¹ Nnaaru tuana hama ngiau mmataivo vau suaivaki, Anutuuqo ngiau mmatai vaatama mmuakiaa mminnai yauvaatama immakieeravai. ² Hama vo mminnaa voovootaudu, heena pinaivo mmuakia mmatavau rummua apukioo vairavai. Vauduu nnoorivo ivaa aakiaivaki vairavai. ³ Anutuuqo tuduu upisivo vioo ngiooduu, mmekiaivo teeravai. ⁴ Anutuuqo mmeekiaiva too Sirigainnoo tunoo," Heenairaivo sainai vino patairaivo Sainai Vakiaivee tiravai." ⁵ Itaama kioo Anutuuqo upisivaara tunoo, "Heenairaivovee tioo patairaivaara tunoo," Ikiannavaivee tiravai." ⁶ Vauduu Anutuuqo tunoo, " Nnooriivo viee ngiee nuunama variane tuduu nnooriivo vioo ngioo nuunama vairavai." ⁷ Mmuakia nnoori mmata mmemmaivaki varuuya vida nuunaida mmuavaki variravai. ⁸ Anutuuqo tuduu heenairaivo vudu patairaivo nnuduu ivaara tunoo," Taara suaivovee tiravai." ⁹ Kiaa kioo Anutuuqo nnooriiva tunoo," Ngiee nuunainna ngiauvaa mmammaivaki varino mmataivoo vakiaivee tuduu, rikioo ivo tuneema vairavai." ¹⁰ Itaama vauduu rikioo Anutuuqo ivaara tunoo," Inna mmata sasakaivovee tioo," nnoorii vaara tunoo," Sorovuaravaivee kiakio iyauvaa tooduu inna yoketairavai." ¹¹ Ivo tunoo, "Mmuakia yananneeri annaanna mmaaguyaiyauvo mmata mmuakiaavaudiri uruee iira kaana vainna mmuakiaa mmataiva rummua apuanee kiaa kioo iyauva ivo tooduu inna yoketairavai. ¹² Mmataivoono mmuakiaa yananneeriiyauvaa nnammari mmuduu ii mmuakiaa mminnaa iyauvo uruoo kaayau iira suvuauduu iyauvaa tooduu inna yokeetairavai. ¹³ Ii suai ivo vioo heenamakioo patauduu ivaara tunoo," Inna taravooma suaivovee tiravai." ¹⁴ Anutuuqo tunoo, "Pikino meekiaivo taivee, mmeekiaivo too upisivaa sainai yapoo mmekiaivaa sainai yapaivee, itaama vainno kuraagaivoota suaivaatama nuanuvaatama vitainaravai. ¹⁵ Pikii mmeekiaivo too mmataivaa mmeekiaivaa mmiaivee." Ii mminna iyauvoo itaama vakiaivee. ¹⁶ Anutuuqo ngiauvau suaivaa yapakiooduu mmataivaa mmeekiaa mmiravai. Kuragoo ta akiaapuaiyaatama heenaivaa mmeekiaa mmiravai. ¹⁷ Anutuuqo ii mminna iyauvaa ngiauvau yapakiooyaano mmekiaivaa mmataivaa mmiravai. ¹⁸ Iyauva Anutuuqo tooduu inna yoketairavai. ¹⁹ Heenaivoo kuaikioo patairaivo nnikioo tarama tarama suaivovee tiravai. ²⁰ Anutuuqo tunoo, " piKii nnoorivaki variaa sisikapuaiya vari suvuaikiai ngiauvau ngiaa sukuaiya vari suvuakuate,tiravai. " ²¹ Anutuuqo tuduu,"nnoonna mminnaa pata mminna nnoori sorovuaraivaki varuuya ivaki vari suvuauduu mmuakia ngiaa sukuaiya ngiau vau vari suvuau kieeravai.Anutuuqo iyauvaa tooduu inna yoketairavai. ²² Ii mminna iyauva Anutuuqo raabaivaa mmikioo tunoo,pikii sorovuaraivaki vari suvuakiai ngiaa sukuaiya mmataivau vari suvuakuatee tiravai. ²³ Ii suai ivo vioo kiooduu patairaivo nnuduu ii suai ivaara tunoo, inna yaaku sai suaivovee tiravai. ²⁴ Anutuuqo tunoo, pikii mmataivo mmuakiaa vasingiaammaiya haitatuunai mmata harada vari suvuakuatee. Nneera vasingiaiyaatama hama nneera vasingiaammaiyaatama ngiari mmata hareeraivau giataama mmata harada variatee. ²⁵ Mmuakiaa vasingiaiya Anutuuqo tuuvau giataama varuduu inna yoketairavai. ²⁶ Anutuuqo tunoo,mo nnikia ta vaidi titi roosi voovai ii kiaaravee,Fai ivoono mmuakiaa vasingiaamma nnoorivaki variaiyaata ngiauvau nuairaiyaatama mmataivau variaiyaatama mmuakiaa mminna mmata aavau vai mminnai yauvaa haitatuunaravai. ²⁷ Itakua kiaa kioo Anutuuqo ariiyaadiri toovainno vaidiiva ari roosiiravai iinno gioonnaivaatama iima kieeravai. ²⁸ Anutuuqo iyara yoketaavee kiaa kioo tunoo, "Ngia taarama mmata avau varida mmata harakioo kaayau suvuakuaivee. Itaama varida mmuakiaa vasingiaa nnooriivaki varia ani, mmataivau variaani, ngiauvau variaiyaata haitatu kiatee tiravai." ²⁹ Kiaa kioo Anutuuqo tunoo," Taatee, na mmuakiaa yannanneeri iira vaiyauvaa nneeda uru yauvaa vara utiraiyauvaatama mmata avau yapauyauvo inna ngii yeennaiyau vovee, tiravai." ³⁰ Mmuakiaa vasingiaa mmata avau vayaiyaata, ngiauvau nuairai yaatama, yana yapaiyaatama varira varada variaiya yeennaiyauvo karaasa nneera yeennayauvai. ³¹ Itaama vauduu Anutuuqo tooduu mmuakia mminna mminnaiyauvaa iimakiooyauvo yoketaa tuanayauvai vairavai. Heenaivo vioo kiaikio patairaivo nnikioo ivaara tinoo, inna yakuu saivai sainaidirii mmua suaivovee tiravai.