¹ Ataamo Ivaanna ari nnaataiva tasipama vairavai. Inna tasipama vauduu Ivaava Kainga sunnainno mmateeravai. Mmata kioo tunoo, ni Anutuuqo nnaakaraivaa kati nimivai. ² Itaa kua kiaa kioo Nnaagiai Ivaava Kainga kataivaa Aveera mmateeravai. Aveero puarara haitaturanavai, Kaingo mmoori vareeranavai. ³ Vo suai voovaki, Kaingo ari yeenna yoketauyauva varoo oro Anutuuqa kati mmiravai. ⁴ Mmuduu Aveero Anutuuqara puaraiva ruputu kioo hudeera vai, hudoduu Anutuuqo innara yoketairavai. ⁵ Anutuuqo hama Kaingara yoketauduu Kaingo pinaama nnannatooduu inna oorinnikivoo hanigioo maisairavai. ⁶ Aaginivo Kainga tunoo. Aanira i ausaivo mmuararaikio i oorinnikivo hanigiainnee? ⁷ Ee safuuma iikiannatiri na aiyara sirigakiautirivee.Hama a safuuma iino fai mminna mminna maisaivo i utivoora tuqinnama aiyara haitatuunna varianee. ⁸ Ivaara Kainga nnanna tooduu Kaingo mmoori aakiaivaki Aveera ruputu kiooduu putiravai. ⁹ Antuuqo Kainga tunoo, mo i kataivoo Aveero deepi kuainne? Duduu rikioo Kaingo inna sai tunoo, hama na inna tauvaivee gioono inna haitatuvainnee? Hama na inna tauvai. ¹⁰ Anutuuqo tunoo, ee aanivai ikiannanne? I kataiva kiauvo mmata aavau niiyara aayanna roo varino. ¹¹ Aanna make ii kataiva kiauvo mmanna mmannamakioo ayanna roo varino. ¹² Suai a mmataivaki yeennaivaa vara utino fai hama kaayauma kaanaiyauvaa i mminaravai. Fai hama i yoosinna mmaayootaivoo tainaravai. Fai a sabi variararee sabi nuaira vaidiiya roosima a mmata aavau varinaravai. ¹³ Kaingo Anutuuqa tunoo, mmuaaraiva nimiannaivo pinaavai niiya vaino. ¹⁴ Fai makee aa mmata aavaudiri a ni varainnanai fai na hama i haitaturaivaki varinaravai. Fai na mmuakiaa mmata aavau sabi nuairanavai nuainai, nnammutuaiya fai ni teeda ni ruputuaaravai. ¹⁵ Tuduu Aaginivo inna tunoo, Fai vaidi vovoono kainga ruputiva fai na yaaku saivai sainaidiri taaraneetu irisai inna ruputinaravai. Kiaa kioo Aaginivo yagueeqa atauvaa Kainga tinniivau yapa kieeravai. Fai nnammutuaiya ii atau ivaa teeda hama kainga ruputuaaravai. ¹⁶ Kaingo Aaginiva pikioo mmata voovai nnutuuvo Noota, ivo Itiina mmoori ivaa suai nnirannigiata vairavai. ¹⁷ Ivaki Kaingo ari nnaataiva tasipama vauduu nnaakaraivaa mmata kioo nnutuuva Inooko tiravai. Ivaa nnaagiai yooosinna pinaiva iima kioo ii yoosinna ivaa nnutuuva Inookavee tiravai. ¹⁸ Inooka mmaapuva nnutuuvo Iraadava. Iraadanna mmaapuva nnutuuvo Mahuyaava. Mahuyaanna Mmaapuva nnutuuvo Metusaraava . Metusaraanna mmaapuvo Rameeko. ¹⁹ Metuseraanna nnaataivaitana nnutuudo Adaaya Yiraaya variravai. ²⁰ Adaavaano ari mmaapuva Yabaara mmateeravai. Yabaara nneediyaano puara burimakau yara haitatuda puara nnau yauvaara haitaturavai. ²¹ Yabaara kataiva nnutuuvo Tubaaro. Tubaara nneediyaano tooriyauvaa hatuku kiada ridaavarida kuaru tirana vaidiyavee. ²² Yiraava ari mmaapuuva Tubaara mmataivai. Tubaara mmoorivo, baraasaiyauvaata, ainaiyauvaa tama iirana vaidivai. ²³ Rameeko ari nnaataivai tana Adaaya Yiraaya tunoo, ngia taarama ni kuaiva rikiaatee, ngiammuau voovoono ni rapikiai na inna ruputuauko putivai. ²⁴ Kaingara fai yaaku saivai sainaidiri taarama irisaiva iinaravai. Fai Rameekoono kaayauma 77 neetu irisai iinaravai. ²⁵ Ataamo kava ari nnaataiva tasipama varuduu, nnaataivo kava mmaapu voovai mmata kioo nnutuuva Seeto tiravai. Anutuuqo Abeera mmaataivaki Seeta mmiravai. ²⁶ Seeto ari mmaapuva nnutuuva Enooso tiravai. Ii suai ivaa gioonna kiaapuuya toosahara kiada Aaginivaara sudaaqaivaa tiravai.