¹ Yakoopo aataruvau vuduu Anutuuqaa aangieraiya inna teeravai. ² Yakoopo iya too tunoo,"Aanna Anutuuqaa yoosinnavai," itaama vaudu i yoosinna ivaara tunoo Mahanaimovee tiravai. ³ Yakoopo vaidi vooya titoodu inna kuaiva varada taura vida inna vayaanna Isauunna kiaammiara Seiraa mmataivaki Idooma viravai. ⁴ Ivo iya kiammioo tinoo, "Isauunna ataamaida kiamminda kiatee: Yakoopo ataakua tunoo: 'Na Rabaana tasipama hokobama variee hama na akiairaama kiee ngiauvai. ⁵ Na kaayau puara burimakau tongi sipisipaiyauvootama ni mmaraa kiatanna ngiamuau ni mmoorivareeranai yaatama variee nani kuaiva aisi kiauvoonno, fai na i avuuvau yoketaama varinaravai.'" ⁶ Vaidi Yakoopa kuaiva varada Isauunna kiaammiaara vuuya kava vararanada numa Yakoopa tunoo, "Vaa ta Isauunnasi vida i kuaiva kiaammiaunnano fai ivo i saidi vaidi 400 inna tasipama i saidi ngiaaravai. ⁷ Yakoopo kuaiva rikioo pinaama ariiyara aatuunno hama sirigairavai. Itaama vauduu Yakoopo gioonnakiaapuuyaatama mmuakia sipisiipa burimakau kameeraida duuyama taara yoosinna yapeeravai. ⁸ Yapakioo iya kiaammioo tunoo,"Isauuva voyoosinna voovaatama numa rapinorikioo wai yoosinnaivo fai aatu kuanaravai. ⁹ Yakoopo tunoo, "Ni koonna Aaparahaama Anutuuqovee,ni koonna Isaaka Anutuuqovee,Aagiinivo tunoo,'Vara hanigiee ai seenaiya vaya yoosinnaipi vinai rikiee fai na iiyara yoketainaravaiv,'" ¹⁰ Hama na yoketaama variee ikua mmuakiaayauvai vateeravai. Iva tasipama ni hoonaiyauvaatama varee nnoori Yorotaanaiva sainai kaayau mminnamminnai yauvoo suvuai yauvaa duuyama taara oyai yapaunoo. ¹¹ Boo ni vayaanna Isauunna yaakuvakidiri ni ravisikiaane. Na innara aatukiaunoo. Fai ivo ngioo niitama ni naata nnaakaraiyaatama ruputinaravai. ¹² Vaa a kiannanoo fai na aiyara yoketainaravee kiannavai. Ni nnaakaraiya fai kaayau suvuaida nnoori sorovuaraivaa nnukaiva roosiima varikiai fai hama a aikioooma iya yaarinaravai. ¹³ Yakoopa heenaudu variravai. Ivo ari hoona kaayau yoketai vooyauvaata ari vayaanna Isauu nnani varoo viravai. ¹⁴ 200 memee nnaayedavee, 20 oora memeedavee, 200 sipisiipa nnaayedavee, 20 sipisiipa oorada. ¹⁵ 30 kameera kanaadavee, nnaakara voodotama 40 burimakauda, 100 oora burimakauda, 20 dogi nnaayeeda, 10 dogi oora. ¹⁶ Ii mmuakia yauyooka idaa ari mmoorivareeraiya mmioo tunoo,"Ngieenana varada nitaura kuatee, burimakauya varadaa sainai sainai kikiai mmarammaraama kuatee. ¹⁷ Kiaakioo ari mmoori vareera tauraanaiva tinnivooyauvai mmikioo tunoo,"Viee teeno ni vayaava Isauuva itoo ikiaivee a giaasirainna ngiannannee? A deepi kuanarannee? Mo giaa vasigiaammada itauraa ngiaannee? ¹⁸ Tinai rikiee inna sai kianee, i mmoori vareerana Yakoopoono aini kiaiyauvaivee, tinoo, inna aayauva varaanee. Kiakioo ivo ti nnaagiai ngioo varinoo kiatee. ¹⁹ Yakoopo kava ari vaidi nnaagiaiya nuunama kioo kuaiva iya kiaammiravai. Mminnaa vasigiaammaiyauva tasiipama vuuya kuaiva kiaammioo tunoo,"Sa vokuavai kiatee. ²⁰ Safu kiatee, 'Ai mmooriivara Yakoopo ti nnaagiai nninoo."' Fai ivo yaata utuoo tinara,"Mmuakia vasigiaada titaikiai taura ngiaa aayauvoo mmuaa ausaiva iino rikioo nuufainaravai. Nnaagiaivauu na inna teeno rikioo fai ivoo ni vitaanaravai." ²¹ Kioo mmuakia mminnammianna yauvai mmikiai varada tauura viravai. Heenaiikio rikioo ivoo ari varuu yoosinnaivaki variravai. ²² Heenauvaki Yakoopo ditoo ari nnaata taaramata, ari mmoori vareerana gioonnaivaitanaatama ari mmaapuuda yaakuvaitana yukukidiri taarama titoodu Yabooka ivau vairavai. ²³ Ii aataru idaadiri mmuakiaaya titaikiai mminnamminna mmuakia yauuvaatama varada nnoori karada sainai viravai. ²⁴ Yakoopo ari mmuaavai varudu vaiidi voovoono innaata rapudu patairavai. ²⁵ Suai vaiidivo taiikio rikioo hama yopeema fai inna yaataraanaravai iikio rikioo ivo Yakoopa ootitaiva rummua kieeravai. Suai rapuuvaki Yakoopa ootitaivo rubisauriravai. Vaidivo inna tunoo,"Ni pikiinai na kuanaravee patairaivo nninoo." ²⁶ Tuduu Yakoopo inna sai tunoo,"Hama yopeema na i pikianai kuanaravaivee, raabaiva niminai fai na i pikiaanaravaive tiravai. ²⁷ Vaidivo inna tunoo,"I nnutuuvo gioononne?" Tudu Yakoopo inna sai tunoo,"Ni nnutuuvo Yakoopove tiravai." ²⁸ Tuduu rikioo vaidivo inna sai tunoo, "Aannadiri i nnutuuvo hama Yakoopove, i nnutuu karaasaivo Isaraairove tiravai. Ee Anutuuqaata rapuee yaataraannano tiravai." ²⁹ Yakoopo inna yaparaiinno tunoo," Aii nnutuuva ni kiaanimmianee." Tuduu ivo tunoo, "Ee aanira ni nnutuuvaara ni yaparakiannanne?" Kiaakioo raabaiva inna mmiravai. ³⁰ Yakoopo i yoosinna iva nnutuuva mmioo Penieero tiravai. Ivo tunoo, "Na Anutuuqa virinnikivaki toodu ni variraivo yamaiiravaivee tiravai. ³¹ Suaivo raariraikioo rikioo Yakoopo Penieera yoosinna iva pikioo viravai. Ivo ari ootitaivaara hareema hareemaikio viravai. ³² Ivaara aanna Isarairaa gioonna kiaapuuya fayai mmudannaiyauva hama nnaavai. Inna ivo ataama vaidiivo Yakoopa rapuuvaki inna mmudannaiva rummua haatapa kieeravai.