¹ Anutuuqo Nuvuaanna mmuakiaa mmarara vasi ngiamma vaidi haitatura vasingiaammaiyatama siipaivaki yapeeravai. Ivo yunnaiva tuduu mmuakiaa mmatavau rummua apukio vauduu nnoorivo varadu taikeeravai. ² Mmata mmemmaivakidiri nnuu nnoori vootama ngiauvakidiri tuu nnoorivootama taika kieeravai. ³ Nnoorivo tadadama varaduaro viovio taika kiooduu mmataivo kooya 150 suaivaki taikoodu nnoorivo reekairavai. ⁴ Siipaivo mmuavaidivai yaaku vaitana yukusaivai sainaidiri taarama suaivo tama kuraaga yaakusaivai sainaidiri taarama suai taika kiooduu, taapiva nnutuuvo Araraata ivau vairavai. ⁵ Nnoorivo mmanna mmanna reekainno vara duaro vududu yapooma yaakuvaitana kuraagaiva suai tauraivau taapiva mmutuuvo kooya vaira vai. ⁶ Ii Suaivo ngio vioo taara vaidi yuku yaaku taika kiooduu, Nuvuaava siipaiva tabaanga sipu iima kioova hatueeravai. ⁷ Hatua kioo ngiaamma vuaheennaiva titoodu furukukuunno oto too numatooravai. ⁸ Kioo ivo kava ngiaamma mirunnaiva titaakio taanara,vaa nnooriivo rekamaroo kuai kioo mmata veraivo kooya vainnee. ⁹ kiaa titaa kioodu mirunnaivo oto nuainno varinara buaama too kava vararano siipaivaki Nuvuaannasira nniravai. Nnuduu Nuvuaava siipa tabaangaidadiri yaakuva reemma utudu ivau varudu vita yapeeravai.Homo nnoorivo mmataiva rummua apukioo vairavai. ¹⁰ Ivo kava faannauduu yaaku saivai sainaidiri taara suaivo ngioovudu, kava mirunnai va titaa kioodu siipaivaki mmaanai furukukuunnoo tioo viravai. ¹¹ Tioo oto nuainno nno hennaudu duu yatari Oriifaiva apuuva dooka raapu varoo vuduu Nuvuaava too tunoo inna vaa nnoorivo reekaino. ¹² kiaakioo mmanna mmanna voo vaatama fannau duu yaaku saivai sainaidiri taara suai ngioo vuduu kava mirunnaiva titaa kioo duu furukukuunno mmaanai tioo vioo hama kava siipai vaki Nuvuaannasira nniravai. ¹³ Ivo kaayau [600] nuanu ivaa nuanu tauraiva taura kuraagaiva suai tauraivau nnoorivo reekama taika kioodu mmata veraivo sasakaudu Nuvuaava siipaiva sipuuva hatueeravai. ¹⁴ Hatua kioo raveetama toodu kuta vaa mmmataivo sasakairavai. Mmanna mmanna taara kuraaga ngioo vuduu suai mmua vaidivai yuku yaaku taika kioo vovaidivai yaaku saivai sainai diri taara suai ngioo vuduu mmataivo eeyaara sasakama taikeeravai. ¹⁵ Aanutuuqo Nuvuaanna tunoo, "Tiida siipai vakidiri ai nnaataivotama ai mmaapuu yaatama iyaa nnataiyaatama mmaanai kuate. ¹⁷ Mmuakiaa variravai vasingiaammaiyaata sisi kapua arivookara vookarau yaatama vitee mmaanai tiee kuanee. Fai iyaano mmata harakioo pinaavai vioo mmuakiaa mmata aavau suvuai naravai." ¹⁸ Nuvuaava ari nnaata nnaakaraiyaata mmaanai tiida viravai. ¹⁹ Mmuakiaa mminna varira vauya siipaiva pikiada mmuakiaaya ngiari atauya yaponeema tiida mmaanai viravai. ²⁰ Nuvuaava Anutuuqaara yeena tapiivaa hanuu hareeravai. Hanuu hara kioo Vasingiaammaiyauva yeena tapiivaki kiooduu ikiaivoono taataikeeravai. ²¹ Aaginiiva ausaivoo yokeetainno vuduu tunoo, hama fai na kava mmuakiaa varira vai mminnai yauvaata mmata aavaata ruputu raubirinaravaivee, tiravai. Anutuuqo tunoo, fai hama na mmuakiaa variravai mminnai yauvaata mmataa aavaata kava ruputu raubirinaravaivee, tiravai.Fai mmataivo ari itaama vainaravai. ²² Fai yeennaiyauva vara utira suaivo nnino kaanaiyauva vareera suaivo nninaravai. Fai suai pinaivo ari teeno vatiivo ari rinoo heenaira patairaivo vinoo hama suvuairaa tainaravaivee,tiravai.