¹ Aparahaamo Iyiipa pikioo yoosinna Nekevee viravai, ivo ari nnaataivaatama ari mminna mmukiayauvaatama varo viravai. Vuduu Rootovaatama inna tasipama viravai. ² Vuduu Aparahaamo kaayau sipisiipa burimakau, yauvaata Sirivua goorai yauvaatama varoo viravai. ³ Ivo Nekee pikioo Beteerara vioovioo nnaaru ari varuuvaki Beteera yoosinnaivo sainai vauduu yoosinna Aivo sainai vau tammaivaki variravai. ⁴ Ivo vaa nnaaru ivaki yeenna tapivaa iimakioo vakira viravai. Ivaki ivo Aagiiniva nnutu pinaivaa mmiravai. ⁵ Rootoota Aparahaama vataroo vuuvo ivo kaayau ari memee sipisiipai yauvatama nnau heekeera buruqai vaatama varoo viravai. ⁶ Ii suai ivaki taaravaitana kaayau hoona mmuakia mminnai yauva varada oro ii mmata ivaki variaara toodu hama aikioma mmata vayaaraivo vairavai. ⁷ Itama vaudu Aparahaamaya Rootataya mmoori vareeraiya ngiariitama surubuaaru tiravai. Ii suai ivaki Kenaanaiyaata Perisaiyaatama ivaki variravai. ⁸ Itaama vaudu Aparahaamo Roota tunoo, "Ta taaravaitana mmua kiauvai tanavee, fai ta hama titiita titiita buaaru kiaaravee. I mmoori vareeraiyaata ni mmoori vareerai yaatama fai ta hama itaama kiaaravaivee tiravai. ⁹ Taanee hama mmata pinaa vovootainnee? Ditee kuanee, oro ni ngieerama mmaraa voovau varianee, tiravai. Aa geedainni vinai fai na yaadudainni kuanavai. Vo vara a yaadudainni vinai fai na geedainni kuanaranne tiravai." ¹⁰ Tuduu Rooto dioo vainno mmuakiaa mmatavai haitatuuma too tunoo, fai na yoketa mmata Yorotaanadiri vioo vioo Sohaara kuaivo hanigio Anutuuqa mmata roosiivai vainno Iyiipaiya mmata roosiivai vai ivaa na varaanaravai. Yapooma nnaagiai Anutuuqo Sodooma Gomoraiva ikia mmuturu raubirima kieeravai. ¹¹ Ivauudiri Rooto suai rariroopinnai Yorotaana nnoori siriivau vau mmataiva vareeravai.Itaama uudu mmuakiaya vida nnidairavai. ¹² Aparaahamo homo Kenaana varuduu Rooto yoosinna pinaivaa aakiaivaki variravai. Ivo ari nnauvaa Sutuuma yosinnaivaa ngieerama heekakioo variravai. ¹³ Ii suai ivaki Gioonna Kiaapu Sutuumaiya mminnamminna maisaiva Udaangaiva avuuvau iiravai. ¹⁴ Rooto Aaparahaama pikioo viokioduu Anutuuqo Aaparahaama tunoo, aa yoosinna dianna aavaudiri diee vainna suai raariraipinnai tee, suai haatapainni tee, tooya sai tooya sainai taanee. Ii e taanna mmata mmuakiaa ivo inna i mmatai vovee .Fai ii mmata ivaa na eeyaara i sidinnaidiiya mminaravaivee,tiravai. ¹⁶ Fai neeno iinai i sidinnaidiiya suvuaida mmata kufukufaiva roosiima variaaravai.Fai hama yopeema yaa ruaaravai. Aanna variaiyaatama yapooma variaarai yaatama fai itaavai nnaasu variaaravai. ¹⁷ Diitaane, ngieera mmataivau nnata pina mmatai vau nnatama yuku ree kuanee. Fai na i mmata mmuakiaa iyauvaa imminaravai. ¹⁸ Itaakua tuduu Aaparahamo diitoo ari nnauvaata rada varoo mmata Heboroona ivaki vau mmata mamaree oro variravai. Heboroona vainima vau mmatai vaki yeena tapiivaa iima kioo Udangaivara puara huderavai.