¹ Yoosiipo oro Faraunna tunoo," nii napoo vaata ni gataavayai yaatama ngiari vasingiaammai yaatama mminna mminnaiyau vaatama varada numa mmata Keenaana ivau ngiaano. ² Taane, yoosiinna Gosena vaa variaano.Yoosiipo ari kata yakusaivai vitoo oro Faraunna vitairavai. ³ Farauva yaaku sai vaidiiya yaparainno tunoo, ngia aanii mmoorivai iikiaayannee? Tuduu iya inna sai tunoo, ta ii mmoorii vareera ngiaammau yavee, taa puarara haitaturai yavee tiravai. ⁴ Iya Faraunna tunoo, hama ta yoosinna kenaana eeyaara variaravai. Hama garaasanna taikioo hama vati ruaikio mmatai yauvo aasannaikio vasiingia mmai yauvoo hama yeenna nneerai yauvo vairavai. Itaama vainai fai aikiooma aii mmoori vareera vaidiiya tinai yoosiinna Goseena variaravai. ⁵ Farauva Yoosiipa tunoo, ikoovaata ii katavayai yaatama ii si ngiaaravai. ⁶ Iyiipa mmataivo iyaakuvau vaino, aii koonnata ai katavayai yaatama tinai yoketa mmata Goseena ivau variatee. Iyakidirii yaagueeqa vaidiiya tinai nivasi ngiaammaiyara haitatu kiatee tiravai. ⁷ Yoosiipo ari koonna Yakoopa vito Faraunnasi nnuduu Yakoopo Faraunna raabaiva mmiravai. ⁸ Farauva Yakoopa yaparainno tunoo, fai a naana nuanu a mmata a vau varinaranne?" ⁹ Yakoopo inna sai tunoo, na mmata aavau variaree nookiau nuanuvo 130 nuanu variee kaayau muaararai yauvo ni variraivau nnikiai na hama hokobasuai aa mmata aavau ni napoovainna varianeema varinaravai ¹⁰ . Yakoopo raabaiva Faraunna mmikioo inna avuuvau kooya mmanai tuoo viravai. ¹¹ Yoosiipo ari koonna tama ari kata vayaiyaatama variaara mmataiva teerama kieeravai. Ivo yoketa mmata voovai Iyiipa ivaki kiisa yoosiinnaiva nutuuvo Rameseesa ivaki Faraunna tuneema iya yapeeravai. ¹² Yoosiipo yeennai yauva ari koonna tama ari kata vayaiyaa tama iya naakarai yaatama iya seenai yaatama iya yaadidiri yaarummua kioo yeennai yauva mmiravai. ¹³ Ii suai ivaki mmuakiaa mmataivau yeennaraira pinaivo nniravai, nnuduu pinaama yeennarairavai. Itaama vauduu Iyiipaiyaata, Kenaanaiyaatama pinaama yeennaraida hama iya yaagueeqa tairavai. ¹⁴ Iyiipai yaa pinaama aara rooduu, mmuakiaa vasi ngiaammaiya hama yeennaa tairavai. Yoosiipo Iyiipa mmataivau nnaata Kenaana mmataivau diaa vuitai yau vunudiri varoo sikauyauva vara nuunama kioo varoo oro Faraunna mmiravai. ¹⁵ Gioonna kiaapu Iyiipa varuu yaata, kenaana varuuyata sikau yauvo taika kiooduu iya numa Yoosiipa tunoo, ti sikau yauvoo taikai kiai pinaama yeennaraida kiisa suai i avuvau fai ta putu taikaaravai. ¹⁶ Yoosiipo iya tunoo, ngi sikauyau voo taikanai ngingii vasingiammai yauva varada numa nimikiai fai na yeennai yauva irisai ngiminaravai. ¹⁷ Mmua nuanu vai aakiai vaki gioonna kiaapuuya ngiari hosai yau vaatama sipisiipai yauvaata, burimakau yau vaata memeyau vaata, Yoosiipa mmida irisai yeennai yau vatama kamai yau vaatama vareeravai. ¹⁸ Itaama uuduu ii nuanu ivoo ngioo vioo taikakioodu karaasa nuanu voo nniravai. karaasa nuanu vaki gioonna kiaapuuya numa Yoosiipa tunoo," Nnonna vaidioo, hama ta i hatakuaravee, rikiaanee ti sikauyau vootama ti vasingiammaiyau voo vaa taikaino, ii avuuvau kutaa tuaana hama vo mminnaa vai hataino, ti nnabaiyau vootama ti mmataiyauvoo nnasu vaino tiravai. ¹⁹ Rikiaanee fai hama ta titii mmataivau putu taikaaravai, eeno fai ti mmataivaatama tiitaama yookama kinai fai ta ii mmoori vareeranaya variaravai. Farauva yeenna uruu yauva timminai ta varira varada fai hama ta putu taikakioo ti mmataivo kati vainai vopinnai yaano varaaravai . Yeenna uruu yauva titii mmataivau kava vara utuu kikioo uruoo kaayau kaanai yauvo vainaravai. ²⁰ Yoosiipo mmuakiaa Iyiipa mmataiva yookaama kioo Faraunna mmiravai. Muakiaa Iyiipaiya ngiari mmataiyau vaudirii irisai sikau yauva vareeravai. Ii aataru idaadiri Farauva mmuakiaa mmataiva yookama taika kieeravai. ²¹ Ivo itaama iimakioo gioonna kiaapuuya tuduu inna mmoori vareeranaya Iyiipa mmata arai saivaudiri oro sai araivau taika kieeravai. ²² Ii mmata ivoo vaidi kieetaiya mmatavai. Itaama vauduu Yoosiipo i mmata ivau diri hama sikau yauva iyasidirii vareerama kioo iyara yooho tuduu kati yeennaiyauva vareeravai. ²³ Yoosiipo gioonna kiaapuuya tunoo, rikiaatee vaa na ngiitama ngi mmataiva tama yookaama kiaukai ngia Faraunna niyavee. A yeenna na ngimmiau aayauva varada oro aa mmata aavau vara utuatee. ²⁴ Suai yeennai yauvo kaanainno teeranai varada kiada yakusai neetu voovai yapada taarama taarama neetu yapaida Faraunna ni yapaada ngiengiee tama ngingii uru nnaakaraiyani yapada hauu yanaiyauvata yapaatee tiravai. ²⁵ Yoosiipo eeno tivarirai yauuva i kiaannano yooketaino, ta i avuuvaki taunnano ti varirai yauuvo yookeetama taikaino, itama vainai fai ta Faraunna mmoori vareerana vaidiya vayiaaravai. ²⁶ Yoosiipo ii ataaru ivaa iikioo kuaa mmannavai nnaaru vaivoo aannaata homo iyaya vainoo mmooriiva iya mmikiai mmuakia suai yakuu sai neetu Faraunna nii yeennai yauuva yapeeravai. Ii aataruu iva iya yaagueeama kiaada imarada nnida mmata vooyauvai Anutuuqo mmoori vareera kieeta iya mmuu yauva kieetaiya hama Farauva iyauuva vareeravai. ²⁷ Isaraira gioonna kiaapuuya Gosena mataivau kaayau mminnamminna vooyauvai ikiaavo iyaani yauuvai vaikiai nnakarai yauuva mmta hara voo suvuai ravai. ²⁸ Yaakoopo Iyiipa mmata ivau 17 nuanu vayioo taikakiodu inna nuanuvo hayuoo oro 147 nuanuda ii mmata ivau variravai. ²⁹ Isarairo varioo toodu inna putiraivo vainima nnuduu ari mmaapuuva Yakoopara aayanna roodu innasi nnuduu inna tunoo, ateenai na i avuuvau safu tuanaavai varinai ai yaakuuva ni tukia mmemmaivaki yapakiee kuakuta tuana ai ausa mmuduu yaiva nimmikiee kuta tuana vee kianee. Kutavaivee kiaakiee Gosena mmataivaki ni yapaane. ³⁰ Suai na vainai akiairainai ni varee Iyiipa ni kookiaiya mmata nauyauvoo vaivaki ni yapaanee. Yapakinai fai na iya tasipama vainaravai. Yoosiipo ari koonna tunoo, fai na ekiannaneema ikuaiva vatee itaama inaravai. ³¹ Isarairo ari mmaapuuva tunoo, kuakutaiva ni tasipama kianee, tuduu rikioo mmapuuvo inna tasipama mmuaa ausaiva iima kiooduu Isarairo ari kieetaiva varaduoo mmataivaki teeravai.