¹ Aaginivo Nuvuaanna tunoo, mmuakiaa gioonna kiaapuu aa vayaa aayakidiri ammua tuana kuaano Aaginiva ni avuvau safu tuana kua vayannano. ² Itaama vainai,eetama ai nnaata nnaakaraiyaatama mmuakiaa mminna mminnaiyauvaatama siipaivaki varee ngiee kuanee.Mmuakiaa sisikapuaiyaa tama vasingiaamma yootatama vayaiyakidiri yaaku saivai karasaidiri taarama tiee vaati vitee nnaata vitaanee. ³ Ngiaamma ngiauvau nuairaiyaki diri yaaku saivai karasaidiri taara tiee nnaata tiee vaati tiee vitee yapaanee. Itaama vitee yapaa nnaiyaano fai mmata harakioo aikiooma mmuakiaa mmata avau suvuainaravai. ⁴ Fai yaaku saivai karasaidiri taarama suai taikakinai fai na tinoo rikioo vati pinaivo taara vaidi yuku yaaku heena ikianna taika kioo ruanaravai. Fai mmuakiaa mminna mmata avau varira vai mminaiyauva neeno iima kiau mminnaiyauva rummua raubirinaravai. ⁵ Tuduu rikioo Nuvuaava Udaangaivo tuneema iiravai. ⁶ Nuvuaava kaayau nuanu [600] varuu suaivaki nnoori pinaivo mmuakiaa mmata aava ruputiravai. Nuvuaava ari mmaapuudo ari nnaataivo ari mmaapuuya nnaataidotama nnida siipaivaki viravai. ⁷ Iya mmuakiaaya nnida siipaivaki vati nnoori pinai vaara aatuuda viravai. ⁸ Yootata vasingiaammaiya tama hama yootataiyatama, mmuakiaa ngiaasukuaiyatama mmata avau ausaya nuairai yaatama taara tiee nnaatava vitee vaativa vitee Nuvuaannasi siipaivaki yapaatee. ⁹ Anutuuqo Nuvuaanna ari kiaa mmiineema ii kiatee. ¹⁰ Ari tiineema iikioo yapooma yaaku saivai sainaidiri taarama suai ngioo vino nnoorivo mmuakiaa mmatavai rummua apuaivee, tiravai. ¹¹ Ii suai ivau Nuvuaava [600] nuanu variravai, taara kuraaga yaaku vaitana yukusaivai sainaidirii taara suai kuraagaivo nnuduu. Mmuai suaivau mmataivoo hatuoodu ngiauvo hatuoduu vati pinaivo mmuakiaa mmatavai rummua apukioo vairavai. ¹² Rummua apukio vaududuu mmua kuraagavai yaakuvaitana suaivo taika kiooduu heenaivo ikiannaivo ngioo viravai. ¹³ Ii mmuai suai ivau Nuvuaava ari mmaapuudo Seemo,Haamo, Yafeeto Nuvuaanna ari nnaataivo inna mmaapuuda nnaataidootama siipai vaki viravai. ¹⁴ Iya mmuakiaa vasingiaamma sisi kapuaiyaatama vita reera kiada viravai, mmuakiaa ari vookara ari vokarau fayai mmataya nuairai yaatama haaya rua ngiau nuairai yaatama ngiari atau yauvaki yapakiada vitada viravai. ¹⁵ Mmuakiaa varira vau fayaiya taara tida nnaata tioo vaati tioo Nuvuaannasi nnida siipaivaki viravai. ¹⁶ Fayai nnida vuuya nnaata tioo vaati tioo nnaasu ari Anutuuqo tuneema Nuvuaannasi viravai. Vida taika kiooduu Aaginiivo nnaagiai siipaiva sipuuvaa raukieeravai. ¹⁷ Itaama vauduu vati nnoorivo giauvakidiri tioo nuunainno mmataivaa rummua apukioo vaudu taara vaidi yuku yaaku taikakioo suaivo vairavai, ii suai ivaki nnooriivo mmuakiaa mmatavau rummua apukieeravai. ¹⁸ Nnooriivo mmanna mmanna mmuakiaa mmatavau rummua apukioo yurataa kioo vaudu siipaivo nnoorii veraivau nuairavai. ¹⁹ Nnoorivo mmuakiaa tatari taapiyauvaatama rummua apukioo vairavai. ²⁰ Nnoorivo yurataaro hayuoo taapiiyauvaa yaatara kioo voovaatama ngiau tammayaa [15] atau ivau vairavai. ²¹ Mmata veraivau varira varada varuu mminna mminnai yaatama gioonna kiaapuu yaatama mmuakiaa ngiaasukuai yaatama putu taikeeravai. ²² Varira vai mminna mminna mmata mmammaivaki varuu yaatama eyommaara putu taikeeravai. ²³ I suai ivaki mmuakiaa mminna mminna mmata aavau varuu yaatama vasingiaammai yaatama gioona kiapuuyaata eeyaara taika kieeravai. Nuvuaavata ari nnaata nnaakarai yaata vasingiaamma siipaivaki varuuya nnaasu variravai. ²⁴ Homo nnoorivo yurataakioo vau duduu 150 suaido taika kieeravai.