¹ Aangeera taaravaitana yoosinna Sutuuma ivaki suai hannau voovaki tiiravai. Ii hannau suai ivaki Rooto yoosinna Sutuuma vaigiaammunna kieegiavaki harakio varioo tootuu ivaitana innasi tuuduu too ivoo diitoo iyara diravai iyara tunoo.Iyara tuoo ivaitana yuuku oyaivaki toorivu harakioo sudaaqa tiravai. ² Ivoo ivaitana tunoo yaamavee, ninnonnaso na ngii kiaunoo nnida ngii mmoori vareraiva nii nnauki kuatee. Nnida vikiai fai na ngii yukuyauva finikinai,ni tasipama vai kiada turau ngieengiee kuaare kiaipi kuatee.Tuuduu ivaitana sai tunoo hamavee, fai taa hama iinnauki kuaravee, fai aa yoosinna tooya aayauvaki vakiaaravai. ³ Itaakuaa tuduu rikioo Rooto yaagueeqama kioo iya tunoo, nnauki kuateera tiravai. Itaakua tuduu rikiada taarama Roota tasipama inna nnauki viravai. Vuduu Rooto yeenna bereeta hama yiisa haatauvaa huda kioo mmuduu nneeravai. ⁴ Yeennaivaa nnaa kiada vakiaaree tuduu Sutuuma vaidi mmuakiaya ii yosinna ivakidiri karaasa vaidii yataama yokovai yaata nida Roota nnauvaa ututuuma kieeravai. ⁵ Iya nnauvaa ututuuma kiada Roota tunoo, ii vaidi ii nnauvaki variaa ivaitana vita reemma ti mminai fai ta mmoori maisa iya ii kiaaravee. ⁶ Tuduu rikioo Rooto mmaanai vioo ari sipuvaa rairavai. ⁷ Ivoo ii vaidi iya tunoo, sa itaama iikiatee, kata vayaso na kati itaakua kiaunoo. Sa maisai aataruvaa aa vaidi aavaaitana iikiaatee, pikiaatee, ⁸ kiaakioo vaidi mmoori maisa uuya tunoo taatee, aa ni nnaunna taarama variaanoo hama vaidi voovoono ivaitana tasipaivai, kati naa ivaraa ngii kiauno. Fai na ii kiaatanna ivaitanna vitee tuma ngii mminai ngiingii iikiataivaa ivaitanayaa iima taikaatee. Mo aa vaidi aavaitaana sa voaataru voovai iya ii kiatee.Vaa iya nnau aakiaana variaanoo. ⁹ Iya Roota feenada kiaanoo, veerepi ngieera kuane,viee ii vaidi ngiari voopinna ngiaa iya vita ti mminai fai ta koonna kaannama i ii kiaaravai. Vaidiiya kuaivaa yaagueeqama tuduu Rooto tuoo sipuva rukaitinara ii ravai. ¹⁰ Uudu teeda taara vaidii vaitana Roota yaakuvau utida nnauvaki kieeravai. Kiooduu hama nnauva sipuuva rukaitiravai. Itaama kiadaa sipuuva puaisa rairavai. ¹¹ Sipuu rau kiadaa ii vaidii ivaitana, uudu Sutuuma vaidiiya avuuyauvo upisuudu keegiaivara roodu hama iiya toodu ii dada pirisaudu pikieeravai. ¹² Yapooma taara vaidii vaitana Roota yaparaida kiaanoo, moo ii seena vooya aavaki variannee? Ataama ii raunnaiya vaatiya ii mmapuuyata i seena katavayaiya aa yoosinna avaki variaiyata vitee mmaanai kuanee. ¹³ Fai ta aa yosinna ava tuayanna rummuaraubiri kiaaravaivee. Iya mminna mminna maisaiyauva Aaginiivo taikioo inna nnanna taikio tii titaikiai taa aa yoosinna aava ikia mmuturuaara tummuaunnavai. ¹⁴ Tuduu rikioo Rooto oro ari rauunnaiya vaati mmataama kioo yaatama tunoo, akiairaama aa yoosinna aavaa pikiada tiida ngieera kuatee. ¹⁵ Aaginiivo fai kiisa suai aa yoosinna aavaa rummua raubirino ikia mmuturinaravaivee. Itaa kua tuduu inna nniraapuuya inna kuaivara rairavai. ¹⁶ Roota hauna haunaudu Aagieeraivo inna yaakuvau utuo, nnaataiva utuo, rauunnaivaitana tunoo yoosinnaivaa tooyai kioo tunoo, seenada vida kiaatee. Anutuuqo innara yokeetaivaara itaama iiravai. ¹⁷ Itaama iya vitoo oro tooyai kieeravai. Aagieera voovono iya tunoo, ngiingii variraivara yaata utidaa akiairaama kuatee. Sa vara hanigia teerama kiaada seenada ngieera vida sa aa vaini aayauvaki vayatee. Aatuuda seenada taapiya kuatee. Iinno muaara ivo ngiita varaanarainno. ¹⁸ Itaakua tuduu rikioo Rooto iya tunoo, boo ni nnoonna vaidiso sa ni itaama iikiatee tiravai. ¹⁹ Na mmanna ngii mmoori vareeranavai, vaa ngia nii variraivaa veeya yuaivara na yammaave tiee ngia niiyara yaata utida niivariraiva hama pikieeraida tuuqii nnavai. Fai hama na taapivau kuanaravee, fai na ipira viee varino mmuaraivo ni varanai fai na putinaravai. ²⁰ Ukuaa yoosinna ivaki taane, fai ta ivaki vida yoketaama variaravai. Boo yoketaavee, ni titanai fai aatuunna ivaki vino fai ni variraivo yoketaama vainaravai. ²¹ Itaa kua tuduu, Aagaraivo inna tunoo, inna aikioovee naii eeqoo kiaunoo, ee kiannanema inna kuanee, a kianna yoosinnaiva fai na hama tuayanna rinaravai. ²² Makeeti ditee aatuunna ee kiannaipi kuanee. Hama fai na mmina voovai aa vayannaivaki iinaravai. Ivaara ii yoosinnaiiva nnutuuvo Soqaaruavavee. ²³ Suaivoo reera kioodu Rooto yoosinna Soqaara viravai. ²⁴ Iqii suai uudu Anutuuqo sikau saraapai vaatama ikiai vaata kiaikioo tioo yoosinna Sotooma Gomorai vaatama teeravai. ²⁵ Ivo ii yoosinnaa iva tuayaanna rumma raubirima kioo ikia mmuturiravai. Mmuakia mminnai yauvaatama gioonna kiaapuuyaatama, yananneeri annaanna mmaguya mmuakia mminnai yauva ikiaivo taa taaika kieera vai. ²⁶ Roota nnaataivo nnaagiaidiri ngioo hanigia rootu yoosinnaiva toovaara ivau sikauvai vairavai. ²⁷ Henanaanna tuana Aparahaamo ditoo oro mmata ari nnaaru Anutuuqa avuvau duuvau diravai. ²⁸ Ivo ivau duoovainno roommu Sotoomatama Gomora yoosinnaiva taanara toodu hameetaudu mmanna visuuvo mmukia mmatavai rummua apiravai. ²⁹ Anutuuqo ii yoosinna ivaitana ikia mmuturiravai. Anutuuqo Aparahaama tuduu nnuduu tuno,"Vaa na Roota titauko mmuara aakiai vakidiri diito kuaivaivee". ³⁰ Rooto yoosinna Soqaa pikoo taapivau oro arii raunnaivaitana tasipama variravai. Ivo yoosinna Soqaa iyara aatunno oro taapi voovau oonau vaki arii raaunnai yaatama variravai. ³¹ Varidada Vosuai voovau ari raunna kuambuavaano ari nnunnaiva tunoo,"Tii napoova vaa ngiabai kiainoo hama vaidi voovai ta vaati varaada nnaakara mmataarai vootaino". ³² Nnayaava ari nnunnaiva tunoo, itaama vainai waina suuyaiva titi napoonna mmikioo nnoo kumimakainai ta inna tasipama vakiaravee. ³³ Ta itaama ikioo ti napoonna oyaivo itaavai vaainaravai. Itaakua kiaakiada kuambuava nanaa wainaiva ari koonna mmuduu nnoo kumimakaaudu inna tasipama vairavai. Koova hama toorikioodu inna tasiipama vainnoo diteeravai. ³⁴ Vuu suaivaki nnayaava ari nnunnaiva tunoo,"Vaana napoonna tasipama vakiauvaivee". ³⁵ Aanna make heena aavaki ee inna tasipama vakianee tuduu itaama iiravai. ³⁶ Taara kiatanna vaitana mmuavau giata nnaakara sunnairavai. ³⁷ Kuambuaava nanaa mmaapuvai mmata kioo inna nnutuuva Moaapo tiravai. Inna ivoo Moaapaiya nnaakuva variravai. ³⁸ Kava nnunnaivoota mmaapuvai mmata kioo inna nnutuuva Benaa Ami vave tiravai. Inna Amoonaiya aanna make varianoo.