¹ Aagiinivoo Seraannata kua yeena raukioo tunoo." Fai yoteerakie nnaakara suunnainaraavaivee. Udaangaivoono Seraannata kua yeena raiiravai. ² Ii suai ivaki Seraava nnaakaraiva yoterakioo sunnairavai." Aaparahaamo ngiabaikioo maisaainno variravai. ³ Seerava ari mmaapuuva mmata kiaikioo Aaparahaamo inna nnutuuva Isaako tiravai. ⁴ Yaaku saaivai karasaidiri taara vooma suai taika kioodu Aaparahaamo tuudu Isaaka nnabaiva hatokeeravai. ⁵ Yaaku sai vaidiida yukuyaaku taaika kioo (100) nuanuvai Aaparahaamo varikioo inna mmaapuvo Isaako kooya variravai. ⁶ Anutuuqo yoketa aataruuva nii iikiai na pinaama sirigaainna raai kiauno. Mmuakiaa vaidiiya ivaa rikiaada nii tasiipama siriga kiaano. ⁷ Nnaaru gioono Aaparahaama ikiaa immioo tinara fai Saraava innaakaraiva sunnaainaravai. Nnaaru vaa na nnaakara mmataataavai aanna makee vaa na yotera kiee nnaakaraiva sunnaa kiaunoo. ⁸ Isaako yokeenno nnaammaiva pikioo suaivaki, Aaparahaamo yeennaiva innara hudeeravai. ⁹ Saraava nnaakara Aaparahaama Hekaanna yaadiri mmatoo nnakaraivara buaaru tiravai. ¹⁰ Saraava Aaparahaama tunoo, Hekaannaata inna mmaapu Isamaairata varainnanee, inno Anutuuqo Isaaka mminne tii mminnaiyauva Isamaaira mminarainno. ¹¹ Itaama vaudu Aaparahaamo ari mmaapuvara pinaama inna ausai vaki bootiraivo vairavai. ¹² Anutuuqo tunoo,"Aaparahaamo saii ausaivo mmuararakiaivee, neeno innaata mmaapuya haitatunaravai. Mmuakia mminna Saraava tiiyauvo Anutuuqo tinoo fai kaanainaravai." Isaako mmata haraiyaano innutuuva iikioo pinaavai kuaivee. ¹³ Neeno immoorivareera gioonnai vaata immaapu vaata haitatuunaravai. Fai immaapu voono mmata haraaiya mmuaakarama mmataavau vari suvuakuaravai. ¹⁴ Vauuya pataudu henanaanna Aaparahaamo kamaaiyauva hudaa kioo puara memee nnabaivaki nnooriva tusa kioo kaanoo mmaapu, mmikioo titakioodu gaanga mmataivau viravai. Vidadaa oro yoosinna Baseeba ivaki variravai. ¹⁵ Nnoori meme nnabaivaki tusakioo nnoori yauvoo taikakioodu ari nnaakaraiva yatari kiisa voovai aamanaivaki kioodu variravai. ¹⁶ Hekaava Isamaira pikioo oro ngieera voovau harakio vario hama inna avuuvau mmaapuvo Isamairo putuaivee. Ivoo mmooka hanigiaa ari mmaapuva mmikioo rateeravai. ¹⁷ Aanutuuqo Isamaira rateraiva rikioo aangeeraiva titoduu tuma Hekanna tunoo, aanivonoo aausa mmuarareraiva imminninnee? Va Aanutuuqo immapuvaa rateraiva rikiainoo. ¹⁸ Heeka diite ai mmapuva vitanee, neenoo fai yoosinna voovai i mmapuvaa mminaravai. ¹⁹ Anutuuqo inna avuuva hatuaa kioodu ivoo doofa nnooriva too vita meme nnabaivakioo inna mmikioo nneeravai. ²⁰ Anutuuqo inna tasiipama varuudu yokeenno suru heera vaidivai annaanna yoosinnaivaki varivai. ²¹ Ivoo annaanna yoosinna Paraana ivaki varuudu kaano Iyipaadia gioonna voovai varoo numa ari mmaapuva mmuduu nnaata varakioo variravai. ²² Rapira vaidi kieetai vaitana Abimereekoya Pikooroya numa Aaparahaama kiaano, Anutuuqo itasipama varioo iiyara yoketainno mmuduya ruaino. ²³ Aanna makee Anutuuqa avuu vau hama fai unnakua ataruuva niita, nii nnaakarai yaatama, nii nneedi tunnai yaata tiyaraatama kua kuta kuavoovai titasipaama kua yeena rau kiaane. Fai a yokeetai aataruva aa mmata vayaanna aavau nnaatama niyaraatama iinaravai. ²⁴ Aaparahaamo tunoo, na eeq-oo kiaunoo. ²⁵ Abimereeka ngiammuauya, Aaparahaama nnoori doofaivaata varoodu inna aussaivoo pinaama mmuararairavai. ²⁶ Abimereeko inna sai tunoo,"Hama neeta taunoo gioono iivai. Hama avaa nnaaru nigiaa nimiannavai;ivaara pinaama na nnikiarakiauno." ²⁷ Aaparahaamo Abimereekata mmuaa ausaiva sipisipaiyauvaata, burimakau vooyau vaatama kioo kuayeena rairavai. ²⁸ Itaama vaudu Aaparahaamo sipisipai yauuva yaakusaivai karasaidiri taarama varoo voovaki numa yapeeravai. ²⁹ Abimereeko, Aaparahaama tunoo,"Dataama aa yaata utuee yaakusaivai karasaidiri taarama puara nnaata sipisipa idaa mmaraama yapaannannee?" ³⁰ Ivo inna tunoo,"Puara sipisipa yaakusaivai karasaidiri taarama iyauvoono ivitaainno tino neeno i doofa nnooriva hanuu kiauvai." ³¹ Ivoo iiyoosinna iva nutuuva Besibaave tiiva oyaivoo ataama vainoo: vaa na itaasipa mmua ausaiva iima kiauvai. ³² Muaa ausaiva iima kiaada Abimereekaya Ikooraya vara ranada yoosinna Piristai viravai. ³³ Vuduu Aaparahaamo yatari tamarisakaiva yoosinna Besibaa ivaki utiravai. Ii yoosinna ivaki Aaginivaara sundaqaa tupatupa tiravai. ³⁴ Aaparahaamo mmaanaidi oro ii yoosinna Pirisatia ivaki hokoomba suai variravai.