¹ Yuvuaano ari kata vayaiya pikioo Aturamo vaidii voovai tasipama varivaidii vaa nnutuuvo Hiranna sii variravai. ² Kannna vadiivoovai nnutuuvo Hiraanna raunnaiva varakioo inna tasipama variravai. ³ Ii gioonna iva tasipama varikoo nnaakaraiva sunnairavai. Nnaakaraiva sunnaivo vaidivai mmaata kioo inna nnutuuva Eraamo tiravai. ⁴ Kava nnaakara voovai mmata kioo inna nutuuva Onaamo tiravai. Yoosinna Kesipa ivaaki vayio ⁵ kava vonnaakaravai mmatakioo inna nnutuuva Siraavavee tiravai. ⁶ Yutaava kava gioonna voovai Eraamaiva yoosinna,"Eramaadiri varakioo taura raunnaiva mmatakioo inna nnutuuva Taamaro tiravai. ⁷ Yutaanna mmaapu tauraivoo Eramaiva hama yama mmoori iikioo Udaanga Anutuuqo inna ruputuduu putiravai. ⁸ Yutaava ari mmaapu Onaama tunoo, ai vayiaanna nnaataiva tasipano, inna nnutuu vaura nnaakara voovai mmataivee. Fai ivoo inna nnaakara tuanavai varinaravai. ⁹ Onaamo tooduu fai hama inna nnaakara tuaanavai ii kioo too suai ii igioonna iva tasipoo suaivau nooriva kati mmaanai tuseeravai. ¹⁰ Itaama uuduu Udaanga Anutuuqo tooduu hama yooketai aataruvai, iikioo too ruputudu putiravai. ¹¹ Yutaava nnaaputuva Taamarra tunoo, diite ai kaana koonnasi kuaannee. Yutaava ari mmaapu Siraannara yaata utuoo tunoo, iinno Siraa vaata putinaravai na kiaa titooduu Tamaaro ari kaano kooyasi viravai. ¹² Hokoba suai Yutaanna nnaataivo vayioo nnonno putiravai. Gioona ivoo Suaana raunnava Yutaava nnaataivaara bootira heena suaiyauvoo ngioo taika kiooduu, diitoo Timinna ari mmoori vareeraiya puaara sipisiipaiya yauusii yauuva hatoka ari seena vaidii Hiraava taama tasipama viravai. ¹³ Tamaara tunoo, vaa innaapoova tuuvo Timinna puraasipisiipa yauusii hatokai yasii viravai. ¹⁴ Itaama vaikio arii uyiira rairai yauuva rada raadama pikioo gioonna mmuaadaiya uyiiraraira mminnai yauuva varoo uyuu rauukioo vida nnidaira kieegiaivaki harakioo vayioo yaapai vaadiri arii virinikivaki apuu hatauma kioo variravai. ¹⁵ Tama taikioo Siranna hama akiairaama inna mmiaavoo fai Siranna nnaatavai varinaravai. vauduu Tamaaro ari virinnikiiva hatauuma kieeravai. Gioonnaivo variipinnainnigia Yutaava ngioo inna yapaaranno tunoo," Nninai na ii tasipama vainaravee. Hama ivoo toorikiaivai, aanna nii nnaaputuu vovee. Arii voovaivee kiaa yapaarairavai. ¹⁶ Gioonnaivo inna tunoo, fai a dee mminnavai nimee ani tasipama varinaravai. ¹⁷ Fai na puaara memee voovai ninii hanikia aakiaivakidiri ii mminaravai. tikioo rikioo inna tunoo,"Mo mminna voovai fai na utuukiee vainai suai a puaara memeeva varee numa nimmikiee ai mminnaiva varaanee. ¹⁸ Yutaava tunoo," Fai na aanivai imminarannee? Tuduu rikioo gioonnaivoo inna tunoo, ai kukuuraivaa taa, ai yaaku oopuyaa yapeeraivaata ai yauuvaata kinai fai na utuutukiee vainaravai. Aakiaanna puaara memeeva va varee numa nimiee varaanee. Tii miinai yauvaa mmikioo inna tasiipama vaikioo rikioo nnaakara sunnaira aatauuvoo goonnai vaayaa vairavai. ¹⁹ Itaama kiooduu gioonnaivoo diito vioo arii uyiira rairaiyauva radaaraadama kieeravai. ²⁰ Arii vuai vaidiiva puaara memee kioo titooduu varoo orokioo ari mminnaiyauva Aduura gioonnai vaasi kiooyauva varaanareekia tooduu hama vairavai. ²¹ Adura vaidivo ivaakinnaiya yapaarainno tunoo, aavaki nnaa aataruya nuaira gioonnaivoo devaki varinnee?" Tuduu inna tunoo, hama aavaki gioonna sabii aataruya nuaira voovai varivai. ²² Tudduu iivaidivoo Yutannasi vioo tunoo, hama ii gioonnaa ivootaino. Arinaima vaidiya tunoo, hama aavaki aataruya nuaira gioonnaa taivai. ²³ Yutaava tunoo, pikiaano mminnaiyauva varaivee. Iida taa mmammaamaisa varaarainno napuaara memeeva kutaa kiaa kiauko kuaivai. ²⁴ Taara vooma kuraaga taikaakiooduu aaatuvo ii gioonna ivoo nnaakara sunnaikiai Yutaanna kiaammida yunoo, vaa ii nnaaputuu gioonnaivo sabinuainnoo nnaakara sunnainoo. Tuduu rikioo Yutaava iyaa sai tunoo, vitaada nnikiai fai ta inna nnaabaivau ikiaa subiaaravee tiravai. ²⁵ Suai inna vitada mmaanai tummuaavo ivoo kuaiva vara kiaiko vuduu ari nnaaputuu vaasi vioo tunoo, aa na utuauu mminna aayauva koonna nnaakaravai. Itaakuaa tikioo rikioo Yutaava tunoo, buaama kiaada taatee. ²⁶ Yutaava arinaima mminnaiyauva taikioo ariniiyauvai vaikioo tunoo, kuaakuta kiauno neenoo koonnaama i kiauvai. Gioonnaivo safuu aataruvai ii vai. Hama akiairama kiauko nni mmaapuva Sirava varaivai. Kiaa hama kava nnaagiai kava inna tasipama vairavai. ²⁷ Tooduu taara nnaakara vaitana inna ausaivaki variravai. ²⁸ Suai ivoo nnaakaraivaitana mmatoo suaivaki vuai nnaakaraivoo ari yaakuuva nnaadee kiaikioo mmaanai tiravai, gioonna puruu varuuvoo too makeetikioo kiauu yeena kookeevadiri nnaakaraiva yaakuvau raukeeravai. ²⁹ Taura nnaakaraiava yaakuuva kiakioo tuuvo kava radaa kiooduu vuai nnaakaraiva mm aateeravai. Gioonna nnaakara mmatani haitaturaiyaano ii nnaakara ivaa nnuutuuva mmida tunoo, Tereeso tiravai. Ii nnutuu iva ooyaivo rakeema sainai sainai kieeravai. ³⁰ Nnaagiai kaano kiau yeena kookee yeenaivadiri raukioova mmaateeravai. Mmaatakioo inna nnutuuva tunoo, Siraavavee tiravai. Ii nnutuu ivaa ooyaivo tunoo, pina ooyaiyavee.