¹ Suai Isaako vayoyoo ngiabai kioodu inna avuuvo upisiidu Isoonna ari mmaapu ngaruuvaara tioo tunoo,".Ni mmaapukuave Aa na vayauno. ² Taanee vaa na ngiabai kiauno, hama na ninii putira suaiva tee rikiauno." ³ Ivaara ai rapira mminnaiyauva varaanee suru veevai yauva varee mmaguyaki fayaiira nini kuanee. ⁴ Varee numa ninii yoketai yeennaiva hudaane. hudavaree numa niminai na nnee raaba yoketaiva immikiee yapooma fai na putinaravai." ⁵ Isaako ari mmaapuva Isoonnata kuatiiva rikio. ⁶ Reveekava ari mmaapu Yaakopa tuno,"Avaa taane na rikiauko i koova ivayaannata kua tio tunoo. ⁷ Fayaai vooyauvai vaaree numa yoketa suuda kuai yeennaiva ninii hudanee. Yokeeta yeennaiva na nnaakiee Anutuuqo titasiipama varinai na raabaiva immiinoo yapooma ni putiraivo vakiaivee. ⁸ Aanna itaama vainai,ni mmapuvai ni kua na ikia immiee iikianee kiauva vataanee. ⁹ Puara aunnaammuvaki kuane,puara sipisiipa nnaakara yoketa taarama vaare niisi ngianee,fai na iyauvaadiri iikoonna yoketai yeennaai yaauva hudaakinoo nneno inna yoketai naravai. ¹⁰ Iva varee aikoonnasi vino nnakioo yapooma inna putiraivo ngiaivee. ¹¹ Yakoopo ari kanaa Reveekanna tunoo tanee nivaavoova yaasiiduuna vaidivai,ni nnabaivoo yooketaikioo hama yasiinnataivai. ¹² Iinnonnoo ni napoova niya utinarainnoo,fai maisai kuaiva vaarano niniya nnino hama yooketa kuivoo tainaravai. ¹³ Ari kaanoo inna tunoo,"Ni maapuqo maisai kuaiva pikinoo niya ngiaivee,na kiau kuaiva riikiee kuanee,oro vaare niisi ngianee. ¹⁴ "Yokoopo oro taara gouutaa vaitana varo ari kaanasi nniravai. Inna koova nneeno inna yokeeta kiaiveera yeenna yokeeta inna mmuduya ruaivai dudeeravai. ¹⁵ Reveekaava ari mmapu ngaruuva uyira raira yokeetaiva varo ari mmapu nnagiaiva uyuraukieeravai. ¹⁶ Ivo gouuta nnaaba yasii ruaivadiri ari mmaapuva yakuvau rainnoo nnuuna hama yasiinna taivau rairavai. ¹⁷ Yeenna yookeetai vaatama bereeta teerama kiai vata ari mmapuuva Yakoopa mmiravai. ¹⁸ Yakoopo ari koonna oro tuno. "Ninapoo"Iinna koova sai tunoo,"Na a iikiauno."Adee ni mmapukuannee?" ¹⁹ Yakoopo ari koonna tunoo,"Na immapu ngaruuvo Isauvavee. Vaa na ekiannaneema iimakiauno. Giau diite vaayee niyieenna fayai yauva nnee ai rabaivaa nimianee." ²⁰ Isaako ari mmapuuva tunooo'Nimaapuuqo dataamakiee aayauva akiairai kiaitee varaanaanne ?"Ivo sai tunoo; Mo ii Udanga Anutuuqono nimivai. ²¹ ''Isaako inna tunoo,''Niivaini nniinai ni mapuu na ii utuu taanarave, fai na teenai a kuta ni maapu Isauvannee oo hameetanne?'' ²² Yakoopo ari koonna Isaakasi vuduu inna utu too tunoo innuunaivo Yakoopa nnunaaiva roosikio i yaakuyauvo Isaunna yakuvai. Yakoopa yakuyauvo ari vaayianna yakuyauva roosima yausiyauvo vaivaara hama tuqinnama too rikieeravai, ²³ Itama vaudu Isaako ari raba yokeetaiva inna mmiravai. ²⁴ Ivo tunoo, "Ee arinaima kuta nimmapu Isauvanne?" Tuduu ivoo inna sai tuuno," Na aanna ivovee". ²⁵ Isaako tunoo, aikioove ,"yeennaiva vare niminai nannee fai na nnee raaba yoketaiva imminaravee.Yakoopo yeennai vaata nnori vuuainaiva tama varoo Isaaka mmuduu nneeravai. ²⁶ Inna koova Isako innata kua tioo tunoo,aa ni vaini ngiee nii varau utuee nii mmootane,a ni mmapu kuavee. ²⁷ "Tuduu inna vaini ngioo inna mmootaikio koova inna uyira rairaiyauva suudama rikioo rabaiva inna mmiravai. Ivoo tunoo, "taane nimaapuva suudaivo Anutuuqo raabama kiaiva suuda roosino. ²⁸ Anutuuqo ngiauapuvakinna toopanu nnoori vatama yooketa mmataivaatama kaayau yeenna uru yauvaatama nnoori vuainaivata imminaravai. ²⁹ Ngioonna kiaapuuya aiyaraa yokeetaikiai fai mmuakia mmataivau vayaa ngioonna kiaapuuya aiyara keeta nnusukuaaravai. ³⁰ Akiairaikioo Isaako Yakoopo raabamakiaikio atunno Isaako varivakidiri viokieeravai. ³¹ Vayaava fayaira nuaupiidiri numa kioo ivoota yeenna yoketaiyauva hudakio ari konnani varo numa inna tunoo, ditee aii yeenna fayai yoketama huda kiau ayauva nnanee,nnakie ai raaba yokeetaiva nimianee. ³² Isaako inna tunoo,"A gioono nne?" Tuduu ivo inna sai tunoo, "Na immaapu ngaruuva Isauvavee." ³³ Isaako pinamakioo nnikiarainno tunoo, "Ngioono anna fayaira nuainno varo niini nninnee? Angiee vayannani vaa na fayai yauvaa nnaakiee raabaiva mmikiauvai. fai ii raaba ivo mmuakiaa suai innayaa vainaravai." ³⁴ Isauuva ari koova tuu kuai yauva rikioo pinaama kai kiririi ngainno ratoo arii koonna tuno, ³⁵ "Napoo niita raaba kianee." Tuduu Isaako inna tunoo, "Vaa ikataivoo unnakua aataru daadiri i raabaiva varoo viookiaivai. ³⁶ Isauuva tunoo,"inna hama yoketai nnutuvai Yakoopo kiaanne? ivo taara neetu ni unnakua tiivai. Taane,ni nnutu ngaruuvaa varaivoo aanna make ni raabaivaatama varaino."Kiaa kioo tunoo,"vo raaba voovai yapaanna nnee?" ³⁷ Tuduu Isaako Isauunna tunoo,"taane vaa na inna iikiauko iyokeeravai varikiai inna kata vayaiya inna mmoori varee ranaya mmiee, yeenna uruu yauvaata karaasa vuainai vaatama mmiauvai. Aani voovai fai na iini ii narannee,ni maapuvaivee. ³⁸ Isauuva ari koonna kuaiva sai tunoo," Mo a raaba yoketaa voovai ninii kiaannanne,napoo? Niitaa tama raabama kiaane,ninapoo"Kiaa kioo Isauuva pinaama kioo rateeravai. ³⁹ Isaako iriisaiva inna kua sai tunoo, "taane yoosinna varianna aavo homo kaayau mminna mminnaa vai mmataivaa ngieerama vaino,ngiau vaki toopanuuvo ti ngieerama vaino. ⁴⁰ Ii paipaivo vaivaara fai a variee ai kataivaa mmoori varee ranavai,varinaravai. Itaama variee, fai a innaata rapuee inna mmuaara i nnuunai vaki vaivaa varainnaa naravaivee,tiravai. ⁴¹ Isauuva Yakoopa ngiari koova raaba yoketaiva mmuuvaara pinaama nnanna teeravai, iya koova raaba yoketaiva Isaunna mminee tuu vaata Yakoopa mmiravai.Mmikioodu Isauuva yaata utuoo tunoo fai ni napoova putinai na Yakoopa ruputino putinaravai. ⁴² Isauuva itaakua tuu kuaiva Isaunnaa ari mmaapu ngaruuvo rikioo numa ari taatonna Seraanna kiaammudu rikioo taatova ari mmaapuuva Yakoopaara tuduu nnuduu inna kiaammioo tunoo, Isauuva i ruputinara yaata utuoo faannamararoo nninoo. ⁴³ Aanna ivaara ,ni maapuvai, ni kuaivaa rikiee aatuunna Haraana ni vayaanna Rabaanasi kuanee. ⁴⁴ Oroo ipi varinoo yapooma ivayaanna ausaivo nuufainoo inna nnannateera aiiyara vaivoo taikanoo aa inna ii kiannaivaara tauunninai ngianee. ⁴⁵ Fai neeno titanai oro i vitada kava ngiaaravai. Ivaara na ngi titanai ngia eeyaa vaitana vida nnida kiatee,tiravai. ⁴⁶ Revekaava Isaaka tunoo, Heetaiya raunna aayauvaara ni aikioono, Fai Yakoopo iya raunna itaii voovai varanai fai ivakinnaa gioonna saiya dataii yoketaa aataruvai ni ii kiaaranne.?