¹ Aagini Anutuuqo mmuakiaa fayaiyakidiri ari vookaraivai yapaivaa iima kieeravai. Vo suai voovaki yapaivo numa gioonnaivaa tunoo, mo dee yatarivainno Anutuuqo sa ngii nnaate tiinnee. ² Tuduu rikioo gioonaivo inna sai tunoo, mo mmuakia mmoorivaki vai yatariyauva nnaate tiivai. ³ Mmuaa yatarivai nnaasu mmoori vuutaivau dii yatariva sa nnaatee tiivai. Fai ta iva nneeda ta putuaaravai, Anutuuqo itakua tiivaivee tiravai. ⁴ Itaa kua tuduu rikioo yapaivo inna sai tunoo fai hama ngia putuaravaivee. ⁵ Fai ngia ivaa nneekioo ngii yaata tinniyauvo hatuanai maisaivataa yoketaivaatama teeda rikiaaravai. ⁶ Tuduu rikioo gioonnaivo yatari iiraivaa rakusukioo saivai nnoo Ataamani saivai yapakieeravai. Ataamo nnuainnonno suaivo hannaudu nnuduu, Ivaava yatari iira saivai nnoo kioovaa mmuduu nneeravai. ⁷ Taaravaitana ivaa nnaakiada iya yaata tinniyauvo hatuooduu ngiari tooduu taguaadaya varida yatari apuuyauvaa ratoma funnu kiada uyu rairavai. Uyu raukiada Anutuuqara atuuda oro mmoori tooyaivaki hatauma kiada variravai. ⁸ Varuduu suaivo hannaudu Anutuuqo nnuuvaa rikiada yatari oyaivaki hatauma kiada variravai. ⁹ Udaanga Anutuuqo aayanna roo tunoo, Ataamo a deevaki variannannee? ¹⁰ Tuduu rikioo Ataamo inna sai tunoo, na taguaada variee a ngiannani na aiyara aatuunna hataumakiee variauno. ¹¹ Tuduu rikioo Anutuuqo inna sai tunoo, gioono i tikiai a taguaada variannannee? ¹² Tuduu rikioo Ataamo inna sai tunoo, mo ii gioonna a nimianna ivoono yatari iira ooqoo kiannaivaa ni mikiai na nnaakiee taguaada variaunoo. ¹³ Tuduu rikioo Anutuuqo Ivaanna yaparai tunoo, gioono i tikiai a yatari na ngii ooqoo kiauva nnaannavainnee.Tuduu rikioo Ivaava inna sai tunoo, mo yapaivoono nitikiai na nnauvaivee. ¹⁴ Aagini Anutuuqo yapaiva tunoo, eeno iikiannaiva irisaivaa fai ai ausaivaa mmata avau kiee ausaya nuainna variee mmummu kufukuufaivaa rupi nnaanaravaivee tiravai. ¹⁵ Na nnammutuaa aataruvaa iitama gioonnaivatama ngii vutaivaki yapauno. Fai Ivaanna nnaakaraiya yukuuyauvunu a gutinai fai iya i kieetaivaa raa ramumusiikiaaravaivee tiravai. ¹⁶ Itaa kua kiaa kioo gioonnaiva tunoo, suai a nnaakara mmateera suaivaki fai pinaama mmamma nniitareeraiva tasipama mmataanaravai. Fai itaama mmateennaata mmanna mmanna homo ai vaati vaara mmuduuya rinaravaivee.Fai vaidivoono mmuakiaa mminnaiyauvaatama iitama haitatunaravaivee,tiravai. ¹⁷ Kiaa kioo Anutuuqo Ataama tunoo, ai nnaataiva kuaiva rikiee yatari iiraivaa nnaannaivaara, fai na kiauneema a iinaravai. Fai hama a kava yatari iiraiyauvaa nnaanaravai. ¹⁸ Na mmuaara i mminai mmata aavau variee iinaraivo atama vainoo. Fai a mmuakiaa suai i mmuyaivo nniitaranai mmamma nniitareeraiva tasipama mmoorivaa vareevariee yeennaivaa nnaanaravai. ¹⁹ Fai kaayau yeena ooviiyauvootama ikiau maisaiyauvo i mmoorii vakidiri urinai raa rupiee variee nnaanaravai. Fai i nnabaivakidiri pinaama kausaivo tiinai a yeenna kaanaiva varaanaravaivee,tiravai.Neeno mmataivaadiri i iima kiauvai, fai akava mmataivaki kuanaravai, mmataivaki viee nuunainna mmatavai vainaravaivee tiravai. ²⁰ Vaidiivo gioonnaiva nnutuuva Ivaavavee tuuva oyaivoo ataakua tunoo, mmuakia gioonna kiaapuuya kaanovee tiravai. ²¹ Udanga Anutuuqo puara sipisipaivaa ruputu kioo nnabaivaadiri taarama uyira rairaivaa iima kioo iya mmuduu uyida rairavai. ²² Aagini Anutuuqo tunoo, vaa vaidiivo tiroosivai varioo yoketai vaatama maisaivaatama too rikiaino. Itaama vaino fai ivo hama kava yatari tupatupa variraiva rasuku nnaanaravai. ²³ Itaama vauduu Aagini Anutuuqo inna titaa kioodu mmoori Itiina ivaa mmaanai viravai.Mmaanai oto varioo mmooriva vareeravai. ²⁴ Anutuuqo vaidiiva titaa kiooduu mmaanai viravai.Anutuuqo Aangeraa voovai tuduu suai nniranni dioo vaudu paipa avai karoova avaivau ikia hauruuvo rivarivaunno varuuva kiooduu varira yatarivaara haitatuunai fai hama mmuara vaidiiya ivaa varaaravai.