¹ Taatee vaa ii suaivo nninoo, ikiaivo mmeekiai vaa tasipama ngioo mmuakia mminnaiya vaata hudaanaravai, fai ivo ataama yeenna hudeeraiva roosiinaravai. Gioonna kiaapuuya maisa aataru vaara siriiga kiaiya fai iya kumina mmanna mminnaaya. "Ii suai ivau fai iya ikiaivo iya taanaravai, Udaanga Anutuuqo mmuakia yaagueeqavai vai voonoo itaakua tiivai." Itaama vaino hama tuana yatari vuainai vaa pikiaanaravai nnee inna hammarai vaata pikiaanavai. ² Vaidii ni nnutuu vaara aatuu kiaiya na ninii suai vau ngi safuu aataru vaa iinoo suaivo nniineema vainai ngi yama aataru iikiai voota vainaravai, fai ngiaa mmaanai vida suai reerareera kiaaravai. Puara burimakau nnaakaraiya hanikiai vakidiri mmanai vida irayaama iikiaaravai. ³ Ii suai ivau fai Anutuuqo fai iya yukuuaadi vaidi maisaiya raudodoo naravai. Iya itainai fai iya kufukuufaya inna yukuu mmemmai vaki vakiaaravai." Udaanga Anutuuqo itaakua tiivai. ⁴ "Ni mmoori varee Musiinna na skura kuaiva taapi Horeepa ivaudi mmia kuai vaara rikiaatee. Mmuakia kuai vaata mmaanna kuai vaata Isaraira yani kieeravai. ⁵ Udaanga Anutuuqo suai pinaii vau kuakia kookieerai voo Irayaanna titanoo kuanaravai. ⁶ Fai ivo vioo iinai kookiaiya ngiari ausa mmuduuyai yau vaa mmaapuuya mmikiai mmaapuuya ngiari ausa mmuduuyai yau vaa kokiaiya mmiaaravai. Itaama iikiai na tiinara suai vau, fai na hama ngi mmata mmaatai vaa koonnama maisama ii naravai."