¹ Kioo Yakoopo ngioo ngioo numa suai raarireerannigiata varuu gioonna kiaapuuya yoosinnai vaki nniravai. ² Numa toodu, doofa nnoorivo vairavai. vaudu taaravooma puara sipisiipaiya ngiari nnaakarai yaatama ivaa vainiivau vairavai. Ii doofa nnoori ivakidiri puaraiya nnoorivaa nnaavai.Doofa nnooriva avaivo pinaavai. ³ Mmuakiaa sipisiipaiya iva nnaara nnida nuunaudu haitatuuraivo doofa nnooriva avaivaki vau sikauva feena varainna kioodu puaraiya nnooriva nneeravai, nnaataika kioodu haitatuuraivo sikauva feenaro kava doofa nnooriva avaivaki yapa suvuairavai. ⁴ Yakoopo iya tunoo, Ni gata vayaaso ,ngiaa deepinnaayannee? Tuduu, iya inna sai tunoo, Mo ta Haranaayavee, ⁵ Tuduu ivo iya tunoo, Ngia Nahoora mmaapuuva Rabaana taavainnee? Tuduu iya inna sai tunoo, Mo ta inna taunnavaivee. tuduu ivoo iya tunoo, Ivoo yokeetaama varinnee. ⁶ Tuduu iya inna sai tunoo, ivo yoketaama varino, ukuaa taanee, inna raunnaivo puara sipisiipaiyaatama nninoo. ⁷ Tuduu Yakoopo iya tunoo, Taate vaa suai tammaino. hama aanna puara sipisiipaiyara meetira suaivai. Oroo nnoori nnaasu mmikiada pikikiai tausiiyauva nnaatee. ⁸ Tuduu iya sai tunoo,hama faita nnooriiva mmiaaravai. fai mmuakiaaya nuunaikiai yapooma mmiaaravai. Fai yapooma vaidiiya sikauva habati ngieera doofa avaivakidiri kikiai puara sipisiipaiya nnooriiva nnaaravai. ⁹ Ii suai Yakoopo mmannammanna iyaatama kuatioo varuduu Reseero ari koonna puara sipisiipaiyaatama nniravai,ivo kati puaraiyara haitatuuranavai. ¹⁰ Suai Yakoopo ari kaana vayaanna raunnaiva Reseera tama Rabaana ari kaana vayaanna puara sipisiipai yaatama too, Yakoopo numa sikauva doofa nnooriiva avaivakidiri varainna kioodu puaraiya nnooriva nneeravai. ¹¹ Yakoopo Reseera varau utuoo pinaama rateeravai. ¹² Yakoopo Reseera giammioo tunoo,na i koonna seena vaikiee na Revekaanna mmaapuvai. Tuduurikioo Reseero seeno oro ari koonna giaammira. ¹³ Suai Rabaano ari mmannaataiva Revekaanna mmaapuvo Yakoopo uu kuaiva rikioo seeno numa inna varau utuoo inna mmooteeravai. Itaama kioo vitoo ari nnauki viravai. Yakoopo Rabaana mmuakiaa kuayauvai Kiaa mmiravai. ¹⁴ Tuduu Rabaano inna tunoo. inna kutaavee, a ni mmuyaivakidiri ni mmatiivakidiri diitaannakuavee. Itaakua tuduu Yakoopo inna tasipama mmuaa kuraagavai variravai. ¹⁵ Kioo Rabaano Yakoopa tunoo" mo a ni nauudikuavee, mo fai a kati ni haitatuunaranne? Mo kianee fai naanama yooka na i mminarannee? Rabaana rauunna taaravaitana variravai. ¹⁶ Vuaiiva nnutuuvo Riaava vuaiiva nnutuuvo Raheerovee.Riaanna oorinnikiivo upisivai varuduu Raheero mayaanga kiaatanna yoketaavai variravai. ¹⁷ Itaama vauduu ,Yakoopo innara avu nnammariinno tunoo, ¹⁸ Fai na yaaku saivai sainaidiri taara nuanu i haitatuunai Raheera nimianee. ¹⁹ Tuduu rikioo Rabaano inna sai tunoo,inna a yokeetaama kiannano. Na ari vo vaidiivai mminareekiauvai. Inna ni tasipama varianee. ²⁰ Tuduu Yakoopo inna tasipama yaaku saivai sainaidiri taara nuanu variravai. Varioo paanna suai Raheerata isareera aataruuvaa uuduu kaano kooya iya teeravai. ²¹ Itaama vauduu Yakoopo Rabaana tunoo, ni naataivaa nimianee,Vaa akianna nuanuuda na i tasipama variee mmoorii varauko taikainoo. Niminai na varaanaravee. ²² Tuduu rikioo Rabaano ari kata vayaiyaatama ari seenaiyaata tuduu nnida nuunaudu yeennaiva huda nneeravai. ²³ Nnaakiada upisiinnoo varuduu Rabaano ari raunnaivaa Riaanna vitoo oroo Yakoopaasi kiooduu variravai. ²⁴ Rabaano ari mmoori vareera kiaatanna Sipaanna tama vitoo oroo iya mmuduu ivo iya mmoori vareera kiaatannavai variravai. Vauya patauduu ²⁵ ,Heenanaanna Yakoopo ditoo tooduu aanna Riaava uuduu Yakoopo Rabaana tunoo"Aanii aataruvai ni ii kianna nnee? "Hama na Raheerara i haitatuu kiauvainnee?" Mo aanivaara a ni unnakua kiannannee?" ²⁶ Tuduu Rabaano inna sai tunoo, "Hama ti kua mmaannaivo tinoo ,fai tauraivo varinoo nnaagiaivo nana nnaata vaati varaanaravai. ²⁷ Itaama vainai,vaa taura i mmiauvaa yauyookaiva iima niminai fai na nnaagiaivaatama imminai fai a yaaku saivai karasaidiri taara nuanu ni hatatuunaravaive tiravai. ²⁸ Tuduu rikioo Yakoopo ivo tuu suaivaki Riaannara yauyookaivaa iima taikeeravai. Iima taika kiooduu ²⁹ ,Rabaanao ari raunna Raheeratama Yakoopa nnaata mmiravai. Mmikioo ari mmoori vareera kiaatannaivaa Biraannatama Raheera mmiravai. ³⁰ Mmuduu Yakoopo Raheera tasipama varioo innara mmuduuya ruoo Riaannara kiisama mmuduuya riravai. Yakoopo voo vaa tama Rabaana tasipama yaaku saivai sainaidiri taara nuanu inna haitatuuravai. ³¹ Aaginiivo toodu hama Yakoopo Riaannara mmuduuya ruduu too, Raheera ausaiva suvuau kiooduu hama nnaakara voovai mmateeravai. Riaanna ausaivaa hatuaa kiooduu Yakoopaa nnaakaraivaa Roveena mmateeravai. Mmatakioo tunoo, ³² Aaginiivo vaa ni too rikiainoo fai ni vaati Yakoopo niiyara mmuduuya ruoo yoketainaravai. ³³ Kioo kava nnaagiai ari mmaapu ngaminna mmata kioo nnutuuva Simuuno tiravai. Kiaa kioo tunoo, Aaginiivo ni taikioo hama Yakoopo niiyara mmuduuya ruaikioo vo nnaakara voovai kava niminoo,Kiaa kioo ivaa mmata kioo inna nnutuuva Riviiqo tiravai. ³⁴ Mmatakioo tunoo, inna aa nnaakara aava na mmatauvaudiri fai Yakoopo niiyara yoketainnoo mmuduuya ruoo ni tasipama varinaravai. Ivaara fai na nnaakaraiva nnutuuva Riviio tinaravai. ³⁵ Ivo kava ii kua ivaa kiaakioo mmaapu voovai mmateeravai." Ivo tunoo. Aa suai aavaki fai na Aaginiiva nnutuuva vararu utinaravai." Ii oyai ivaara ari mmaapuuva nnutuuva Yutaavavee tiravai. Kiaakioo hama kava nnaakara voovai mmateeravai.