¹ Pirisaiya aakua aavoo ngiini vai kuavai. ² "Ngia hama ni kuaiva rikiada ngingi ausaki yapada ngia hama nnutuu pinaiva nimiraida na rapiraiya Udaanga Anutuuqo aata kua kiaunoo," Fai na mmuaaraiva iino ngiisi nninaravai. Ii mmuakia yama mminna na ngimmiau iyau vaki kuanaravai. ³ Taatee, fai na fayai nnaara ngia yeena tapii vaara ruputuu hudeera iyauva nnaara ngia varainna iyauva varakiee ngii nneedii nnaakarai yaya tinniiya yapaa naravai. Ii nnaara iyau vaatama ngiita utida mmaanai kagaari kiaaravai. ⁴ Ii mminna ivo vainai ngia teeda kiaara ii kua iva kiau voo ngiisi nninoo. Fai na Rivaiya tasipama ni kua yeena rairai voo vainaravai. Rapira vaidiya Udaanga Anutuuqo noo itaakua kiau noo kiaaravai. ⁵ "Kua yeena rammua kua ivoo fai iya 5tasipama vainnoo varirai vaata dataama varira sa nuufai vaata iya mminaravai. Na ii kua iva kiau voo fai iya iinai aatuuda kiaaravai, fai iya safu tunaya varida nnutuu pinaiva ni miaaravai. ⁶ Tinni vareera kua kutai voo inna aavai vakidiri nniivai. Hama tuna uunakua voovai inna aavai vakidi nniivai. Ari ausai vaki ivoo ni tasipama ausa nuufaiva varo safuuma aataruva iikiai kaayau gioonna kiaapuya ngiari maisa mmooriva pikiaada ausa hanigiaavai. ⁷ Pirisa vaidivo yama teera rikiee raiva ari tinni vaki varai vaara gioonna kiaapuuya innasidi yama tnniva inna avai vakidi varaavai, fai ivo Udaanga Anutuqa tinniiva kiaa koo kiee ranavai varinaravai. ⁸ Itaama ii kiataama vaikiai inna safuu aataru vaida mmooka hanigia nimiaavai. 8Ngiaa itaama ii kiaani gioonna kiaapuuya ni mmaanna kuaiva mmemmaana vida iva hama vataavai. Rivaiya na ngi tasipama na kua yeena rammuauva hatokaavai," Rapira vaidivo Anutuuqa iitaa kua tiivai. ⁹ Ngia ii taama ii kai fai na gioonna kiaapuuya iinai ngii yara pirisai kiai fai ngia mmamma maisa kiaara, mmuakiaa gioonna kiaapuuya avuu vau ngia hama mmuakaraama ii kiaavai. Vooya ngiaa hama yoketai gioonna kiaapuuya yaagueeqa kuai yauva iya kiaavai." ¹⁰ Hama tikoova vovoono varinnee? Hama ti Anutuu vovoono ti ii vainnee? Mo aaniira ta mmuaavai muaavai ti kata vayaiya maisa mmooriiva iida ti koonna kuaava kua yeena raukiai kuaiva hatokau nnannee? ¹¹ Yutayaiya hama safuuma Anutuuqara variaavai, iya maisa mmoori tunaiva Isaraira yaata Yerosareema yaata ii kiaavai. Udaanga Anutuqo iyaara pinaama mmuduuya ruai vai, iya maisa tunaa vai ii kiaa vai, ngiari voopinnaiya unnakua anutuura sudaaqa ii kiaya kidiri gioonnaiya nnaata varaa vai. ¹² Udaanga Anutuuqo fai na aikiooma Yakoopa saasaaya nauuva varainna naravai. Adee vaidi voono ii aatuura iva ii kiaanna kuannee, oo adee vaidi voono vovai kiaa mmiee kianna noo inna pikiaanee, sa ai mmiranaiva varee rapira vaidiiya Udaanga Anutuuqaara kuanee. ¹³ Ngia ataama aataru mmoriva ii kiaavai: Ngingi rateera vunnunnu voota boo tirai voota boo tirai vaadi Udaanga Aknutuqa yeene tapiiva rummua apuaavai. Anutuuqo ii kati ngi mmirana ivaara hama sirigai noo, ngi yaaku yaadi nnii vai. ¹⁴ Ngia kiaa noo, "Dataama vainnee?" Anutuuqo ta kati mmiranaiva hama varainnee ivaa irisai kuai voo vainnoo tinoo, ngia kua yeena rau kiaada tauura nnaataiva varai va ngia pikiaada hama arinaima vatai vaara Udaanga Anutuuqo taivai. Suai ngia taura tuana nnaata vaati varaada kua yeena mmaanna kuai voo tiineema ngia kiaiva hama arinaima vataavai. ¹⁵ Udaanga Anutuuqo hama vo nnaaba voovai ii makioo ari mmannasaiva ngiiki yapai vai nnee? Mo datai kioo mmua nnabavai nnaasu ii vai, ivo too rikiavai fai dee inna nnaakara voonoo Anutuuqa kuaiva arinaima rikioo vataa naravai. Itaama vainai aatuu kiatee, sa ngi mmannasa ngi aakiaana vai voo ngi nnaata tauraiva varainnai vee. ¹⁶ "Udaanga Anutuuqo Isarairaya Anutuuqo itaa kua tiivai," Hama ni yokee taivai ngia ni unnakua kiaa ngi gioonaiya ngia pikia rai vaara iya ruputuaavai. Udaanga Anutuuqo tinoo, "Mmannaasa ngi aakiana variiva sa maisa mmoori ii kiatee." ¹⁷ Ngia itaa kia voo Udaanga Anutuuqo ii ngia ii kia vaara hama inna yokeetai noo, "Ivo ii taama ii kiai ngia kiaa noo, dee aataru vai ta ii kiau nnanoo inna pirisai nnee?" Mo ngia kiaatee, mmokia maisa aataru ii kiaiya kiaanoo inna ta aikiooma yokeeta aataru vai ii kiau nnanoo kiaa voo, "Mo dee Anutuuqa yama aataru voo deevaki vainnee?"