¹ Ngiau mmataivo taika kiooduu, mmuakiaa mminnamminna varira vauyauvo ivau suvuairavai. ² Suai yaaku saivai sainaidiri taara suaivau, Anutuuqo arii mmoori mmuakiayauvai iima taika kioo,suai yaaku saivai sainaidiri taara suaivau kati harakioo variravai. ³ Anutuuqo ii suai ivaa iikioo yoketa suaivai vairavai. Mmuakiaa mminnai yauvo taika kiooduu ivo kati variravai. ⁴ Ii kua ivo inna ngiau 6mmataivaa iima kioo kuaivovee, suai mmuakiaa mminaiyauvo itaama vau suai vau, Aaginii Anutuuqono ngiau mmataiva iiravai. Hama annaanna mmaguya yananneeri voovai mmataivau vairavai. Hameeta mminna voovai mmataivau vairava. ⁵ Aagini Anutuuqono ngiau mmataiva iima kiooduu hama vaidi vovoono ivau varioo vara utuu nneeravai. ⁶ Ii suai ivaki Aaginiivo mmataivaa puuta kiaiveera vatiivaa kiooduu mmataiva puutairavai.. ⁷ Aagini Anutuuqo mmataivaadiri ruaataru kioo vaidiiva iimakieeravai. iimmakioo vadiiva nnikiivaki varira yaikiai vaa fuu tuduu viravai. Vuduu vaidiivo diitoo variraivaa varoo variravai. ⁸ Aagini Anutuuqo suai raariroonnigiataa mmoorii pinaivaa iima kioo vaidiivaa ariinoo iima kioovaa ivaki yapa kiooduu variravai. ⁹ Aagini Anutuuqo tuduu mmuakiaa yatari yauvo mmatai vaudiri uriravai. Uruoo iira vauduu vaidiivo iiraiyauvaa rasuku nneeravai. Mmoorivaki yatari duu yauvaa vuutaivaki varira yatarivotama diravai. ¹⁰ Nnoori voovai mmoori Itiina ivaa puuta kiaiveera mmoori vuutaivau tioo viraravai. Nnoorivo tioo taarama taarama hammara guaiti kioo mmoori vuutaivau viravai. ¹¹ Nnoori tauraivaa nnutuvo pisoona, ii nnoori ivo mmata Haviraannigiata viravai. Ii nnoori ivaki sikau gooraiyauvo vaivai. ¹² Ivaki vai sikau gooraiyauvo yoketaiyauvai, ivaki ari vookarau sikau taaravaitana nnutuudoo voovai beteriuumaivovee, vuaiva nnutuuvo oniiraivovee. ¹³ Vo nnoorivai nnutuuvo Gihoonavee, ii nnoori ivo mmata pinaivaa nnutuuvo Kuusannigiata viravai. ¹⁴ Nnoori taara voomaivaa nnutuuvo Taigiriisavee, ii nnoori ivo mmata pinaivaa nnutuuvo Asuunnigiata viravai. Nnaagiai nnoorivaa nnutuuvo Yufiritiisaivovee. ¹⁵ Aagini Anutuuqo vaidiiva vitoo ivaki yapakino varioo ivaki mmoori varoo haitatu kiaiveera iimakioo yapakieeravai. ¹⁶ Aagini Anutuuqo kua mmaannaivaa vaidiva kiaa mmioo tunoo. Mmuakia yatari iiraiyauvo mmoorivaki vaiyauvaa utue varee nnaanee. ¹⁷ Yaata tinni yoketaivoota maisaivootama vai yatarivoo mmoori vuutaivaki vainoo. Ii yatari ivaa iiraivaa sa nnaanee, fai a iva iiraivaa rasuku nnee putinaravaivee tiravai. ¹⁸ Aagini Anutuuqo haitatuuma too tuno.Mo inna hama yoketaivai, Fai vaidiivo arivana varinaravai. Fai na ari roosi voovai iima kino inna tasipama varinaravai. ¹⁹ Mmataivaadiri Aagini Anutuuqo mmuakiaa vasigiaiya iiravai. Inno mmuakiaa ngiaa sukuaiyaata mmuakia nnoonna kiisa mminna mmataivau variaiya iiravai.Inno ngiauvau nnookiaiyaatama iiravai. Imakioo varoo vaidiivaasi vinoo too nnutuyauvaa kiaiveera varoo viravai. ²⁰ Varoo vuduu vaidiivo iyauvaa nnutuuyauva tiravai,ivo tuu nnutuuyauva teeta make kiaunnannoo, ngiaasukua vasigiaiya ngiauvau nookiai yaatama nnoorivaki variai yaatama nnutuuyauva mmikioo, tooduu hama ari roosu vovootairavai. ²¹ Udaanga Anutuuqo vaidiiva uuduu kava vuru vairavai, vauduu to Aagini Anutuuqo vaidiiva yaanee mmuyai voovai rada kioo kava radaivaki ramunnairavai. ²² Vaidiva ari yaaneevaadiri Udaanga Anutuuqo varakioo gioonnaiva iiravai, iima kioo vitoo oro vaidiiva mmiravai. ²³ Vaidiivo gioonnaivaa too tunoo, aavaudiri inna ni mmuyaivai.Ni mmuyaivaatama ni mmatii vaatama vara kioo iivai. Ni roosiivai varivaara fai na innara gioonnavaivee tinaravai. Niikidiri inna mmuyai mmatiiva varakioo iivai. ²⁴ Ivaara vaidivo fai ari kaanokooya pikioo ari nnaataiva tasipama varioo inna taarama mmuaa nnaabavaitana variaravai. ²⁵ Taara vaitana ngiari avuuvaitanau taguaada varida nuaida fai hama mmamma maisa kiaara vaivee