¹ Kioo Anutuuqo raabaivaa Nuvuaa nnaata inna mmaapuu yaatama mmioo tunoo,vida mmuakiaa mmata vau mmataharakioo suvuakuaivee,tiravai. ² Fai mmuakiaa vasingiaa mmaiya i haitatuu raivaki variaiya aiyara aatuu kiaaravai.Mmuakiaa vasingiaa mmata veraivau variaiyaatama nnooriivaki variaiyaata Iyaaku vaki yapauno. ³ Mmuakiaa varira varada variaa mminnaiyauvaa Anutuuqo nnaateera ngimmivai. Mmua karaama urira mminnai yauvaatama ngi mmiauvai. vaa na mmuakiaa mminnaayauvai ngimmiauvai. ⁴ Sa fayaivaa kiaurai vaatama nnaanee,variraivo kiauvaki vaivai. ⁵ Itaama vainai fai na varira i mmiau ivaudiri safuuma yookaivaa i mminaravai. Fai mmuakiaa varira varada variaiya mmiee fai gioonna kiaapuuyaatama mminaravai. ⁶ Fai vaidi Voovoono ari seenaivaa ruputinoo putiivo, inna kiauvoo ii vaidi ivaa rummua apinaravai. Ivo itaama iivo Anutuuqa mmanna mmannaavai ruputivai. ⁷ Fai iikinaadiri mmuakiaa mmata aavauvari suvuaida mmata harakioo kaayau varida vida nnida mmuakiaa mmata aava rummua apuaaravaivee, tiravai. ⁸ Kioo Anutuuqo Nuvuaannaatama inna mmaapuyaata tunoo. ⁹ Ngia rikiaatee, fai na kua yeena rairaivaa ngii tasipama iinaravai. Na ngii tasipama iikiauvo fai ngiiyara vainno fai mmanna mmanna ngii sidi nnaidiiyaraatama vainaravai. ¹⁰ Mmuakia varira vai mminnaiyauvo mmata aavau variaiyaatama ari vookarai fayai mmararai yaatama ngiaa sukuai yaatama, siipaivakidiri tummuaiyaatama mmuakiaa mmatavau varira varada variaiya tasipama variaaravai. ¹¹ Na aavaudiri ni kua yeena i tasipama rammuauvaa kiaa kookieenna kiaunoo,fai hama kava nnooriivo mmuakiaa mminna mmata aavau variaa mminnaiyauvaa ruputinaravai. Hama kava nnaagiai fai nnooriivo mmata aava rummuaa raubiriinaravai. Anutuuqo tunoo,aa atau aavo inna na i tasipama kua yeena rammuauvovee. Fai na hama varira varada ii tasipama varia vasingiammai yaatama, nnaagiai varia gioonna kiaapuu yaatama na ruputu raubiri naravai. Na furainaiva namaivau yapauvo, inna ivo ni kua yeena mmataivaara rammuauva atau vovee,tiravai. ¹⁴ Fai suai voovau ngia teekio namaiyauvo ngioo nuunaino furainaivo ngiau vau rainara vaivee. ¹⁵ Fai na yapooma kava mminna voovai iinaree kiaa kiee ni kua i tasipaama yeena rammuau vaara yaata utuee fai hama kava na nnooriiva tino rikioo gioonna kiaapuu yaatama mmuakiaa mminna mmata aavau vai mminnai yauvaa tama ruputinaravai. ¹⁶ Furainaivo ngiau vau rainai fai na ni kua yeena rammuau vaara rikiee hama kava rummua raubirii raivaa ii naravai. ¹⁷ Anutuuqo Nuvuaanna tunoo,aa atau aava na yapauvoono kiaa kookieenno niitama mmuakiaa mminna mmata aavau variaiyaatama ti vuutaivaki vainaravaivee tiravai. ¹⁸ Nuvuaanna mmaapuuya siipaivakidiri tummuaiya nnutuuyauvo Seemoo, Haamo, Yafeetainnavee. Haama mmaapuuvo Kenaanove. Inna Nuvuaanna mmaapu taara vooma iyakidiri gioonna kiaapuuya mmata aavau vari suvuakuaavai. ²⁰ Nuvuaava mmata aavau yaagueeqama mmoori vareeranavai vario, vuainai yauvaa vara utiravai. ²¹ Vo suai ivo vuaina suuyaiyauvaa nnoo kumimakainno ari uyira rairaiyauvaa reebu kioo taguaada ari nnauvaki vairavai. ²² Itaama vauduu Kenaana koova Haamo oro tooduu, iya koova taguaada ari nnau vaki vauduu oto ari saiya kiaa mmiravai. ²³ Kiaa mmuduu Seemoota Yafeetotama buruqai vaa varada, mmookanni diri vidada oro ngiari koonna rummua apukiada hanigiada viravai. Hama ngiari koonna taguaadaivaa teeravai. ²⁴ Suai Nuvuaanna yaata tinni kumimakauvo taika kiooduu rikiooduu inna nnaakaraiya dataama ivo uuvaara inna kiaa mmiravai. ²⁵ Inna kiaa mmuduu ivo ivaara nnaannato tunoo, fai mmuaaraivo Kanaanayaa vainaravai.Fai ivoo ari kata vayaiya mmoori vareranavai varinaravai. ²⁶ Kiaa kioo ivo ataa kua tunoo, kii Aaginiivo Seema Anutuuqo innara yokeetainno Kanaana iino inna mmoori vareeranavai variaivee. ²⁷ Fai Anutuuqo Yafeeta mmataiva iino too pinaavai vinoto Seemo ari nnauyauvaa vokammuvau heekakioo varino, Kanaano inna mmoori vareeranavai varinaravai. ²⁸ Nnooriivo mmata mmuakiaavai rummua apuu suaivo taika kiooduu ivaa mmookainni Nuvuaava mmuaa hadeeta fifitii (150) nuanu variravai. ²⁹ Nuvuaava varuu nuanuudo naina hadeeta fifiti (950) varioo putiravai.