¹ Mmuakiaa mminna iyauvaa nnaagiai vovoono Yoosiiponna tunoo," Taane ikoova nnitaraino." Tuduu rikioo Yoosiipo ari mmapuvaitana Eparaimoya Manaseeyaatama viteeravai. ² Suai Yakoopo toodu inna mmaapuuvaitana inna taara nniravai. Isarairo yaagueeqa varoo ditoo ari mmataivau harakioo variravai. ³ Yakoopo Yoosiipa tunoo," Anutuuqo mmuakiaa ari yaguee qaivaa tasipama niisi nniravai. Ruusa mmata Keenaana ivaki Anutuuqo ari yoketairaivaadiri ni rummua apu kieeravai. ⁴ Anutuuqo ni tunoo, rikianee, neenoo inai fai a kaayau varinaravai. Variee mmuakiaa mmata avau suvuai naravai.Fai a kaayau mmata vooyauvai koova varinaravai. Fai na aa mmata aava i sidinaidiiya mminoo ivo iya mmatavai tupatupaa vainaravai. ⁵ Aanna immaapuu Iyiipadiri mmataannai vaitana yapooma fai na Iyiipa ngiisi kuanaravai. Eparaimo Manaseevainna nii niyavee. Mmuakarama Rubeenaya Simuunayaaatama niiniyavee. ⁶ Nnagiai ngiaara nnaakaraiyaatama inna aii niyavee, iya nnutuuyauvo ngiari kata vayaiya mmanna mmannaa yauvai vainaravai. Vainai iya iikiaa mminnai yauva iyaatama varaaravai. ⁷ Na niniiyara kiauno, suai na Padana ngiee, kaayau pinaama Reseeronnara yaata utiravai. Aataruuvo homoo hokobavai Eparaimasira viraivovee. Eparaimo vuu aataruvau Reseeronna hau kieeravai. ⁸ Suai Isarairo Yoosiiponna mmaapuuda too tunoo," inna ngia giaa nnaakara yannee? Tuduu ⁹ Yoosiipo ari koonna tunoo," Inna ni maapuya aavakidiri Anutuuqo nimuu yavee, Tuduu rikioo Isarairo tunoo, vitee niisi ngianee, nninai fai na raabaiva iya mminaravaivee, tiravai. ¹⁰ Isarairova ngiabaikiooduu inna avuuvo upisii kioo hama ivo aikiooma taanaravai. Itaama vauduu Yoosiipo ari mmaapuuda vitoo Isaraira vainima vuduu ivo iya varau utuoo mmooto raabaiva iya mmiravai. ¹¹ Isarairo Yoosiipa tunoo, na yaata utuee hama kava i avuuvaki taanaravai. Itaama vaikioo Anutuuqo ni pikiai kiai vaa na immaapuuyauava tauuvai. ¹² Yoosiipo iya vitoo mmaanai tioo Isaraira yuku tooruvu vuutaivaki Yoosiipo tooruvu yau haroo ari virinikiivaa mmataivau yapeeravai. ¹³ Yoosiipo ari nnakarai vaitana Eparaimoya Manaseeya vitoo ari koonna Isaraira yakuu yaadudai nningiaa Manaseena yapoo geedai nningia Eparaima yapeeravai. ¹⁴ Isarairo ari yaaku vaitana rakuaana kuaanama utuoo ari yaaku yaadudaiva Eparaima kieetaivau utuoo ari yaaku geedaiva Manaseenna kieetaivau utiravai. Dataama vaikioo Isarairo itaama innee. Manaseeva inna Yoosiipa mmaapu ngaruvavee. ¹⁵ Isarairo Yoosiiponna ari raabaiva mmioo tunoo," Anutuuqo nnaaru ninapoonna Aaparahaamaya Isaakaya tasipama variaro nniivo aanna makee i Anutuuqo ni haitatuumaro nniivo aanna makee vaino. ¹⁶ Ii mminnaa iyauvo maisai ataruuva iqii kiaavo Anutuuqo ngiau aapu variivaa Aangeera yoketaiyaano ni haitatuuravai. Inna yokeetai raivo innaakaraiya tasipama vakiaivee. Pikino ni nnutuuvo iya nnaakaraiyaki vainoo ninapoo vainna Aparahaamo Isaakooya nnutuuyauvo iyaki vakiaivee. Pikinai iya nnida kaayau varida aa mmata aava rummua apuatee. ¹⁷ Suai Yoosiipo ari koonna tooduu ivo ari yaaku yaadudaiva Eparaima kieetaivau utuduu Yoosiipa ausaivo hama yoketairavai. Ivo ari koonna yaakuuva ruvuasa kioo vara Manaseenna kieetaivau yapanara ii ravai. ¹⁸ Yoosiipo ari koonna tunoo, " Napoo," Hama safuunoo, ninapoo, dataama vainnee. Aa ngaruvavee, ai yakuu yaadudaiva inna kieetaivau utuanee. ¹⁹ Inna koonna pirisaudu tunoo, vaa na taunoo, ni maapuo, fai ivootama gioonna kiaapu varioo fai ivootama pinaa vaiidivai varinaravai. Itaama vaudu inna kata kisaivoono fai inna yaatara kioo pinaa vaiidivai varinaravai. Fai inna mmua oyaiyaatama inna nneedi tunnaiya vovaatama kaayau mmata aavau vari suvua kuaravai. Ii suai ivau Isarairo raabaiva iyayaa yapoo tunoo," ²⁰ Fai Isarairaa gioonna kiaapuuya raabaivaa kiaa koo kieeda kiaaravee, Pikikioo Anutuuqo Eparaimoya Manaseeya iineema ngii mmatakiaivee. Itaama vai vaara Isarairo Manaseenna tauura Eparaima yapeeravai. ²¹ Isarairo Yoosiipa tunoo, taanee, fai makee na putinaravai. Inna Anutuuqo itaasipama variai vee, varioo ivitoo kava aii kookiaiya mmaataivau ngiai vee. ²² Na aiyaara kiauno gioono i katavayaiya tauraivonnee, fai na taapi rereevau vai yoosinna ivaa imminaravai. Ii yoosinna ivaa na paipaivaata mmataa veevai vaata Amoraitaiyasidirii yaatara kiee vareeravai.