¹ Dainaava Reaanna raunna Yakoopa yaadiri mmatoovove. Ivo arisai kiaatannaiya rupi nuunainara yoosinnaivaki viravai. ² Vuduu Amoora mmaapu Sekeemo Hivaitaaya kieetaivo inna too ivaudiri inna utuoo ari nnauki vitoo oro kioo inna tasipa vairavai. ³ Ivo Yakoopa raunna Dainaanna too pinaama innara haruriravai. ⁴ Sekeemo ari koonna Amoora tunoo, "Aa kiatanna yoketa aava niini nnaata vitaate." ⁵ Yakoopo rikioodu tunoo ai rauunna Danaanna va itaama ikiano tiravai. Yakoopa nnaakaraido ngiari puara burimakauyaata ngieera voopi haitatuuravai. ⁶ Itaama vauduu Yakoopo iyara faannairavai. Amooro Sekeema koova oro Yakoopaata kuatiravai. ⁷ Yakoopa nnaakaraiya ii kuaiva rikiada varuupidi nniravai. Iya pinaama nnannateeda ausa mmuararairavai. Sekeemo Isarairaaya unnakua kiaakioo kiaatannaiva ari varaanare kiakioo iiravai. ⁸ Amooro iya tunoo,"Ni mmaapuvo ngirauunnaiva inna varaatainoo itaama inna mmikioo inna nnaatavai variaivee. ⁹ Nnaata vaati titiikidiri varaaravee, ngingi raunnaiyauva timikiada ti raunnaiyauva ngingiyara vitaate tiravai. ¹⁰ Fai a titasipa variee mmataivau vai mminaiyauva aiyara yookainna vooyauvai fai vooyasi mmiee irisaiyauva varaanaravai, na haitatukiau yauvaatama varaanaravai. ¹¹ Sekeemo ari koonnaatama ari vayaakiaiyaata tunoo,"Ni pikikiai naa nini iikiataivau giata varanai ivaara ni tikiai fai mmuakia mminnayauvai na iya mminaravai. ¹² Iya gioonna kieeta yooka pinaivaara ni tikiai fai na iya mminaravai. Iya safuuma ii kiaatanna iva nnaata vitaada numa nimmiatee. ¹³ Yakoopa nnaakaraiya unnakuaiva Amooraya Sekeemaya tiravai. Vaa iya mmannataiva koonnama uuvara itaakua tiravai. ¹⁴ Iya tunoo,"Hama fai taa titi mmannataiva nnaba hatokaiya mmiaravee. Inna ivoo mmamma maisaira aataruvaivee tiravai. ¹⁵ Fai ii aataru idaadiri taa itasipama mmua ausa vararaivo fai a tiroosima ai nnabaiva hatokanai mmuakia vaidiyaata ngiari nnabaiyauva hatokaate. ¹⁶ Itaama iikiai fai tati raunnaiyauva ngimmikiai ngia ngingi raunnaiyauva timmikiai fai mmua oyaiya variaravai. ¹⁷ Ngia hama tii kuaiva rikiada ngingi nnabaiva hatokakiai fai tati mmannaataiya vitada kuaravai. ¹⁸ Iya tuu kuaivoonno Amooraata mmaapuva Sekeema uudu iya ausaiyauvoo pinaama sirigairavai. ¹⁹ Ii vaidi iva tuuvau giata hama iirainno pikioo Yakoopa raunnaivara yaata utiravai. Ivo Amoora nnaakaraiyakidiri pina vaidivai variravai. ²⁰ Amoorota Sekeemota oro yoosinna pinaiva keegiaivaki didavaida gioonnakiaapuya ataakua tiravai, ²¹ "Iya ausaiyauvoo nuufainai pikikiai ii mmata ivau varida yookaida varada vooya mmida irisaiva varaatee. Kutaave mmataivoo pinaavai aikiooma iyaata variaaravaive tiravai. Pikikiai taa iya raunnaiya varakiai iya ti raunnaiya varaate. ²² Fai ii aataru idaadiri aa gioonnakiaapu aaya titasipama mmua ausa varaaravai, varada fai mmuaaya variaravai. Ti nnaakaraiya iya roosima ngiari nnabaiyauva hatokaaravai. ²³ Fai iya vasingiammaiyaata mmuakia iya mminnaiyauvoota tiiniyauvai vainarannee? Itaama vainai teeda fai taa iya tasipama mmua ausa iikiai rikiada iya titasipama variaravai. ²⁴ Yoosinna pinaivaki varu vaidi mmuakia Amooraya Sekeemaya kuaiva rikiada ngiari nnabaiyauva hatokeeravai. ²⁵ Taaravooma suai nnudu vaidiya homo mmamma nniitareeraivaki varudu, Yakoopa mmaapu taarama (simioonootama rivaiva,Dinaasa vayaakiaiya), ngiri paipaiyauva utida oro yoosinna pinaivaki varuu vaidiya ruputu taikakieeravai. Hama iya haitaturatairavai. ²⁶ Iya Hamooraata ari mmaapuva Sekeemata ruputida, Sekeema nnauvakidiri Dinaanna vitaanda viravai. ²⁷ Yakoopa mmaapu saiya numa toodu yoosinna pinaivaki varuuya pututaikakioodu iya mminna mmuakiayauvai ngiariyara varada viravai. Iya ngiariino Dinaanna maisama uuvaara iya itaama iiravai. ²⁸ Iya puara sipisiipaiyaatama memeyaatama tongiyaatama mmuakia mminna ii yoosinna ivaki vaidaa vareeravai. ²⁹ IYa nnaata nnaakaraiyaatama mmuakia nnauyauvaki vai mminnaidaata vareeravai. ³⁰ Yakoopo Simioonaya Rivaiya tunoo, "Ngia mmuaara pinaiva varada niiya ngiano, fai gioonnakiaapuuya hama niiyara yamaa kiaaravaivee. Kenaanaiyaatama Perisaitaiya inna pina yoosinnayavee. Fai iya nnida nuunaida fai ti rupututaikaravaivee tiravai. ³¹ Tuduu Simioonooya Rivaiya sai kiano,"Sekeemo ti mmanaataiva aani kieema sambi gioonna roosima vitoo nuaivainnee?"