¹ Ii suai ivaki kieeta vaidi Amarapeero Sinaaya kieeta vaidivai varuduu Eraasaiya kieetaivo Ariooko varuduu Eraamaiya kieeta vaidivo Sadoromava variravai. Varuduu Tidaaro Koimaiya kieetavai variravai. ² Ii kieeta vaidi iya nuunaida ii kieeta iyaatama rapiravai: Sotoomaiya kieetaivo Beraava, Gomoraiya kieetaivo Besaava, Atamaiya kieetaivo Sineepo, Yebuaimaiyaatama Beraa yoosinna ivaa (nnutu vovai Yoqaara) kieetaivo Semepaava. ³ Yapooma yaaku sai vaidi kieetaiya yoosinna hoonuruuva nnutuuvo Sitiima ivaki nuunairavai. ⁴ Yaakuvaitana yuku kidiri Taara nuanu aakiaivaki yoosinna Kataromaiya mmanna mmanna variravai, yakuuvaitana yuku kidiri taaravooma nuanu aakiaivaki iya kua hatokeeravai. ⁵ Yukukidiri taarama taarama nuanu aakiaivaki yoosinna Kadaroomaiya vaidi kieeta vooyaatama nnida nuunaida i yoosinna iyaatama rapiravai; Vo yoosinnavai Ripaima Asaroota Kanaima, voovai Yusiima Haama, Emiima Saveena Kiriataina yaatama ⁶ Horaitaaya ii taapi yoosinna Saira Era Paraana gaanga mmataiva vainima vairavai. ⁷ Iya kava vararanada yoosinna Eena Misapaa nniravai,vo nnutu voovai( Kateesa ),Ii ngiari mmata iyauva rapida varataikeeravai. Ii mmata iyauvo Amarekiyaatama Amoritiyaatama Hasasona, Tamaa mmata ivau varuuya yaatara kieeravai. ⁸ Yoosina Sodoomaiya kieeta vaidiivoota, yoosinna Gomoraiya kieeta vaidiivoota, Adaamaiya kieeta vaidii vootama Sebuaimaa vaidi kieetaivoota, Beraa yoosinna ivaki nuunairavai. Beraa yoosinnaiva nnutuu voovai ( Soa ). "Ii kieeta iya nnida nuunaida Sitiaama yoosinnai vaki rapuara viravai. ⁹ Vida vaidi kieeta vooyaatama, rapiravai. Aanna iya nnutuu yauvovee; Eraamaiya kieeta vaidiiva nnutuuvo Katarova, Guamaiya kieeta vaidiivaa nnutuuvo Amarafeero. Eraiya kieeta vaidiiva nnutuuvo, Ariookove, ii taarama taarama vaidi kieeta iyaano, yaku sai kieeta vaidiiyaatama rapiravai. ¹⁰ Haru hoonuru Sitiima ivaki kaayau upisinoogu soopaiyauvo ivaki vauduu Sotooma Gomoraiya kieetaivaitana aatuuda taikiada iyauvaki viravai.Deeya varuuya aatuuda taapikira viravai. ¹¹ Itaama vuduu nnammutuaiya iya mminnamminna yoketauyauva varada viravai. ¹² Iya vida Aaparahaama kataiva Roota mmaapuvo Sotooma varuu vaatama inna mminnamminna yoketaiyauvaa tama varada viravai. ¹³ Vaidi vovoono rapiraivara atuunno, numa Rootara Abarahaama Eporai vaidiiva kiaa mmiravai. Ivo yatari Ooka oyaivaki Mamaree variravai. Ii vaidi ivo Amoritiivai. Ekooraiyaatama Aneeraiyaatama inna iya Aaparahaama seena tuanaiyavee. ¹⁴ Aaprahaamo rikiooduu vaa nnammutuaiya inna seenaiya vitada vuduu rikioo ivo ari nnauvaki varuu rapira vaidiiya 318 vitoo iya vataroo vioovioo Daana mmataiva vioo yaatara kioo ngieera viravai. ¹⁵ Ivo ari ngiammuauya heenaivaki duuyamakioo heena akiavaki Damaskusa yoosinna iva geedainni vau yoosinna Hobaara iva ngieerama rapiravai./v 16Ivakidiri ivo rapiraiva yataarada, Roota taa mmuakia mminamminnai yau vaata varoo gioonna kiaapuuyaata vitoo vararanoo viravai. ¹⁷ Suai Abarahaamo Kadaromaiya yaataro voo kieta inna tasipamaa uquu yaatama yaataroodu, Sodomaiya kietaivoo ataaruvau vio vioovioo Savee hoonuru yoosinna mmataivau inna teeravai (ivaura kieetaiva hoonuruve tiravai). ¹⁸ Melkisedeeko Sarimaiyaa vaidi kietavo vuainaiva varo mmaanai tiiravai. Ivo ngiauuaapu varii Anutuuqa vunni diraivovee. ¹⁹ Iivoo arii yooketairaiva kioo tunoo, "Ngiauuaapu vari Anutuuqa yokeetairaivo Aaparahaamara vakiaave, ngiau mmataava qoyai nakaaraivovee. /v20Ngiauaapu varira Anutuuqo, yooketairaivo itasipama vakiaive. Ivo nnammutuaaya vitoo i yaakuvaki yapakieeravai." Iitamaa vaiko, Aaparahaamo ari yoketairaiva mmuakiaa mminna yauvaara mmiravai. ²¹ Sotoomaiya kieeta vaidiivo, Aaparahaama tunoo,"Gioonna kiaapuya nimmiee mminnamminna i yauvaa aiyara varanne." ²² Tuduu Aaparahaamo Sotoomaaya kiteeta vaidiva tunoo,"Na ni yaakuva ngiau aapu Aaginiiva avuuvau utuauno,ngiauaapu varira Anutuuqovee, ngiauu mmataava oyai nakaaraivovee, ²³ hama yopeema tuana fai na i mminna voovai varaanaravee,iina a tinara neeno iikiauvaara Aaparahaamo kaayau mminna ruaa vaidivai varino.' ²⁴ Iitama vainai fai hama na mminna voovai varaanaravai. Fai na karaasa vaidiiya yeenna nneeda kiaiyauva varaanaravai. Aneeroova, Eskooroova, Mamareeva iyaa pikii ngiariyara sai yeenna yauvai varaate tiravai.