¹ Isauunna gioonna kiaapuyavee. Isaunna nutuu voovai Idoomo. ² Isauuva mmuaakia ari nnaataida yoosinna Keenaana dii vareeravai. Inna nnaataida nutuu yauuvoo, Adaava Iroona nna raunnavai Hiita oyai ivakinnaavai, Ohoobiraamo Adaanna raunnaavai, Yiiboonanna nneedivai, Hanmara Hiivaita ivakidiaavai. ³ Baseemato Isaamaira rauunnaavai. Neebaiyaato nna nnaayaavavee. ⁴ Adaava Isaunna ya dirii Eripasa mmatooduu rikioo Baseemato Reueera mmaateeravai. ⁵ Ohobiraamoono Yeesuso, Yooraamo Koraavai nna mmaateearavai. Inna Isaunna nnaakarayavee, Kenaanadi iya mmateeravai. ⁶ Isauuva ari nnaata nnaakaraiya ari yoosinnaivaki varuuyaata mmuaakia yaata ari vasingiai yaata voo vasingiai yaatama mmuaakia ari hoona haanaiyauva taama Kenaanadi nunaama kioo varoo ngieera tuaana viravai. Yaakoopo va varuu mmaataiva pikioo ngieera viravai. ⁷ Ivoo itauvo taaravaitana kaayau hoona haanai yau vootama kaayau uruunnaakarai yaatama suvuau kiaada variravai. Yeennai yau vootama hama aikiooma kaayau vairavai. Vauduu Isauuva pikioo ngieera viravai. ⁸ Isauunna nnutuu voovai otoo taapi yoosinna Seeiraivaaki variravai. ⁹ Inna Isaunna nnaakaraiya nnaakukiaiya Idoomaya varuupi otoovariravai. Mmata pinai vaa nutuuvo Seiira. ¹⁰ Isaunna mmaapuuva nnuutuuvo Eriipaso Isauunna nnaataiva Adaanna mmaapuvai. Reeuro Isauunna nnaata Basemaata mmaapuuvai. ¹¹ Eripaasonna mmaapuuya nnutuuyauuvo Temaano, Omaava, Sepoova, Gataamo tama Kenaasovee. ¹² Timaano Eripaasa nnauki varu Isaunna mmaapuuva nnaakaraiva nnutuudo Amareko inna taatova Adaava. ¹³ Reueeroonna nnaakaraiya nnutuuyauvo Nahaato, Saraiva, samaiva, Misaavavee. Itaa taatova Baseemaato inna Isaunna nnaataivovee. ¹⁴ Isaunna nnaata Ohoribaama nnaakaraiya nnutuuyauvove. Inna Anaanna taatova kioo Giibeoononna raunnavai Isaunna yaadii mmaatooda nnutuu yauuvoo Yeesuso, Yooramo, Koraava. ¹⁵ Isaunna yoosinnai vaki diai yaida Eriipaaso, Tsaunna mmaapu tauraivo Temaano. Omaava, Sepoova, Kenaaso, ¹⁶ Koraava, Gataamoota Amareeko. Aa oyai aaya Eripaasonna yoosinna Idooma viravai. ¹⁷ Isaunna mmaapuu Reueera yoosinnai vaki variaiya nnutuu yauuvoo Nahaato, Seeraiva, Samaava, Miisaavave. Inna iyaa Reueera nneeditunnaiya yoosinna Idooma varuuyavee. Iyaa baseemaata nneeditunnaiyavee. Baseemaato Isaunna nnaataivovee. ¹⁸ Isaunna naata Ohoribaama nnaakaraiya nnutuu yauuvai, Yeesuuso, Yooraamo, Koraava. Ii gioonna vaidi iyaa Isaunna nnaataiva nneeditunnaiyavee. Ivoono Ohoribaava mmaguya raunnavai ¹⁹ Isaunna nnaakaraiyara tunoo, Idooma yavee tuduu iyaano mmuaakia gioonna kiaapuuya kieetaya vayiaano. ²⁰ Seiina nnaakaraiya yoosinna Hoorita mmata ivaudiaayave. Mmatai yauuva nnutuu yauvoo, Rotaana, Sobaara, Gibiioona tama Annaha. ²¹ Disoono, Esaava Disaano ii yoosinna iyauuvo Hooriita tama Seiina mmata Idooma variravai. ²² Rotaana mmaapuuya nnutuu yauuvoo, Horiiva, Hemaano Timaava inna Rotaana mmannaatavai ²³ Sobaara mmaapuu yauva nnutuu yauvoo, Araveeno, Manahaato, Sepoova va tama Onaamo vee. ²⁴ Gibiioononna mmaapuu ya nnutuu yauvovee, Aiaava, Anaava vee. Anaa vaano nuainnoo nnoo gaanga yoosiinnai vau tooduu ikiaa too nnoorivo tiravai. Ivoo ari koonna Sibioonna togiiva varoo eveennii kiaura nuainno nnoo ii nnoori ikiaa too iva teeravai. ²⁵ Anaanna mmaapuuya nnutuu yauuvai, Disoono, Ohoribaamo Anaanna raunnaivovee. ²⁶ Disoona mmaapuya nnutuudoo, Hemadeeno, Esibaano, Itaaraano tama Keraano. ²⁷ Esaana mmaapuuya nnutuu yauvai, Birahaano, Savaano tama Akeeno. ²⁸ Disaanoonna mmaapuu yauvai nnutuudo, Yuusoo tama Araanove. ²⁹ Horiita dia yoosiinna nnutuu yauvovee, Rotaana, Sobaara, Sibeeona, Anaanna. ³⁰ Disoona, Esaana nna Horitadia ngiari hammara yauvai mmata seiira ivaki variravai. Inna iyaa nnutuu yau voovee. ³¹ Kieeta pinaa tauraana voyaano Isarairaiya haitatuuravai. Beoonna mmapuu Beraavaano tauraa Idoomaiya haitatuuravai. ³² Innna yoosinna pinaivaa nnutuuvo Dinahabaa. ³³ Suai Beraava putudu Seraanna mmaapuuvo Yobaabo yoosinna pinaa Bosaara diaavoono inna mmataivaatama vareeravai. ³⁴ Suai Yobaava putuduu Temanaidiaa vaidiivo Husaava inna mmataivaa vareeravai. Suai Husaava putuduu, ³⁵ Bedaata mmaapuuvo Hadaato Midiaanaiyaatama rapuoo Moaapaa mmataivaa vareeravai, Ii yoosinna pinaa ivaa nnutuuvo Avitii. ³⁶ Suai Hadaato putudu Masareekoo Samaraadia vadiivo ii mmata ivaa vareeravai. ³⁷ Suai Samaraava putudu Sauruuva yoosinna Rehoboota nnoori siriivau varuuvoono inna mmataiva vareeravai. ³⁸ Suai Sauruuva putudu Baara Hanaano Akobonna mmaapu voono inna mmataiva vareeravai. ³⁹ Suai Akaabo Baara Hanaanava putudu Hadaava inna mmataiva vareeravai. Inna yoosinna pinaiva nnutuuvo Pauu. Inna nnaataiva nnutuuvo Mehetabeeva, Matareeta rauunnavai, Me Sahaaba nneendivai. ⁴⁰ Isaunna sidinnaidiya nnutuu yauvovee: Timaanava, Aravaava, Yeteetova, ⁴¹ Ohoribamaava, Eraava, Pinoono, ⁴² Kenaaso, Temaano, Mibasaava, ⁴³ Magadieerovave, Iraamo. I vaidi iyaano nnaaru gioonna kiaapuya kieeta dida iya vitaada Idooma viravai. Itaama mmata ngiari varoovau viravai. Idooma varuuya gioova Isauuvavee.