¹ Anutuuqo Yakoopa tunoo,"Aavakidiri diitee Beteera oro varianee. Ivaki oro yeenna tapi voovai Anutuuqaara iikiane, suai a Isauunnara aatuunna vuduu Anutuuqo iita kuatuu mmata ivau iikianee." Itaama vauduu Yakoopo ari katavayaiyaatama ari seena inna vaini varuuyaatama kiaammiravai. ² Mmuakia unnakua anutuuqaai vaaini vaau yauvaatama rummua raubirimakiee ai yamaamakiee karaasa uyiraraira uyuanee. ³ Itaama iinai fai ta aavaki pikiada Beteera kuaaravai. Na fai mmuakia mmata nookiauko Anutuuqo niiyara haitatuuvaara yaata utuee yeena tapivoovai iinaravai. ⁴ Itaama vauduu iya mmuakia unnakua anutuuqa iya yaakuki vauyauva Yakoopa mmiravai. Iya ngiari yaatana yapo mminnai yauvaatama inna mmiravai. Mmuduu Yakoopo Sekeema yatari ookaiva oyaivaki hanuu hairavai. ⁵ Iya vuu suaivaki Anutuuqo uudu pina aaturaivoo gioonna kiaapu yoosinna Sekeema vaaini varuuyasi vairavai, aaturaivo vauduu hama iya Yakoopa ruputuara iiravai. ⁶ Pikioodu Yakoopata ari seenaiyaatama vidada yoosinna Ruusa viravai. Kenaana mmata ivakira Beteerave tiravai. ⁷ Ivo tapi yeenaiva iimakioo iva nnutuuva Eraa Beteerave tiravai.Anutuuqo inna tasipama varuduuari vayaannara aatuunno viravai. ⁸ Revekaanna mmoori vareera kiaatanna Devoraava putiravai. Putuduu Beteera yatari ookaiva oyaivaki hanu hauukieeravai. Hauukiada ivakira nnutuuva Aroona Bakuutave tiravai. ⁹ Suai Yakoopo Padaama Araama nnuduu Anutuuqo innasi nnioo raambaiva inna mmiravai. ¹⁰ Anutuuqo inna tunoo,"Innutuuvo Yakoopovee, aanna make i nnutuu karasaivoo Isarairovee tiravai." ¹¹ Anutuuqo inna tunoo,"Nene inna Udaanga Anutuuqovee. Kaayau nnaakara mmataharano suvuakuaivee, fai kaayau yoosinnaiyauvo vaainai fai kieeta vaidiyaatama i sidinnaidi vakidiri diitaravai. ¹² Mmataivaa na Aaparahaamoya Aisaakaya mmiauva fai naa imminaravai. Itaama vainai fai na i sidinnaidi yaatama ii mmata iva mminaravai. ¹³ Itaama vauduu Anutuuqo innaata kuatu mmata iva pikioo viravai. ¹⁴ Yakoopo sikau voovai varoo Anutuuqo innaata kuatu mmataivau hareeravai. Harakioo nnoorivaata yatari suuyaivaatama ivayaa tuseeravai. ¹⁵ Anutuuqo ii yoosinna ivakidiri Yakoopaata kuatuuvara ivo ii yoosinna iva nnutuuva Beteerave tiravai. ¹⁶ Yakoopoota ari nnaakaraiyaata yoosinna Beteera pikiada viravai . ¹⁷ Suai hama iya yoosinna Efarataa pikioodu Reseero nnaakara mmateera suaivo nniravai. Suai ivo mmamma nniitareeraiva varoo varuduu inna vararavisirana kiaatannaivo inna tunoo,"Sa aatukianee vo nnaakara voovoono homo varino tiravai. ¹⁸ Suai Reseero rikioodu putiraivo innasi nnuduu puaisakama yaaikiaiva ruoo inna nnutuuva Benoivavee tiravai, kiaakioodu ari napoova innara Bensamiino tiravai. ¹⁹ Reseero putuduu inna nnabaiva yoosinna Efarataara vuu aataruuva tooyaivaki haukieeravai. Efarataa yoosinna iva nnutuu vuaivoo Pitiriheemavee. ²⁰ Hau taikakioodu yapooma sikauvoovai inna mmatannauuvau harakieeravai. ²¹ Isarairoo buruqa nnauuva heekaanara mmataivaara buaamaro nnau hokoobavai heekakiada puara sipisiipara haitatuuraiva vaini viravai. ²² Suai Isarairoo ii mmata ivaki varuduu Rubeeno ari napoonna mmoorivareera kiaatannaiva Biraanna mmatata kioo vau kuaiva Yakoopo rikieeravai. I suaivaki Yakoopo yaaku taarama yukukidiri taarama nnaakara mmateeravai. ²³ Reaanna nnaakarai vaitana nnutuudo Yoosipaya Bensaminayavee. Iya nnaagiai Simioono, Rivaiiva, Yutaava, Isakaaro, Seburoono vainnavee. ²⁴ Raheera nnaakaraivaitana nnutuudo Yoosipaya Bensamiinayavee. ²⁵ Raheera mmoorivareerana kiaatanna Biraanna nnaakaraida nnutuudo Daanaya Naptariiyavee. ²⁶ Reaanna mmoorivareerana Siripaanna nnaakaraida nnutuudo Gaataya Aseerayavee. Ii Yakoopa nnaakara ido yoosinna Padaa Araamadiri diiteeravai. ²⁷ Yakoopo ari nnapoonna Isaakaasi yoosinna Mamaree Kiriaata Abaa nniravai. Ii yoosinna ivo Aaparahaamaya Isaakaya varuu yoosinna Heboroona roosiravai. ²⁸ Isaako 180 nuanu variravai. ²⁹ Isaako ngiaabai kioo ari nnaakunna mmataivaki putiravai, putuduu Yakoopaya Isauyaano nnabaiva haukieeravai