¹ Ii suai ivaki mmuakia mmatavau yeennareeraivo rummua apu kioo vairavai,ivo Aaparahaamo varuu suaivaki vairavai.Isaako vaidii kieeta pinaiva nnutuuvo Arimereeko Pirisitiaiya kieetavai varuuvaasi Gasaa viravai. ² Aagniivo iya tunoo,sa Iyiipa kuatee.na ngi mmataakiau mmatai vaki nnaasu vayatee. ³ Aa mmata aavaki nnaasu varikiai fai na ngi tasipama varino ni yoketairaivo ngitasipama vainaravai. Fai na ii tama i sidinnaidi yaraatama aa mmuakia mmata aava mminaravai.fai na nini kua i koonna Aaparahaama tasipama yeena rammuauvo kuaivo kaanai naravai. ⁴ Fai na i iinai i sidinnaidiiya ngiauvau vakiaa aakiapuaiya roosiima variaaravai .Fai na mmuakiaa mmata aava ii sidinnaidiiya mminaravai.Fai ii sidinnaidiiyakinadiri ni yoketairaivo mmuakiaa mmata aavau variaiyaaki kuanaravai. ⁵ Fai na itaama iina raivo vaa Aaparahaamono ni kuaivaa vatoo,ni kuaivaa haitatuunnoo ,na kiauneema iinnoo, ni atauyauvaa vatoo ni mmannammannaavai variravai. ⁶ Kioo Isaako yoosinna Geraa ivaki variravai. ⁷ Varuduu yoosinna mmaayoota vaidiiya inna nnaatai varaa inna yaparairavai.Yaparaudu Isaako tunoo,nii mmannaatavaivee. ivo ni nnaatavaivee tinaraivara aatuunno itaakua tiravai.ivoo mmaayoota vaidiiya ni ruputida ni nnaataiva ngiariya nnaata varaaravai, ivoo yoketaa gioonna tuanaavai. ⁸ Isaako ii yoosinna ivaki hokobasuai variravai.Varuduu,Pirisitiaiya kieetaivo Abimereeko ari nnau tabangaidaadiri toodu Isaakko ari nnaataiva Revekaanna tuqinnama haitatuunno variravai. ⁹ Arimereeko Isaakaara tuduu nniravai. Nnuduu Arimereeko inna tunoo, aaniivaara a ti unnakua tiee aii nnaatai vaara kiannano ni mmannaatavaivee kiannavai. Tuduu,Isaako tunoo, mo iida mmaayota vaidiiya ni ruputida ni nnataiva ngiariyara vareevoora na ii kua iva tiravai. ¹⁰ Tuduu Arimereeko ,tunoo,. hama a tomeda vovai tiiki ikiannavai fai vaidi vovono i ruputuoo i nnataiva ariyara varaanaravai. ivaara fai a aikioma nnannateeraiva tiiya yapaanaravai. ¹¹ Kiaakio,kieeta vaidii Arimereeko mmmuakia vai diiya tunoo, Fai vaidi vovono Isaakatama inna nnaataivatama too datai aataruva iiva ruputikio putinaravai. ¹² Isaako vayoo kaayauma yeennaiyauva utukioo mmuaa nuanuvaki kaanaiyauva kaayauma vareeravai. Aaginiiva yoketairaivo inna rummua apiravai. ¹³ Ivo mmuakia mminnaayauvai innasi suvuai kioo vairavai .Vauduu ivo mmannammanna vara utuararoo vio vioo ivo pinaavaiidivai varivai. ¹⁴ Ivo kaayau puara sipisiipaiyaatama kauuyatama kaayau nnauyauvo vaudu Pirisitia gioonnakiaapuya inna mmoori vareeranaya variravai. ¹⁵ Mmuakiaa doofa nnooriyauva inna koonna Aaparahaama mmoori vareera vaidiiya hanuukiooyauva Pirisitiaiya suvuai kioodu hammaa iyau vakiri vitarada nneeravai ¹⁶ .Abimereeko Isaaka tuno,tiisinnaidiri ngieera kuane,ati yaatarakiee ii variraivo tiyaataraino.Tuduu ¹⁷ Isaako diito vioo vioo Geraa haruuvau variravai. ¹⁸ Kava vo doofa nnooriivovai Isaako hanuukieeravai. Iidoofa nnoori ivaa Aaparahaama suai vaki inna mmoori vareera vaidiiyano hanuukieeravai. Suai Aaparahaamo putudu Pirisitiaiya ii doofa nnoori iyauvaatama suvuai kieeravai. Ii doofa nnoori iyauvara Aaparahaama tuu nnutuuyauva mmaapuvo Isaako mmuai nnutuuyauva tiravai. ¹⁹ Suai Isaaka mmoori vareera vadiiya haru hoonuruuvau nnoorivo vioovaruvau doofa nnooriva hanuu kieeravai. ²⁰ Isaaka mmoori vareera vaidiiya kieetaiva Geraaro buaaru tiravai.Tioo tunoo,Aa nnori aavo ti nnoorivai. Tuduu ,Isaako ii doofa nnoori iva nnutuuva Eseeko tiravai.Ii nnutu ivoo inna buaaruvai. ²¹ Iya kava voo doofa nnoori voovaatama haniiravai. Hanuudu kava ivaaratama buaaru vatiravai.Tuduu kava Isaako ivaa nnutuuva Sitaanava vee tiravai. ²² ivoo ivaa pikioo kavaa voovai hanuudu hamakava ivaara buaru tiravai.Kioo ivaara Rehobootave tiravai. kiakioo tunoo,inna Aaginiivono niniimmata atauva hatokaino,Faita ii mmata ivau yoketaama vayaaravai. ²³ Kioo Isaako ivaudiri diitoo Basebaa viravai. Oro varuu mmuai heenaivaki ²⁴ Aaginiivo innasii tioo tunoo, na i koonna Aaparahaama Anutuuqove. Sa aatuukianee, fai na itasipama varinoo ni yoketairaivo iiya vainai fai a kayaumaa mmataharaanaravai,ni mmoori vareera Aaparahaamara tiee iinaravai. ²⁵ Tuduu Isaako tapiiva ivau hanuuhara kioo ivaa nnutuuva Aaginioo tiravai. ivau inna mmoori vareeraiya doofa nnooriiva innani haniiraavai. ²⁶ Kioo Abimereekoo ta Ahusaavatama rapira vai diiya kieetaiva nnutuuvo Pikoroo tama viravai. ²⁷ Vuduu Isaako iya tunoo,ngiaa aanivaara nisii ngiannee. Ngia nnaaruu niiyara maisave kiaakiada ngingii sinnaidirii ni titeeravai. ²⁸ Kiadaa iya tunoo ,Aaginiivo itasipama varinoo, itaama vainai ti tasipama yohootira kuavovai kianee. Tinai fai ta itasipama kuaiva yeena rammuaaravai. Raukikiai hama aa maisammooriva ti iinaravai. ²⁹ Fai ta mmuaakarama hama maisamooriva i iikiaaravai, Fai tayoketama i haitatuuda iti takiai ausa nuufaiva tasipama kuanaravai. Fai Aaginiiva yoketairaivoo irummua apinaaravai. ³⁰ Iitama vauduu Isaako iyani yeenna nnoorii yauva teerama kioodu neraavai. ³¹ Iya heenanaanna diitanda ngari kuaraipira teerauduu Isaako iyaa titoodu viravai. Tuduu iya ausa nuufa tasipama viravai. ³² Ii mmuai suai ivaki Isaaka mmoori vareera vaidiiya numaa doofa nnoori ngiarinoo hanuu kioovaara inna giaammiravai. ³³ Inna kiaammida tunoo,vaata nnoori yoketaa voovai buaama aini teerama kiaunnano .Tuduu ivoo ii doofa nnoori ivaara tunoo inna Sibaave tiravai.tuduu ii yoosinna pnaa ivaa nnutuuvo Basibaavave tiravai. ³⁴ Suai Isauva kaayau nuanu (40)taikaikio ari nnaataivo Yutiito Beriiva Hitiita vaidiiva raunnaivootama Basemaato Eroona raunnaivo Hitiitayavee. ³⁵ Iya ngiari bootirai yauva varada Isaakaya Revekaayasi viravai.