¹ Yoosiipa ausaivo pinaama maisaudu vioo varo ari koonna yuku oyaivaki vainno inna varau utiravai. Yoosiipo ari mmoori vareera tutaqaiya tunoo, marasiinaiyauva teerama kiada inna koonna nnabaivau siikama kiada hanu hakuatee. ² Iya Yakoopa nnabaiva itaama teerama kieeravai. ³ Iya (40) suai Yakoopa nnabaiva teerai ravai. Iyiipaiya inna tasipama (70) suai boo tiraivaki variravai. ⁴ Rateera suaivo taika kioodu Yoosiipo Faraunna mmoori vareera vaidiiya tunoo. oro Farauunna kiaammida kiatee. ⁵ Ninapoova putinara iinoo, ivo niitama kuaiva yeena rainno tunoo, fai na kiisa suai putinaravai. Na putinai ni nnabaiva varee yoosinna Kenaana, vaa neneeno mmata nnauva hanu kioovaki hakuanee. Pikinanai fai na oro ni napoonna haukiee kava nninara vai. ⁶ Tuduu rikioo Farauva inna sai tunoo, oro ai koonna haukuaane. Ivo ari tuneema vatee iikianee, tiravai. ⁷ Yoosiipo ari koonna nnabaiva varoo hanu hainara viravai. Vuduu mmuakiaa Faraunna mmoori vareera vaidi kieetai yaatama inna nnau yauvaara haitatuura vaidiyaatama mmuakiaa kieeta vaidi Iyiipa ivaki varuu yaata mmuakiaa Yoosiipa kata vayaiyaata inna koonna seenai yaatama viravai. ⁸ Vida mmuakiaa ngiari nnaakarai yaatama sipisiipai yaata meeme yaatama pikiooduu Goseena yoosinna ivaki variravai. ⁹ Vaidiya ngiari hoosa kariisaiyauva varada Yoosiipa tasipama viravai. Kaayau gioonna kiaapu vooyaatama iya vatarada viravai. ¹⁰ Iya Vidada oro Atadaa yoosinnaivaki vuitaiyauvaa tama vuainai yauvaata tutitiima yapeera yoosinnaivo nnoori yorotaana sainai nnigiata vairavai. ¹¹ Ii yoosinna ivaki iya Yakoopara pinaama boo tida hokoba suai Yoosiipo yaaku saivai sainaidiri taara suai ari koonnara boo tiravai. Kenaanaiya toodu yoosinna Atadaa ivaki ratada varuduu rikiada iya tunoo, aa yoosinna avoo Iyiipaaya boo tirana yoosinnavai. Itaama vauduu iya Aveero Misaraimo tiravai.Ii kua ivaa oyaivo ataama vaino, Iyiipaiya bootira yoosinnaivo nnoori Yorotaana sainai nnigiata vairavai. ¹² Yakoopa nnaakaraiya ari tuneema iiravai. Inna mmaapuuya inna nnabaiva varada Kenaana mmata ivaki hoonuru voovai Makeperaa ivo Mamaree vainima vau oonau vaki yapeeravai. ¹³ Aaparahaamo ivaki oonau voovai Hitiita vaidi Eporoona sidiri putuaiya hainaree kiaakioo yookaama kieeravai. ¹⁴ Ivo ari koonna haukioo, Yoosiipo kava Iyiipara ari katavayai yaatama gioonna kiaapu inna koonna varada vuu yaatama viravai. ¹⁵ Yoosiipa katavayaiya toodu iya koova putudu, iya tunoo, Yoosiipo tiiyara koonnama yaata utuoo fai ta inna uu irisaiva ti iinarannee? ¹⁶ Kiaakiada numa Yoosiipa avuu vau dida vaida kiaano," Mo i koova putinara iinno tinoo, ¹⁷ Yoosiipa kiaammida kiatee," boo i katavayaiya nnaaru i koonnama uuya mminna mminna masaiyauva taunnuanee. Boo aanna makee Anutuuqa mmoori vareeranaiva i koona ni mminna mminna maisaiyauva taunnuanee. "Tuduu rikioo Yakoopo iya tuu saiva pinaama rateeravai. ¹⁸ Yoosiipa katavayaiya vida varada inna yuku oyaivaki vairavai, vaida inna tunoo, Ti taane. Ta i mmoori vareeranayavee. ¹⁹ Tuduu Yoosiipo iya sai tunoo," Sa aatu kiatee. Hama na Anutuuqa mmaataiva varauno tiravai.. Moo ngiengieeno mmoori maisaiva ni ikiaavai. Anutuuqo ari mmuduuya riraivakidiri variraiva nimivai. ²⁰ Sa aatu kiatee, fai na ngii haitatuunna ngii nnaakarai yatama haitatuu naravai. ²¹ Ivo iya itaakua tuduu, iya ausaiyauvo yoketauduu ausa nuufaiva vareeravai. ²² Yoosiipo Iyiipa ari koonna nnaakara voyaatama variravai. Ivaki ivo 110 nuanu variravai. ²³ Yoosiipo ivaki varioo Eparaima nneedi tunnaiya teeravai. Too Makiraava Manaseenna mmaapuvootama Yoosiipo uu aataru yauva iya vitavitairaivai. ²⁴ Yoosiipo ari katavayaiya tunoo, vaiinima fai na putinaravai. fai Anutuqoono iisi tioo i vitoo aa mmata aavaudiri pikioo nnaaru mmata voovai Aparahaamo, Isaako, Yakoopainnani mmataama kioovau variaaravai. ²⁵ Kiaa kioo Yoosiipo gioonna kiaapu Isarairaiya yaagueeqama tunoo" Fai Anutuuqo kooya ngiisi tiinaravai. tiinai fai ngia ni mmuyaiyauva aavaudiri varada kuaravai." ²⁶ Itaakua kiaakioo Yoosiipo putiravai. Ivo 110 nuanu varikioo nnagiai putiravai. Inna nnabaiva safusaafuuma kiada Iyiipa mmata nnauvaki yapeeravai.