¹ Seraanna nuanuyauvo kayau 127 nuanu variravai.Ii nuanu iyauvo inna Seraava varuu nuanuuyauvovee. ² Seraava putuu yoosinnaivo Kiriaata Abaa.Inna ivoo Heboroona, Inna ivo Kenaana mmatai vaki vai vai.Aaparahaamo ii mmata ivaki.Seraannara pinaamakio bootio yaata utuoo rateeravai. ³ Aaparahaamo dioo vainno ari nnaata putuuvaara Heeta mmaapudaa tunoo ⁴ ",Mo na arivoopinnaavono ngitasipama vayauno.Fai ngia aikiooma nitasipama yohootira kuavoovai ngingii mminnamminnai yauvaraata mmataivaaratama tikiai,fai na ninnabaiva hanuuhainaranne" ⁵ Tuduu rikiada Heeta mmaapudoo Aaparahaama sai tunoo" ⁶ Tirikiaane,mo a tiyokeerakuave. A Anutuuqaa avuuva varee titasipama vayannakuave.mo ai nnabaivaa varee vaa mmatannau yuvuru teerama kiaunna aavaki yapaane.Fai hama yopeema tivovoono i oqoo tinaravai.Itaama vainai ai nnabaivaa ivaki hanuuhakuane. ⁷ Tuduu rikioo Aaparahaamo diito tooruvuyau haroo gioonnakiaapu yatama Heeta mmaapuyatama kuaiva tioo tunoo" ⁸ Mo ngia yohootikiai na ni nnabaiva hakuaiveera,mo ⁹ ngia nitama Eporoono Sohaanna mmaapuuvaratama rikiaate.inna yaparaikio ari oonau yuvurukiovo Mukeperaa vauva niminai faina ari tiinema inna yookainaravai.Faina yookaino ivo ataama ni mmatannauuvai vainaravai. ¹⁰ Tuduu kuaivo mmata koonna Eporoonasi vuduu Eporoono Heeta mmaapuda vuutaivaki varivai.Eporoono Hititaavai.Ivo ii kua iyauva rikioo Aaparahaama tunoo,mmuakia gioonna kiaapuya aa sipuu keegia aadadiri yoosinna pina aavaki ngiaiya yaataivau na ataakua ¹¹ ikiauno.Hameetave,mo aa ni yokeerakuavee.ni rikiaane.na ii mmata ivaata ii sikau yuvuruu kiau ivaatama aa gioonna kiaapu aaya avuuvau aiyara i mmiauno.Ivaki ai nnabaivaa hakuanee. ¹² Tuduu rikioo Aaparahaamo maata kookiaiya avuuvau ari vara mmataki kioo iyara toorivu yau hareeravai. ¹³ Toorivu yauharoo mmuakia gioonnakiaapuya rikiada vaudu Eporoona tunoo ,Mo fai a yohootiee,boo ni rikiaane,mmata ni mmiannaivaara faina sikauva imminai varaanee.Varanai faina ni nnabaivaa ivaki hanuu hainaravai. ¹⁴ Tuduu Eporoono Aaparahaama sai tunoo, ¹⁵ Boo ni yokeerakuavee,mmata kiisaivo foo hadeetavaivee,ivo dataama vainnee?ivaki ai nnabaivaa hanuu hakuane. ¹⁶ Tuduu Aaparahaamo rikioo Eporoono ari tuneema oro sikauva Heeta mmaapuuya avuu vau mmiravai. ¹⁷ Ii Eporoona mmata Makaperaa vaivoo Mamaree vainima vaikioo sikau yuvuru kioovotama vairavai.muakiaa yananneeri iva ututu duuyano atauva hatokakieeravai.Ii ¹⁸ mmata iva inna Aaparahaamo gioonnakiaapu yoosinna pinaivaki varuuyaatama Heeta mmaapuya avuuvau yookama kieera mmatavai. ¹⁹ Ivaa nnaagiai Aaparahamo ari nnaata Seraanna nnabaiva Makaperaa oonau yuvurukioo vaki hanuuhairavai,ii mmata nnau ivoo Mamare vainima vairavai,inna ivoo Heboroona,Kenaana mmataivove.Haukioduu ²⁰ ii mmata ivaatama oonauvatama Aaparahaama ariyara Heeta nnaakaraiyano mmiravai.Mmiaivo inna ataama putuaani hairana mmatavai.