¹ Udaangaivoono Aabaraama tunoo, ai mmataivatama ai seenaiyaatama ai kaano kooya pikiee, vinai fai mmataivaa na ivitainai ivau varianee . ² Fai na iinai i sidinnaidiiya kaayauma mmuakiaa mmatai yauvunu vida mmata harakioo i nnutuuvo pinaavai vaino ni yoketairaivo i rummua apinaravai. ³ Deeya iiyara yoketa kiaiyara fai na yoketainna, deeya hama aiyara tuqiinnaiya fai na iyara nnanna taanaravai. Fai aikinaadiri mmuakiaa mmatavau variaiya ni yoketairaiva mminaravaivee tiravai. ⁴ Itaa kua kiaa kiooduu Aparahaamo Udaangaiva kuaiva vateeravai. ⁵ vatoo Vuduu, Rooto inna vataroo viravai. Aparahaama nuanuuvo 75 varioo ari yoosinna Haraana pikioo viravai. Aparahaamo ari nnaataiva Sarannaata vitoo, ari hoonaiyauva varoo, mmuakiaa gioonnna kiaapu Haraana varuuyaata vitoo Kenaana mmata karaasaivakira viravai. ⁶ Aparaamo vioo yoosinna Sekeema yaataroo ngieera yoosinna Moria ivaki yatari Ookaivaa oyaivaki variravai. Ii suai ivaki vaa Kennanaiya ngiari ii mmata ivaki variravai. ⁷ Varuduu Udaangaivo Aaparahaama avuuvau dioovainno tunoo," Aa mmata aava fai na eeyaara i sidinnaidiiya mminaravaivee. Tuduu Aaparahaamo nnikiarainno Udaangaivoo duu mmataivau kati Anutuuqara puara hudeera yeena tapiiva hanuu hareeravai. ⁸ Ivaudiri ditoo mmanna mmanna taapivau vau yoosinnaivaitana Beteera suai viranni vauduu yoosinna Aivo suai nniranni vaupira viravai. Ivau Aaginiivara kati puara hudeera yeena tapiiva hanu harakioo Aaginiiva nnutuuva tiravai. ⁹ Kiaa kioo Aparahaamo mmannammanna vioovioo yoosinna Nekeeve viravai. ¹⁰ Ii suai ivaki pina yeennarairaivo mmuakiaa mmata vau vauduu, Aparahaamo Iyiipara viravai . ¹¹ Aparahaamo Iyiipa yoosinna aakiaivaki kuanara ari nnaataiva Saraanna tunoo ,"Aavakinnaiya fai iteeda kiaara yama gioonnavaivee kiaaravai. ¹² Fai Iyiipaiya i teekiai aa yama gioonnakua iinai kiaara inna nnaataivovee kiaa kiada fai ni ruputuaaravai. ¹³ Itaama vainai nuanai i yaparai kiai kianee, na inna mmannaata vaivee, tinai fai hama ni ruputuaaravai. ¹⁴ Aparahaamo Iyiipa kuaikiai Saraanna taavo yoketa gioonnavai iikiai, ¹⁵ Feroonna mmoori vareera kieetaiya Saraanna teeda innara sirigaida vitada Faraunna nnauki viravai. ¹⁶ Innara kiaa Farauva kaayau sipisiipaiyau vaatama meme togiyauvaatama Aparahaama mmioo mmoori vareera gioonna kiaapu vooyaatama mmiravai. ¹⁷ Aaparahaama nnaata Saraannara kiaa Udaanga Anutuuqo pina mmuaaraiva uuduu Faraunnaya vairavai. ¹⁸ Farauva kuaiva uuduu Aparahaamaasi vuduu tunoo"A datai aataruvai ni iikiannannee? ¹⁹ Aaniira a ni kiannano ni mmannaatavaivee kiannaani na nnaata vitauvainnee? Itaama vainai inna ai nnaataiva vitee kuanee. ²⁰ Itaama vaudu Farauva ari mmoori vareera vaidiiya tuduu Aparahaama titoodu ari nnuuda, ari nnaataivaata, ari mmoori vareerai yaatama vitoo viravai.