¹ Isaako Yakoopara tuduu nniravai, nnuduu raabaiva inna mmioo tunoo.hama fai a Kenaana gioonna voovai nnaata varaa naravai. ² Diite vieevie oro Padaana Araama ai kaana vayaanna yoosinnai vakidiri nnaataiva varaanee. Rabaana ai kaana vayaanna raunna voovai nnaata varaanee. ³ Yaagueeqa Udaanga Anutuuqa yoketaa raabaivo i rummua apuaivee,rummua apino i variraivo kaayauma voovatama vinai fai kaayau gioonnakiaapuuya vayaaravai. ⁴ Pikianoo ivo ari raabaiva Aaparahaama mmuuva imminoo i sidinnaidi yaraatama vekevau kuaivee. Vinai ii mmata Anutuuqo Aaparahaama mmuu mmata ivau fai eeyaara tupatupaa varinaravai. ⁵ Kiaakioo Isaako Yakoopa titoodu Padaama Araama Betueera mmaapuuva Rabaanasi viravai. Aramiino inna Revekaanna vayaavavee. Revekaava inna Isauya Yakoopaya kaanove. ⁶ Isauuva toodu vaa Isaako yoketaa raabaiva Yakoopa mmikioo titoodu Padaama Araama nnaata varaanara vioo kieeravai. Ivo toodu Isaako yaagueeqama Yakoopa tunoo sa kenaana gioonna voovai varaane. Isauuva toodu Yakoopo ari kaano kooya kuaiva vatoo Padaama Araama vioo kieeravai. ⁸ Isauuva toodu Kenaana gioonnaiya hama inna koonna Isaakaara mmuaa auusa vareeravai. Itaama vaudu ivo Isammai raasi viravai. ⁹ Oro Isamairaa raunnaivaa Maharaata nnaata vareeravai. Isamairoo inna Aaparahaama mmaapuvai.Nepayoota mmannaatavai. nnaata vareeravai. ¹⁰ Yakoopo Basibaanna pikioo yoosinna Haraanannigiata, viravai. ¹¹ Viovio oro yoosinna voovaki suaivo haatapoodu kaayau heena ivaki vairavai. ivo sikau voovai habatikioo ivau taaguva rummua kioo vuru vairavai. ¹² Ivoo vainnoo ruvuaataiva toodu ngiau aapuuvakidiri iriivo mmataivau tiiravai. Tuudu Anutuuqa Aangeraiya oro teeda tuma teeravai. ¹³ Rikiaanee,na Aaginivoono ikiaa immiauno.Na Aagini Anutuuqo Aparahaama i koonna tama Isaaka Anutuuqove. Aa vuru vakianna mmata aava immiauvo fai i sidinnaidiyaatama vayaaravai. ¹⁴ Fai i sidinnaidiiya mmata kufukuufaiva roosi kiaaravai. Fai iikinaadiri suai raarirai suai haatapeeranni tooyasai tooyasainai vari suvuakuaaravai. Fai iikinaa i sidinnaidiiya kinaa mmuakiaa mmata aavau vayaiyaki ni raaba yoketaivo kuanaravai. ¹⁵ Rikiaane,na itasipama vayauno. Adeepi kuannaipi fai na i haitatuunaravai. Fai na kava i vitee mmata immuuvau nninaravai,hama fai na ipikiaa naravai. Fai na mmuakiaa mminna itasipama kua yeena rammuau yauvaa iino too kaanainaravai. ¹⁶ Yakoopo vuru vaivakidiri nnikiarainno diito tunoo, Aaginiivo aavaki varino, hama na teerikiauno. ¹⁷ Kiaakioo ivo aatuunno vayoo tunoo.Aani arivookarai atauvai vainne! Anutuuqa nnau ngiau aapu vaivaa keegiaivovee. ¹⁸ Yakoopo henanaanna diito sikau taaguva rummuakioo vauvaa vara hanuu harakioo nnammariiva innayaa tusaa apiravai. ¹⁹ Kioo ii mmata ivaa nnutuuva Beteerave tiravai. Ii yoosinna pina ivaa nnututuanaivo Ruusave. ²⁰ Yakoopo kuaiva ariitama tioo tunoo, fai aikioo Anutuuqo ni tasipoo ni haitatuunai fai na kuanaravai. fai ivo yeenna nnoori yauvaata uyira rairai yauvaatama niminaravai. ²¹ Niminai fai na vieviee ni napoonna nnauvaki kuanaravai. Vinoo Aaginiivo inna ni Anutuuqovee. ²² Ii sikau na hanuu harakiau ivo inna ni hataumaivove. Ivo vainno tinoo mmuakiaa mminna a nimiannai yauvaa faina guati kiee mmuakiaa suai yaakuvaitana imminaravai.