¹ Ii mminna i yauva nnagia Udaanga Anutuuqo ruvuaatakina Aparahaama tunoo, "Aaparahaamo! sa aatu kianee, na itasipaama variauno, fai a pina yooka yoketaiva varaanaravai. ² Aaparahaamo inna kua sai tuno, "Udaanga Anutuuqo, fai aani mminna vai nimminarannee, na udiya suai hama ni nnaakaraataikiai kaati variaunoo, Damasakuusa vaidi Eriesaavanoo fai ni nnauva haitatuu naravainnee?" Aaparahaamo tunoo, "Taane, hama nnaakara voovai ni miannnano fai ni mmoori vareeraivoono ni nnauva varaanaravai." ⁴ Anutuuqo Aaparahaama tunoo, "Ii vaidiivo hama fai i mmaapuvai varinaravaivee; fai eeno mmataanna mmaapu ivoono fai i nnaakara tuana vai varinaravai." ⁵ Ivo inna vitoo mmaanai kiio inna tunoo;" Ngiau aapuuvaki reeritee aakiapuai yauva yaaruane." Kiakioo ivaudi inna tunoo, "Fai i nnaakara sidiinnaidiiya aakiapua iyauva roosikiaravai." ⁶ Ivo Anutuuqaara kutaavaive tivara ivo innara tunoo safuuma variranakuavee tiravai. ⁷ Ivo inna tunoo, " Na Udanga Anutuuqovee, neeno yoosinna Ura ivaki Katereena diaa vaidiiya sidiri i vitakiee aa mmata aava i mmiauvai." ⁸ Ivo inna tunoo, " Udanga Anutuuqo fai dee aataruvai vainoo a mmata avoo niinivai vai narannee?" ⁹ Ivo inna tunoo, " Burimakau nnaakara taaravooma nuanu varii vaatama meme nnaayee taaravooma nuanu varii vaatama sipisiipa taravooma nuanu varii vaatama ngiaamma mirunna voovaata puara voovaatama varee ngianee tiravai. ¹⁰ Abarahamo iyauva vaaro numa kioo tammai yauvuaudiri hatokakioo sainai sainai yapakioo ngiammaida haama duuyairavai. /v11Suai ngiamma maisaiya iyauvaara tummuaavo rikioo Aaparahaamo iya varainneeravai. ¹² Suaivo haatapakiodua Aaparahaamo mmataivau puaisaka vuruvauduu ari vookarau heeneru pinaivo inna rummua apukioo vairavai. ¹³ Vauduu Aaginiivo Aaparahaama tunoo, "Aaparahaamo,Aanna makee teerikiaane,fai ii sidinnaidiiya voopinnaidiri nniraiya roosiima vooya mmataivau iya mmammaaki varidaa 400 handereeta nuanu variaravai. ¹⁴ Abarahaama seenaiyaiva vaaya yoosinnaiva variraiva tee iya tasiipama mmoori iinai nnaagia fai kaayau mminnaiyauvo iyasi suvuainaravai. ¹⁵ Ausa nufa tasipama ai koonnasi viee fai udiya suai mmata avau vayee putinai i hakuaravai. ¹⁶ Amoraitaaya rapiraivo hama taikaikiai ivaara gioonnakiapu taarama taarama ( 4 ) atauvaki variaiya kava vararanadaa ngiaravai. ¹⁷ Suaivo haatapaikioo heenaivo nnikioo, Aparahaamo toodu ikiaiva kioosuvo nnuduu hauruuvo teeravai. ¹⁸ Ii suai ivakai Anutuuqo Aparahaama tasipama kuaiva yeena rauu kioo tunoo, "Isipaiya nnoori kiisaivo pina nnoori vauura kuaivaatama yoosinna Yuferetiisaiva inna nnaakara mmata harannaiya mmiravai. ¹⁹ Kenaa vaatama, Kenevaatama, Kenisaavatama, Kadaamonavatama, ²⁰ Peresaavatama, Peresavaatama, Refavaata, ²¹ Amoono vaatama, Kenaano vaatama, Girgasaiita yaatama, Yebuusaita.