¹ Yaakopo yosinna Kenaana ari koonna mmataivaki variravai. ² Inna aanna Yoosiipaasi pina mminna vooyauvai vaira kuaiva Yoosiipo karasa ngiaammau vai inna nuaanuvo 17 nuaanu vairavai, vauuduu ari vayiaakiaiya tasiipama puaara sipisiipara haitaatuuravai. Siraapaya Biraaya nnaakaraiya kuaavoovai hama yookee tauu yauuva Yoosiipo varoo oro ngiari gioonna kiaamiravai. ³ Itaama uuduu Yaakoopo ari nnaakara saiyakidiri Yoosiipara pinaama inna auusa mmuduyaivo vairavai, ivoo ari ngiaabaiya mmaateera vaara tuoo ivoo itaama iraavai. Ivoo innani yookeeta buruqaiva funnuukioo inna mmiravai. ⁴ Yoosiipa katavayaiya tooduu ngiaari gioova arii auusa mmuduuyaiva nnaasu inna mmiraavai.Itaama uuduu iyaa pinaama nnannateeda inna kuaiyauva hama iyaa rikiaatairavai. ⁵ Yoosiipo ruvuaata voovai teeravai, ruvuaataiva too oro arii katavayaiya kiaammiravai, kiaammudu iyaa innara pinaama nnaannaa teeravai. ⁶ Ivoo iyaa tunoo, boo nii ruvuaata aava rikiaatee tiravai. ⁷ Na ii ruvuaataiva taukai taa vuita mmoorivaki vuitaiyauva hatookaunnavai. Ivaakidiri ni vuita saabaivo vuutaivau dioovaikiai saivuita saabaiyauvo inna uutuutuma diaavo iyaa kieetaiyauvo tagiriravai. ⁸ Ari vayiaakiaiya inna kiaano, akiaannano vosuai voovau fai eeno tii haitatuunaree kiaakee itaama kiaannannee? A kiaannano fai na iyaakieetavai varinaravai. suai ari ruvuaataiva iyaakia mmuudu iyaa pinaama innara nnannateeravai. Nnannateeda inna kuiaiyauva hama iyaa rikiaatairavai. ⁹ Ivokava vo ruvuata voova too ari vayaakiaiya kiaa mmiravai.Na tauuko suaivoota kuragaivootama aakiapua yaaku mmuammua yukukidiri mmuaavai niyara toorivu yau haraavai. ¹⁰ Ivo ari vayakiaiya kiaa mmuneema mmuaakaraama ari napoo nnata kiammiravai,kiammudu arinapoova innatunoo. Ivaa oyaivo dataamavainnee? Akiaannano fai ai kaanoota neeta ai vayakiai yatama fai taa iyukuu oyai vau toorivuyau haraaravainnee? ¹¹ Itaama vauduu ari vayaakiaiya pinama innara ausa mmuaarareeravai, itaama uuva ari napoova ari yaata tinniivaki yapakieeravai. ¹² Inna vayaakiaiya ngiari gioonna puaraiyauvara yoosinna Sekeema oro haitatuura vai. ¹³ Isarairoo Yoosiipa tuno. Vaa atee rikiaannannee? Iivayaa kiaiya Sekeema puara sipiisipai yara haitatu kiaano. Yakoopo inna tuno nninai fai na ii titanai iyasi kuanee,"Tuduu rikioo Yoosiipo inna tuno na kuanarateera kiauno. ¹⁴ Ivo Yoosiipa tuno,oro teenai iya yamama variakiai puarai yaata yamaama varikiai kava vara ranee numa ni kiaa mmiane."Kiaa kioo Yakoopo inna titaa kioodu Heboroona mmataiva hoonuruu vaki viravai,vioo Sekeema viravai. ¹⁵ Yoosiipo ii mmata ivaki sabi nuainno varudu voo vaidi vovoono numa inna teeravai. Ivaki Yoosiipo sabi nuaudu vaidi voovoono numa inna too inna yaparaiinnoo tunoo,na aanira aavaki aavaki puruannanne? ¹⁶ Yoosiipo inna kua sai tuno,na ni vayaakiai yara buamare nookiauno. Eeno nii kiaa mmiane dee yoosinna vakiida puarai yara haitatuu kiaannee? ¹⁷ Naa rikiaukai iya kiaano fai ta aa yoosinna aava pikiada yoosinna Detaana kuaaravee kiaavai. Tudu rikioo Yoosiipo iya nnagiai vio yoosinna Detaana iya teeravai. ¹⁸ Ivoo ngieera vuduu iya ivaa teeda vainima vuduu iya inna rupuutuaara kuaa yeena rairavai. ¹⁹ Arii vayaakiaiya inna teeda ngiaarita ngiaarita kuaatida tunoo, inna i ruvuaata nnaamuruuvo nnino tiravai. ²⁰ Nnikiai ta inna ruputu kiaada soopa voovaki inna kagaari kiaada fai ta kiaara fayai mmaararai yaano vaa haara nnaa kiaavai. Yaapoma fai ta teekio inna ruvuaatavo dataama vainarannee. ²¹ Rubeeno inna kuaatuva rikoo iyaa yaakuu vakidiri inna iyaa ravisiravai. Ravisiikioo iya yunoo, hama fai ta inna ruputikioo putinaravai. ²² Rubeeno iya tunoo,"saa inna kiauvo tusaivee. Katii inna vitaada soopa ivaaki kagaari kiaate. Sa innaya yaakuu utida koonnama iikiaatee." ivoo itaakuaa tuuvoo fai ivoo Yoosiipa uttioo titaa kino kava ngiaari gioonnasi nninaravai. ²³ Yoosiipo ari vayaakiaiya uu mmataivau variravai. Vauduu iya inna utida inna buruqaiva varainneeravai. ²⁴ Iya inna utida soopa hama nnoori variraavaki inna kagaari kieeravai. ²⁵ Kiaada iya varida yeenna nneeravai. Nneeda varida reeri tooduu Isaamaira oyaiya Giriaata viravai. Ngiaari puaara kameerai hoona haanai yau vaatama yapa kiaada varaada viravai. Iya yoosiinna Iyiipara viravai. ²⁶ Yutaava ari kaata vayaiya tunoo, fai ta titii kataiva ruputu kiaada inna kiauva hatauma kiaada fai ta dee yaama mminna voovai varaarannee. ²⁷ Nnikiai fai ta Isaamaira ya mmikiai sikau ti mmida inna vitaada kuatee, hama fai ta inna ruputuaaravai. Inna ivoo ti kataavai, inna ivoo ti mmuaa nnabavaivee. Tuduu iya inna kuaaiva rikieeravai. ²⁸ Midiaanaiya iya varu mmataivau tiiravai, Yoosiipa vayaakiaiya soopaivakidiri inna vara mmaanai kieeravai. Iya Yoosiipa tama Isaamairaya mmida 20 sirivua sikauva vareeravai. Isaamairaya Yoosiipaya vitaada vitada oto Iyiipa variravai. ²⁹ Rubeeno vara raano oto soopaivaki tooduu Yoosiipo hama ivaki variravai. Itaama vauuduu innara tunoo, arii buruqaiva rapasiravai. ³⁰ Ivoo ari saiyasi vioo tunoo, ii nnaakara ivoo hama ivaki varikiai fai ta dataa kiaarannee? ³¹ Tuduu iyaa puaara voovai rupuutu kiaada ivaa kiau vaadiri buruqaiivaaya siikairavai. ³² Yaapooma ivaa varaada ngiari gioonnasi vida tunoo, aava tavoovasidiri varaunnavai, ivaa taanee ai nnaakaraiva buruuqaiivoovee. ³³ Yakoopova ivaa toorikioo ivaara tunoo, aanna nimmaapuuva buruqaiivovee. Fayai mmarara voovoono inna ruputukioo inna havarata patapatama kiaivai. ³⁴ Yaakoopo ari buruqaiiva rapasikioo upisi buruqa voovai vara raati ariiya rairaavai. ³⁵ Mmuaakia ari raunna mmaapuuya inna ausaivo yoketa kiaiveera iiravai. Ivoo arii mmaapuuvara kaayau ikiaanna ausa mmuaarareeravai. Itaama uuduu hama ivo sirigairavai. Ivo tunoo, fai na Sioo ivaki oto variee ni nnaakarai vaara rataanaravai. Kiaa kioo innara rateeravai. ³⁶ Midiaanaiya Potifaara kieeta vaidi Faraunna mmoori vareerai vaasi inna kieeravai.