¹ Aaprahahaamo Negeeva mmataaivau vioo vioo Kadeesa yaatama Suuraya vayaa vuutaivaki oqo variravai. Ivo mmaanai giavoono Geraara variravai. ² Aaparahaamo ari nnaataiva Saraannara yaata utukioo tunoo," nii mmannaatave tiravai." Geraaraya kingaiva Abimereeko kuaiva imakioodu Saraanna vitaada viravai. ³ Heenaaivaki Anutuuqo ruvuaatakina Abimereeka tuno," vaa ee putuannakuaavee, ii gioonna evitaanna ivoo vaidi nnaatavai. ⁴ Abimereeko hama inna vainivauu nniramakioo tunoo,"Udaaga-o fai ee aikioo yooketa tuanama vai yoosinna voovai ruputinaravaainnee? ⁵ Hama ivo nigianiimmio tinoo inna nii mmannaatavaive tiraainnonne? Ivo ariinoo tinoo, aavo ni koorutavaivee.Na nii ausaiva tasipa iinnoo rikioo sa tomedaivo ni yaakuvau vakiavee." ⁶ Anutuuqo ruvuaatakina inna tunoo,"Yooho, na iteerikiauno,aii ausa yoketai raiva tasipama iikianna vai. Itaama vai vaara na fai ii utinai rikiee hama yopeema mminna mminna maisai yauva iinaravai. Na ikiauno sa inna nnabaii vau utuane. ⁷ Ivaara vaidiva nnaataiva vitee oo ari mmiane, ivoo forofetaa vai. Fai ivoo aiyara yaaku varaanai rikiee fai avarina ravai.E hama gioonaiva vitee viraamakie fai eetama i mminna mminna mmuakia yau voo tama putu taikaaravai. ⁸ Abimereeko heenanaannaivau diito ari mmoori vareerana ngiammuauya tuduu innasi ngiaavo rikioo mmuakia mminna yauvai vara iya vitaikiai rikiada pinaama kiada aatu kiavai. ⁹ Abimereeko Aaparahaama raa aayanna roo tunoo," Ee aani mminnaa vai ti iikiannannee? Na dee tomedavai i iikiau vaara mmuaara pinaivaa varee tiiya ngiannannee? Hama iine kianna mminnai yauva nii yaa iikiannanoo. ¹⁰ Abimereeko Aaparahaama tunoo,"Aani voono i iikiai rikiee ani itaa kianna nnee?" ¹¹ Aaparahaamo tunoo,"Kutaatuana hama Anutuuqa aatuu raivo aa yoosinna aavaki vai vaara fai ni nnaatai vaara kiaa kiada ni ruputuaa ravai. ¹² Ni koonnara yaata utuee ni mmannaatave innara kiauvai, ni kaanasinnai inna ivoo ari voovai. Ivaara ivoo ni nnaatavai varivai. ¹³ Suai Anutuuqo ni ikiai rikiee vommata vommata nuainnaa inna kiaunoo, aii vitaiiraiivono tinara ani nnaata tuana kuavee. Mmuakia yoosinna ta kuaunnai yauvaki kianee,"Ni koorutavai." ¹⁴ Ivaudiri Abimereeko puara sipisipai yau vaatama mmoori varee rana gioonna vaidii yaatama Aaparahaama mmiravai. ¹⁵ Abimereeko tunoo,"Taane ni mmataivo vainoo. Deevo yoketaii vau, ivau harakiee vayane." ¹⁶ Saraanna tunoo," Taane naa ii koorutaiva kaayau sikau yauva mmiauno. Iyau voono fai ni tomedaa iqii kiau yau varaata vooya avuu vau iikiau yauva raata rummua apinara vaivee." ¹⁷ Suai Aaparahaamo Anutuu aqaara yaaku varaikioo rikioo Abimereeka yoketai raiva mmioo inna nnaatai vaa tama, inna mmoori varee ranai yaa tama nnaakara mmataa vai. ¹⁸ Aaginivo gioonna mmuakiaya Abimereeka nnauvaki variaiya ausai yauva suvuai ravai. Aaparahaama nnaata Saraannara kiaa kioo iiravai.