¹ Itaama vauduu mmuakiaa mmatavau mmuaa kuavai vauduu mmuakiaa gioonna kiaapuuya ii mmuaa kua ivaa tiravai. ² Iya suai raariroo pinnai viravai, iya vidada yoosinna Sinaa iva hoonuruuvau oro variravai. ³ Iya ngiariita ngiariita kua tida tunoo, nnikiai ta sikauyauvatama mmataivaatama nuu nama teera taarama kiada manuuvaa nnutuuvo "ta" ivaadiri vara nuunama raataru kiaaravee. ⁴ Itaa kua kiaa kiaada kiaano, nnikiai ta titiyara nnutu pinaa varaaraivaara nnau hookoba voovai heekakioo vioovioo namaivau vakiaivee tiravai.Fai ta hama itaaama iiraida, sereguatiida mmuakiaa mmata aavau vida nnida variaaravai. ⁵ Itaama heeka kiooduu Aaginiivoo tuma Ataama sidinnaidiiya heekoo nnau hokobaivaa teeravai. ⁶ Aaginiivo tunoo, taatee, aa gioonna kiaapu aaya mmuaa oyaiya varida mmua kuavai tida varida aa mmoori aavaa ii kiaanoo. Hama hokoba suai fai iya mminna voovai ii kiaaree kiaivaa fai ngiari ii kiaaravai. ⁷ Itaama ii kiaivaara nnikiai ta oto iya kuaivaa rummua raubiri kiaaravee tiravai. Ta itaama ii kiai fai iya hama yopeema ngiari teeda rikiaaravaivee tiravai. ⁸ Itaama uuduu Aaginiivo iya rummua raubiriima kiooduu mmuakia mmatavau vida sereguatiida hama kava ngiari nnauvaa heekeeravai. ⁹ Ivaara, ii yoosinna ivaa nnutuuvaa Babeeravee tiravai.Ivaa oyaivo ataama vainoo, Aaginiivoono mmuakiaa mmata aavau varuuya kuaivaa rummua raubiriinno iya sereguatiikiai mmuakiaa mmatavau vida nnida variravai. ¹⁰ Inna iya Seema sidinnaidiiyavee. Nnooriivoo mmuakiaa mmatavai rapodaama kiooduu iva vunnigiata, ¹¹ Seemo taara nuanu varuduu inna nuanuuvo kaayau [100] nuanu varioo ari mmaapuuva Apakasaata mmateeravai. Iva mmata kioo kaayau nuanu (500)varioo sai raunna mmaapuuyaatama mmateeravai. ¹² Apakasaato 35 nuanu taika kiooduu Siraana mmateeravai. ¹³ Apakasaato Siraana mmata kioo 403 nuanu variravai. Siraana mmata kioo nnaagiai ari raunna mmaapu saiyaatama mmateeravai. ¹⁴ Siraano 30 nuanu taika kiooduu Ebaara mmateeravai. ¹⁵ Siraava Ebaana mmata kioo 403 nuanu taikakioo varioo nnaagiai ari raunna mmaapu sai yaatama mmateeravai. ¹⁶ Suai Ebaano 34 nuanu taika kiooduu Pereeka mmateeravai. ¹⁷ Ebaava 430 nuanu taika kiooduu Pereeka nnaagiai ari raunna mmaapu saiyaa mmateeravai. ¹⁸ Pereeko 30 nuanu taika kiooduu Reyuunna mmateeravai. ¹⁹ Pereeko 209 nuanu taika kiooduu Reyuunna nnaagiai ari raunna mmaapu saiya mmateeravai. ²⁰ Reyuuva 32 nuanu taika kiooduu Seruuka mmateeravai. ²¹ Reyuuva 207 nuanu taika kiooduu Seruuka nnaagiai ari raunna mmaapu saiyaa mmateeravai. ²² Seruuko 30 nuanu taika kioo Nahoonna mmateeravai. ²³ Seruuko 200 nuanu taikakioo Nahoonna koova varioo nnagiai ari rauunna mmaapu saiyauvaa mmateeravai. ²⁴ Nahoova 29 nuanu taika kioo Teraanna mmateeravai. ²⁵ Nahoova 119 nuanu taika kioo Teraanna koova varioo nnagiai rauunna mmaapu sai yauva mmateeravai. ²⁶ Teraava 70 nuanu taika kioo Aparahaamata, Nahoonnata, Haraanatama mmateeravai. ²⁷ Inna iya Teraanna needi tunnaiyavee. Teraavano Aparahaamo, Nahuuva, Haraanainna mmateeravai. Mmata kiooduu Haraanoono Roota mmateeravai. ²⁸ Haraano mmata Uura ivaki yoosinna Karatia ivaki homo inna koova Terava varuduu Haraano ari mmatoo mmataivaki putiravai. ²⁹ Aparahaamaya Nahooya nnaata vareeravai. Aparahaama nnaataiva nnutuuvo Saraivavee, Nahooma nnaataiva nnutuvo Mirikaava, Haraana rauunnavai. Haraano inna Mirikaaya Isikaaya koovavee. ³⁰ Aparahaamo Sarainna nnata varakioo hama nnaakara mmateeravai. ³¹ Teraava ari mmaapuuva Aparahaamata,vitoo Roototama inna mmaapuuya mmaapuyaatama Haraano,Saraivaatama ari mmaapuuva Aparahaama nnaataivaatama mmuakiaaya yoosinna Uura Karatia pikiada Kenaanara viravai. Vidada oro yoosinna Haraana ivaki variravai. ³² Teraava yoosinna Haraana ivaki 205 nuanu varioo putiravai.