¹ Kiaakioo Yakoopo ari mmaapuuda tunoo, mmuakiaaya nnida nuunaida varikiai yapoo vainara mminnai yauvaara fai na ngi giaa ngi minaravee.Nnidaa nuunaida rikiaatee, ² Ngia Yakoopa mmaapuuya nnida ngi koonna Isarairaa kuaivaa rikiaatee. ³ Kiaakioo Roveena tunoo, a ni maapu taurakuavee. Ni ii kiatairai vaudiri varianna ni yaagueeqa taurai kuavee. ⁴ I yaata tinniivootama i yaagueeqai vootama vararuma vainnoo nnoorivaa vadiiya hama suvuairaiva roosiima vaivai.Itaama vaikiai eeno ai koonna nnaataivaa tasipee inna mmaataiva koonnama ii kiannaivaara fai hama a nnoonna vaidivai varinaravai. ⁵ Simuunaya Riviiya katovayo vaitana, iya rapira mminnaa avai karau yauvadiri vaidiiya sabi saabi ruputiravai. ⁶ Itaama ii kiai vaara hama ni mmuaa ausaivoo iya tasipaanaravai. Itaama vai vaara hama fai na ngia ii kiaara mminnai yauvaara eeoo tiee ngi kua yeena rairai yauvaara yohoo tinaravai. Ngi nnanna teera suai yauvaki ngia vaidiiya ruputuaani putuaavai. Ngiaa ausa nuufa vareera suai yauvaki puara kauuya yukuu yauva rummua ruaimiaavai. ⁷ Pikii taarama ngiari nnanna teeraivoono hanigioo ngiari koonnama iinnoo nnutuu maisaivaa iya mmiaivee. Iya ausa nnannateeraivo pinaavai yaagueeqama vainno koonnama vaivai. Ivaara fai na taarama ii nai niisinnaidiri vida nnida Isarairaaya tasipama variaaravai. ⁸ Fai Yutaanna katavayaiya inna nnutuuva varaaru utuaaravai. Fai ii nnammutuaa iikiaiya nnuunai yauvaki iyaakuuvo utinai fai i koonna mmaapuuya iiyara tooruvu yau haraaravai. ⁹ Yutaava fai mmararaiva roosiima varivai. Ivo kaayau fayai yauvaa haara nnaikioo inna yaagueeqaivo pinaavai vaivai. Ivo voovaatama yaagueeqa varoo tadadama varirana fai mmararaiya roosiima varivai. Itaama varikioo hama vaidii vovono inna yaataraivai. ¹⁰ Ivo yauvoovai kieeta mmaataiva yaagueeqaiva mmataama kioo utukioo vaivai. Ivo varioo fai kieetavai tupatupa varinaravai. Fai ivo ii atau iva utukioo vainnonnoo yoosinna Siroo ivaki vioo varinaravai. Varioo fai ivaki vayaa gioonna kiaapuuya haitatuunaravai. ¹¹ Ivo kaayau yoketa yeena vuainai yauvo suvuaivai. Itaama vauduu ivo mmuakiaa suai ari puara togiiyauva iyauvunu hariravai. Ivo kaayau vuainaiyauva tutitiima kioo nnoo toodu hama nnoo mmiraiyaataudu vooyau vaadiri ari uyira rai rai yauva finiravai. ¹² Inna avuuvo vuainaiva roosiima kookeevai vaudu inna avaivo nnaamma suuyaiva roosiima poosavai vairavai. ¹³ Seburuuno fai nnoori pinai vaa siriivau varinaravai. Fai ivo siipaiya numa dirana vai varinaravai.Fai inna mmata atauvo hayuo voovaatama pinaavai Sidoona kuanaravai. ¹⁴ Isasaaro inna yaagueeqa puara togiiya roosiima varivai. Varioo ivo puaraiyani yapoo hoonai yauvaa vuutaivaki vairavai. ¹⁵ Ivo varioo ari varuu mmataivaa toodu yoketaudu, ivo yaagueqama mmooriiva vareeravai. Ivo ari mmuyai ruaimikioo mmooriiva varoo hanigioo kati mmoorii vareerana vaidivai varioo yaagueeqama mmoori vareeravai. ¹⁶ Daano fai ari gioonna kiaapuuya yoketaama haitatuunai fai iya Isarairaa gioonna kiaapuuya roosiima variaa ravai, ¹⁷ Daano fai yapai vuaihaiva roosiima vida nnidaira aataru tooyaivaki vainaravai. Vainai fai vaidiiya hoosaiyauva varada nnikioo ivo hoosaiya yukuu yauvunu gutinai vaidiiya hoosaiyau vunudiri taikiada tummuaaravai. ¹⁸ Aaginioo, na aiyara faannainai fai eeno ni vara ravisiee kava ni vitaanaravai. ¹⁹ Gaato fai hoosaiyauva varoo seeno rapira vaidiiya yaataraanaravai. ²⁰ Fai ivo akiairaama seeno iya vataroo iya yukuu vaavatai yauvaki raanaravai. Asaanna yeenna nneeraiyauvo fai kaayau suvuainaravai. ²¹ Fai ivo ari vookarai yoketai yeenaiyauvaa nnaanaravai. ²² Yoosiipa variraivo fai mmuakiaa suai yoketaivai nnaasu vainaravai. ²³ Ivo fai yatarivo nnoori rumuruumaivaa siriivau dioo vaivaa roosima dioo vainoo inna hammarai yauvo hanikia pinaiva rummua apinaravai. ²⁴ Fai inna suruuvoo yaagueeqama dioo vanaravai. Fai inna yaakuvaki yaagueeqaivo suvuai naravai. Mo ii yaaku iyauvo Yakoopa mmaapuya yaaku yauvai.Itaama vaivo inna puara sipisiipaiyara hai tatuuraiva nnutuuvau diriatama Isarairaaya Sikau yaagueeqai vaudiriatama yaataraivai. ²⁵ I koonna Anutuuqo fai i vara ravisioo fai yaagueeqa tupaa varira Anutuuqo fai ngiau aapuuvaki vai raabaivata, mmataiva vioo rukioo kuai raabaivaatama,ausaivaki varida nnaamma nneera raabaiva imminaravai. ²⁶ I koonnayaa vai raabai voono i nnaakunna taapiivau raukioo vai raabaiva yaatarai vainnee vara i nnaakukiaiya nnaba ii kiatairaivo iya taapiiyauvunu raukioo vai voono yaatarai vainnee.Mo fai ngiari Yoosiipa kieetaivau varida fai inna katavayaiya kieeta mmaataiyau vunu variaravai. ²⁷ Piniamiino fai mmararaiva roosiivai. Ivo mmuakiaa henanaanna fayaiyauva ruputu varoo numa nnaivai . Mmuakia hennaiyauvaki ivo vara duuyai vai. ²⁸ Inna iya Isarairaaya oyai yaaku vaitana yukukidiri taara oyai yavee. Inna iya ngiari koova raabaiva mmuuyavee. ²⁹ Iya mmuavai mmuavai mmarammara raabai yauva vareeravai. Raabaiyauva iya mmioo tunoo, vainima fai na nini seenai yasi kuanaravai. ³⁰ Na putinai Hitiitaa vaiidi Eporoona mmataivaki ni naakunna hanu hauvaki ni hakuatee tiravai.Ii mmata ivo Makaperaa, Mamaree vanima vaivai.ivo Kanaana mmata pinaa ivaki vaivai.Ii mmata ivaa Aaparahaamono Hitiita vadii Eporoona sidiri vaidi putuaiya hanuu haira mmatavai yookaama kiee ravai. ³¹ Ivaki inna Aparahaama tama inna nnaataiva Seraannatama hanuuhairavai. Varida kava Isaakatama inna nnaataiva Revekaanna tama hanuuhairavai. ³² Mmuaivaki Riaanna tama hairavai.Ivaki vau mmata nnauvaata mmatai vaatama gioonna kiaapu Heeta varuuyasidiri yookairavai. ³³ Yakoopo kua mmaannaiva ari mmaapuuya kiaa mmikioo ari yukuuva ii mmata ivaudiri rada varoo ari gioonna kiaapuuyasi viravai.