vayaiya iya Anutuuqa iima taara itaama iida makee tikiai yokeeta Anutuuqara aatuu kiaavai.''' ¹⁶ Aanna dee yaanoo Udaanga Anutuuqa iida taaree kia kiaa kiada ngiariita kua tida variavai. Udaanga Anutuuqo tirooma harakioo varioo duuyaira yanaivau iya kua rikiai yau vaa fafaaraivai. Dee yaanoo Udaanga Anutuuqa iima taara kia kuaiva raivai. Voo yaanoo nnutuu pina inna mmiaiya yaatama ravai. ¹⁷ "Ii nnutuu pina iyara tinoo," Inna ni gioonna kiaapuuya variavai," Na Udaanga Anutuuqo na mmuakia mminnavai varaaya variau voono itaakua kiauno. Iya ni hoona yama tuanaya, susai na mmuarai vaa kinoo nninai fai na iyara boo tinaravai. Vaidii voovoono ari mmaapuu vaara boo tioo inna vara ravisivai. ¹⁸ Fai aanna atuqinnama kiee tee rikianaravai. Deevo safu tuanavai varikioo deevoono maisavai varivai, deevoo sudaaqaa tiranavai varikioo deevoo hama sudaaqaa tiranavai. Sudaaqaa tiraiya inna Anutuuqara sudaaqa kiaavai.