¹ Anutuuqo Aaparahaama iinno taane kia kioo iiravai. Anutuuqo tunoo, "Aaparahaamo,Aaaparahaamo tuduu Aaparahaamo inna sai tunoo,aa variauno tiravai." ² Tuduu Anutuuqo tunoo,"Aai mmaapu mmua tuanaa a innara mmuduuya ruannaiva Isaakonna vitee oro mmata Moria kiee niini ruputu hudaanee. A hudaannaiva fai ikiavoo taa taika kiaanaravai. Kia kioo tunoo,"vinai fai na taapi voovai i vitainai ivau hudaane tiravai." ³ Aaparahaamo heenanaanna diito puara tongi vau karoo hara kioo varioo ari ngiammuau taarama vitoo ari mmaapu Isaako nnaata vitaada kati Anutuuqaara puara hudaara viravai. ⁴ Taara vooma suai vau Aaparahaamo oo rooru toodu yoosinnaivo homo ngieera vairavai. ⁵ Aaparahaamo ari ngiammuau taara vaitana tunoo,"Aavaki ngia puara tongi vootama vari kiai fai neeta ni mmaapu vootama oro sudaqaa kia ngiisi tummuaravai." ⁶ Kiaa kioo Aaparahaamo kati puara hudaanara ikiai yauv aata mutukai vaatama mmuduu Isaako utuoo viravai. ⁷ Isaakova ari koonna Aaparahaama tunoo,"taane vaa ta ikiai yau vaata ikia too vari vaata varaada ngiau nnano, mo dee sipisipa vai eyoommaara huda kioo taa tamooa naravainnee?" ⁸ Aaparahaamo tunoo,"Ni mmaapuo fai Anutuuqo puara sipisipaiva timminai hudaarave, kia kiaada taara vaitana viravai." ⁹ Ivaitana oro kiadaa Anutuuqo Aaparahaama tuuvau giataama iiravai. Aaparahaamo yeena tapiiva iima kioo aakiai vaki ikiai yauva yapa kioo Isaakoonna ranaa rau kioo ikia verai vau yapeeravai. ¹⁰ Aaparahaamo paipaiva vara kioo ari mmaapuva ruputinara iiravai. ¹¹ Uudu Udaangaiva aangeraivo ngiauapu vakidiri aayanna roo tunoo,"Aaparahaamo,Aaparahaamo tiravai."Tuduu Aaparahaamo tunoo aa na variauno tiravai. ¹² Aangeraivo tunoo saa makeetinai ai mmaapuva itaama maisama iikianee, vaa na itaukai Anutuuqaara aatu kianna kuavee. Na itaukai hama ai mmaapu mmua tuana iva ee utirama kiee nimiannano tiravai. ¹³ Aaparahaamo hanigia toodu inna mmookai vaki puara sipisipa voovai dioo vairavai. Vauduu Aaparahaamo oro iva varoo numa Anutuuqaara hudoo voono ari mmaapuva mmaataiva vareeravai. ¹⁴ Aaparahaamo ii mmata iva nnutuva tunoo,"Udaanga Anutuuqo nimmiivai." Aanna make homoo ii nnutu voo Anutuuqa taapivaivee tiravai. ¹⁵ Udaangaiva aangeraivoo taara neetu Aaparahaamara ngiauaapu vakiddiri tioo tunoo, ¹⁶ "Neeno Udaangai voono kuaiva vaa yeena rauu kiee kiaunoo,fai aa itaama iinai hama aii mmaapu mmua tuana iva puaisa utinaravaivee. ¹⁷ Anutuuqo Aaparahaama tunoo,"Fai ni yokeetairai voo ii rummapinai fai ii sidinaidiiya suaidaa aakiapuaiya ngiiauvauu vakiaiva roosida yeemmirivo nnoori mmaangaivau vairaiva roosi kiaravaivee tiravai. Fai iya nnammutaiya nnira keegiai vaki diaaravai. ¹⁸ Aa nii kuaiva rikiannaivaara fai i nneeditunnaiya mmuakia mmatavau fai yokeetama variar vaivee tiravai. ¹⁹ Iita kuakia kioodu Aaparahaamo vara raano vioo ari ngiammuau yaata vitoo Besibaara viravai. ²⁰ Ii suai iyauva nnaagiai Aaparahaamo rikioodu iya tunoo,"Vaa Mirikaava ivayaanna nnaataivoo nnaakara vooyauvai mmatainoo tiravai." Mirikaava, Nahoora nnaatavai. ²¹ Iya nnutuu yau voo,Usaiiva inna ngaruuvo, Buusoova inna kataivovee, Kamueero inna Araamoonna koovavee, ²² Keseeto, Hasoova, Pirindaaso, Yindaraapo tama Betueeroo vavee. ²³ Betueeroova inna Revekaanna koova vee. Mirikaava Nahooraya diri yaakusaivai sainaidiri taara vooma nnaakarada (8) mmateeravai. Nahooro inna Aaparahaama vayaavave. ²⁴ Inna mmata voovai nnutuuvo Reuuma vee. Inna nnaakaraiya nnutuudo Tambaava, Gahaamo, Tahaaso, Makaa vavee.