¹ Suai Raheero hama Yakoopani nnaakara voovai mmateerama kioo ari nnunnaivaata kuatiravai. Kiaa kioo Yakoopa tunoo, hama nnaakara voovai na mmatee rainna fai na putinaravai. ² Tuduu Yakoopo Raheerara nnannatoo inna tunoo," hama na Anutuuqaa roosiima vayau voono ii nnaakara mmateera aataruuva suvuakuauvai." ³ Raheero Yakoopa tunoo, ni mmoori vareera gioonnaiva Biraanna tasipama vaino nnaakara voovai mmatakioo ni miaivee tiravai. ⁴ Raheero ari mmoori vareera gioonnaiva Biraanna titoodu Yakoopa tasipama vairavai. ⁵ Biraava Yakoopa nnaakaraiva sunnaama kioo, mmata inna mmiravai. ⁶ Anutuuqo vaa ni yaaku vareeraiva rikoo, nnaakaraiva ni minoo. Ii oyai ivaara Raheero inna nnuutuva Daanovee tiravai. ⁷ Raheera mmoori vareera gioonnaivo Biraava kava ari mmaapu voovai Yakoopa yaadiri mmateeravai. ⁸ Raheero ari nnunnaivaatama kua yaagueeqama tiravai. Itaama uuvaara ari mmaapuuva nnutuuva Nafatari vavee tiravai. ⁹ Riaanna nnaakara mmateera suaivoo taika kioodu rikioo ari mmoori vareera gioonnaiva ¹⁰ Sipaanna vitoo Yakoopa nnaata mmiravai. ¹¹ Riaanna mmoori vareerana gioonnaivo Yakoopani mmaapu voovai mmateeravai. Mmata kioodu inna yoketaudu inna nutuuva Gaatovee tiravai. ¹² Sipaava Riaanna mmoori vareera gioonnaivo yakoopa mmaapuvovai kava mmateeravai. ¹³ Riaava pinaama kioo sirigairavai.Sirigainno inna nnutuuva Aseero tiravai. ¹⁴ Roveeno vuitai yauvo kaanaudu taurira suaivo nnuduu,oro vuiita mmooriivaki toodu mauraiva nnutuuvo madareekaivo dioo vaudu varoo ari kaana Riaannani nniravai. Varoo nnuduu Raheero Riaanna tunoo, I mmaapuuvo varoo nnii madareekaiyauva vooyauvai ni mianee. ¹⁵ Tuduu rikioo, Riaava inna sai tunoo, Vaa a ni vaativa varaannavai. A ivaara kiannano kati mminnaavaivee kiaa kiee aanna a kava ni maapuuvo varoo nnii mminnaivaara ni yapara kiannanoo. Tuduu Raheero inna sai tunoo, fai a ii mminna iyauva niminai na tinoo aa heena aavaki Yakoopo i tasipama vainaravaivee,tiravai. ¹⁶ Yakoopo hennaudu vuiita16 mmoorivakidiri nnuduu Riaava inna too tunoo, makee heena aavaki ni tasipama vakianee.Vaa ni maapuuvo varoo nni madareekaiyauvadiri na i yookaama kiauvai. tuduu ii heena ivaki Yakoopo Riaanna tasipama vairavai. ¹⁷ Anutuuqo Riaanna kuaiva rikioo uuduu Riaava ari mmaapuuyauva yaaku saivai mmateeravai. Mmatakioo Riaava tunoo, vaa Anutuuqo na mmoori varauva irisaiva niminoo . ¹⁸ Vaa na ni mmoori vareera gioonnaiva ni vaativa mmiauvaara fai na ni maapuuva nnutuuva Isasaaro tinaravai. ¹⁹ Riaava yaaku saivai karasaidiri mmuaa mmaapuda Yakoopa yaadiri mmateeravai. ²⁰ Ivo tunoo, Anutuuqo kaayau hoonada nimmino fai ni vaativo niiyara yokeetainaravai, na inna mmaapuuya kaayau yaakusaivai karasaidiri mmuaavai mmatauvai, mmatakiee inna nnutuuva Siboroonovee tiravai. ²¹ Nnaagiai raunnaiva mmatakioo inna nnutuuva Dainavavee tiravai. ²² Anutuuqo Raheeera tunoo, tuqinnama tinnivarakiee ni kuaiva arinaima rikiaanee. Itaama vaudu Anutuuqo Raheeronna tuduu nnaakara voovai sunnairavai. ²³ Sunnaamakioo vayoo mmapuvai mmatakioo tunoo," vaa Anutuuqo ni mmamma maisaiva rugakiaino. Kiaa kioo mmata kioo ari mmaapuuva nnutuuva Yoosiipovee tiravai. ²⁴ Kiaakioo Raheera vokuavai tunoo, Anutuuqo fai kava mmaapuvoo vaa tama nimminaravaivee, tiravai." ²⁵ Raheero Yoosiipa mmata kioodu Yakoopo Rebaana tunoo, "Ni pikianai na nini yoosinna kuanaravee tiravai." ²⁶ Tuduu Yakoopo Rabaana tunoo," Na i mmoori vareera vaidivai, aikioo ni gioonna nnaakaraiya niminai na vitee kuanaravee. ²⁷ Tuduu Rabaano inna sai tunoo, na i avuuvaki tauko ni yoketaino. Niiyara faannakianee, Ii kinaadiri aiyarootioo Aaginiivo ari raabaiva nimivaivee. ²⁸ Kiaa kioo tunoo, ai mmoori varaanna irisai yookaiva ni giaa niminai fai neeno i yookainara vaivee,tiravai. ²⁹ Yakoopo inna sai tunoo," Vaa a ni taannavai. Na dataama i haitatuunna i puarai yauvaatama mmuakaraama haitatuu kiauvai. Mo a hama kaayau puara haitatuuduu na nniravai. Na aiisi nnuu suai vaki kaayau puaraiya aiisi suvuakuavai. Na ainii mmoori varauvaara Aaginiivo niiya rootioo raabaivaa immivai. Aanna makee fai na dataama nini yukuuvau dinarannee. ³¹ Itaama vaikioo Rabaano tunoo," Kianee aani vai na imminaravainnee?"Tuduu Yakoopo inna sai tunoo, "Hama fai a yooka voovai niminaravai,fai a itaama iinai fai na i puaraiyara haitatuunna yeenna mminaravai." ³² Aa suai aavau ni tinai na i puaraiya aakiaivaki nuainna vayee maisaiyauva tee varainna kinoo yoketaiyauvoo nnaasu vakiaivee, ii maisai puara varainnau iyauvoo inna ni yookaiyauvovee. ³³ Fai na nnaagiai safu mmoori ikiauvoono nii yaara kiaa kookiee naravaivee, ni mmoorii vaudiri tee yookaiva niminaravai. Nii mmoorivaki teeno memee hama tatapo tatapoo yaata sipisiipa upisiyaatama ivaki ii kiai fai a tinara na aisidiri iyauvaa mmuara varauyauvaivee tinaravai. ³⁴ Tuduu Rabaano mmua ausa varoo tunoo," pikinoo itaama ee kiannaneema vakiaivee." ³⁵ Ii mmuai suai ivau Rabaano ari memee oora reboraabo yauvaatama tatapoo yauvaatama boora fafarauyaatama mmuakiaa poosakuau yaatama upisi memee yauva sipisiipaiyakidiri varainna kioo ari mmaapuuva yaakuuvau yapeeravai. ³⁶ Rabaano taaravooma suai ngieerama homo vuduu,rikioo mmanna mmannaa Yakoopo Rabaana puaraiyauvaa tama haitatuuravai. ³⁷ Yakoopo karaasa yatari hammara taaravaitana poporaivaata moonai vaata hammara hanaa varoo numa nnabaiyauva rabanika kioo hokoba yauu vaadiri atauu riravai. ³⁸ Yakoopo ii yauu ivaitaana puara memee yaata sipsiipaiyatama nnoori nnaara vira aataruu vaki yapakiooduu memee ooraiyaata sipisiipa ooraiyaata nnoori nnaara vida iyauva teeda yapooma memee nnaayee yataa sipisiipa nnaayeeya karoo suaivaki iyaa nnaakara fafaara vauyauva mmateeravai. ³⁹ Ivo yauuva puara nnaakara sunnauuya vunnigiata utuduu puaraiya itau nnaakaraiya mmateeravai. Vooyauvai reboraboduu,tatapo tatapooravai. ⁴⁰ Yakoopo fafaara vau puara nnaakaraiyaatama upisiiyaata vita Rabaana puara kaanaivasinnai virii yauvaa yapeeravai. Yapakioo ari puara nnaakara hama fafara vauya vita ari puara kaanaivasinnai yapeeravai. Kioo hama iyauva vita nuunama yapeeravai. ⁴¹ Dee suai Yaagueeqa puara sipisiipaiya nnaakara mmataara iikiai vaki fai ii yauu iva rootu puara nnaakara mmataanara iivaa vunnigiataa utino puara nnaakara sunnaivo ivaa too fai itai nnaakaraiyauva mmataanaravai. ⁴² Puara sipisiipa hama yaagueeqa tauya Yakoopo ari yauuva hama iyayaa utiravai. Ii puara iyauvo inna Rebaana puarayauvai, puara sipisiipa yaagueeqa vauya inna Yakoopa puarayavee. ⁴³ Yakoopo nnoonna vaidivai varioo kaayau puaraiyauvaa viriduu kudii fau tiravai. Kaayau gioonna vadiiya inna mmoori vareeranaiya variaani kaayau puara kameerai yaata togii yaatama variavai.