¹ Yakoopo reeri toovainno toodu Isauuva nniravai, ivoo 400 vaidiya tasipama nniravai. Yakoopo ari nnaakaraiya duuyama Reaaya Raheerayaatama taara mmoori vareera kiaatannai vaitanaatama mmiravai. ² Itaama kioo taara mmoorivareera kiaatanna ivaitanaatama taura yapeeravai. Nnaagiai tuana Raheeraata Yoosiipatama yapakieeravai. ³ Itaama yapakioo Yakoopo ari iya taura viravai, ivo yaaku saivai sainaidiri taaraneetu toorivuyau haroo ari tinniiva mmataya Isauunna vainivau yapeeravai. ⁴ Isauuva seeno inna taanara viravai, vioo inna raati varauu utuoo inna mmooteeravai. Mmootadaa taaravaitana ngiariiyara ngiariiyara rateeravai. ⁵ Isauuva reeri gioonna nnaakaraiya teeravai. Iya too tunoo,"Inna uruai dee gioonnakiaapuya itaasiipama variaanne?" Tuduu Yakoopo inna sai tunoo,"Inna Anutuuqo immoori vareeraivaara yokeetainno inna mmii nnaakaraiyauvovee tiravai. ⁶ Mmoorivareera kiaatannaiyaatama ngiari nnaakaraiyaatama taura nniravai. Nnida iya mmatayaa toorivuyau hareeravai. Nnaagiai Reaavaatama ari nnaakaraiyaatama nnida mmatayaa toorivuyau hareeravai. ⁷ Nnaagiai tuanaa Yoosiipotama Raheeraya nnida mmataya toorivuyau hareeravai. ⁸ Isauuva tunoo, "Aa na tauu aayara a dataamainna yaata utuannannee?" Tuduu Yakoopo inna sai tunoo, "Iya itaama iikiaivoo nnoonnaiva avuuvau mmuaa ausaiivo vakiaivee." ⁹ Isauuva tunoo,"Ni kataoo na mmuakia mminnaiyauuvo niisi aikiooma vaiino. Pikinoo ai mminnaiyauuvo inaneera vakiaivee tiravai." ¹⁰ Yakoopo tunoo,"Boo hameetave, na mmua ausa vareera aataruuva iteeraa rikieeraivaudiri taane, tee inna na immiauu mminna aayauva ni yaakuuvakidiri varaane. Inna ivo ataama vaiino na i virinnikiivaki tauuvo inna na Anutuuqa virinnikiivaki tauuvai. Inna ivoo fai ni yaatatinniiva aikioonaravai. ¹¹ Boo na mminna immiauu aada varaane, na tauuko Anutuuqo niiyara yoketaikioo niisi kaayau mminnamminnaiyauvo vainoo. Ii aataru idaadiri Yakoopo yaagueeqama kuatuduu Isauuva, Yakoopo inna mmuu mminnaiida vareeravai. ¹² Itaama vauudu Isauuva tunoo, "Inna nnikiai taa nuunama kuaaravee. Na fai i tauura kuanaravai." ¹³ Tuduu Yakoopo inna tunoo,"Ni yokeeraivo vaa too rikiaivai. Nnaakaraiya hama kiisaya variano. Itaama vaikiai puara sipisiipaiyaatama pura burimakauyaatama homo ngiari nnaakaraiya nnaamma mmiaavai. Fayaiya fai mmuaa ikiaanna makemaake seenada vida fai mmuakia fayaiya fai putu taikaaravai. ¹⁴ Boo pikikioo ni yokeeraivo nnaade tauura kuaivee. Na fai yapooma nnaagiai ni faiyai yaata ni uru nnaakarai yaatama fai ta vidada ti yokeeraivaasi yoosinna Seqii kuaaravai. ¹⁵ Isauuva tunoo,"Na fai aa ni tasiipama varia vaidi vooyaata kinai variaravai." Tuduu Yakoopo inna sai tunoo,"DAtaama vaiikia nna a itaakua kiannannee?" Ni yokeera vaidivoo vaa niiyara yoketai aataru iima kiaivai. ¹⁶ Itaama vauudu i mmua ikiaanna ivau Isauuva kava vararaanoo yoosinna Seqii viravai. ¹⁷ Yakoopo yoosinna Sukoota viravai, oro ivaki ari nnauuva heeka kioo ari vasingiaiyani aatama vo nnau voovai hekeeravai. Itaama vauduu ii yoosinna iva nnutuuva Sukootaavave tiravai. ¹⁸ Suai Yakoopo yoosinna voovai nnutuuvo Padaana Araama Sekeemaya yoosinna pinaivoo Kenanaaya mmata ivaki variravai. Vioo i yoosinna pina ivaa tooyaivaki sasaaya nnauuva heekeeravai. ¹⁹ Ivoo mmata kiisa voovai ari sasaaya nnauuva heekoo mmata iva yookairavai. Ii mmata ivo Hamoora nnaakaraiya mmatavai, Sekaama koonna sikauu mmuaa hadereeta sirivuai vaadiri yookairavai. ²⁰ Ivaki yeena tapi voovai iima kioo iva nnutuuva Era Eroii Isaraiirave tiravai.