¹ Mmuakia ii mminna iyauvo itaama vauduu Musiiya Aroonooya kieeta vaidi Faraunna taara viravai. Oro teeda tunoo, Isarairaya Udaanga Anutuuqo ata kua tinoo, Aa suai aavau piki ni gioonna kiaapuuya mmmanna gaanga mmatai vau oro niiyara Sudaaqa kiatee. ² Tuduu Farauva iya yaparainno tunoo, gioono inna Udaanga Anutuuqonnee? Mo fai na aaniivaara inna kuaiva rikee Isarairaya pikinai kuaarannee? Hama neeta ii Udaanga Anutuuqa tee rikiauvai. Inna ngiingii Anutuuqo vee. Aanna fai hama na Isarairaya pikinai kuaaravai. Itaa kua tuduu iya inna sai tunoo, ³ Epori gioonna kiaapuuya Anutuuqo titaivaivee. Ta fai vida taaravooma innara mmanna ganga mmataivau kati puaara hudeeta aataruuvaa ii kioo fai hama ivo tii rummuaa raubiriino, rai vookara arai vookarai nniitareerai yau vaatama rapirai yau voo tama vaivaikarai yau vakiaatama tii yapanaravee. ⁴ Tuduu rikoo Iyiipaya kieeta vaidiiv ataa kua iya tunoo, Aaniivaara Musiiya Aroonooya iya mmoori aavakidiri varainnaannee? Kava vara ranada ngii ngii mmoorii yauvaki kuatee. ⁵ Itaa kua kioo tunoo, Aanna kaayau gioonna kiaapuuya tii mmata aavau mmoorii yau vaa ii kiaani a iyaa mmoori yau vakidiri iya varainnaanara kiaannanoo tiravai. ⁶ Iiqii suai ivaudiri Farauva kuaa yaagueeqama mmoorira haitatuura kieetaiya tunoo, Aavaudiri sa nnaaru ii kiaaneema i kiaatee. ⁷ Sa ngieenoo aasaannai mminnai yau vaa varada tasipama kiada nnau heekeera mminna iyauva ii kiatee. ⁸ Mmoorira diraivaa tinoo, yaagueeqama kiee tinai tauura ngiari uuneema ii vau giataama ii kiatee. Sa tee pikinai patayauvai hanigiaatee. Mo aaniira ngia hama tuiqinna ii rama kisama ii kiaavai. Itaama iima teteeda iya aayanna reeda kiaano, ti pikinai ta oro ti Anutuuqara kati puara hudaaravee kiaavai. ⁹ Itaa kua kiaivaara voovaatama iya ngiari mmoori varaa aatau yau vaa hayiko voovaata kuaivee. Vinai iyau vaa iida varida sa kava voovaara unna kua iyauva rikiaatee. ¹⁰ Mmuaakia mmoorira dira kieetai yaa ta mmoori yauuva taura kieema varuu yaa tama vida ii kuaa ivaa mmuaakia gioonna kiaapuuya kiaa mmiravai. Itaama iyaa kiaa mmida tunoo, inna aanna Farauva itaa kua tii vaivee. Fai hama kava ivo garasanna aasannai yau vaa ngii mminai ngiaa nnau heekeera mminnai yau vaa huda hanigiaaravai. ¹¹ Ngiengieenoo purida garaasanna aasannai yau vaa teekio ngii taanaravai. Ngia mmoori ii kiaaraivo fai pinama mmuaaraivoo hayoo verepi vioo fai hama mmeepi kuaanaravaivee. ¹² Itaa kua tuduu mmuakia gioonna kiaapuuya Iyiipa mmata mmuakiaavau nuaida varida garaasannau yau vaa rupiravai. ¹³ Mmoorira haitatuura vaidi kieetaiya yaagueeqama kiaada iya tunoo, mmuaavai mmuaavaingiingii ngii mmiaa atauvaugiatama iima taikaatee. Garaasanna aasanna ngii miaa ivaudiri teeda vaida hanigiaatee. ¹⁴ Faraunna mmoorira haitatuura kieetaiya Isarairayara haitatuuda iya tauraa kieema vuuya koonnama ruputiravai. Taura varuu kieetai yaano ngiari mmemmaana varuuya itaama ruputida tunoo, aaniira nau hama ngia hama nnau heekeerai yau vaa iima taikeera aannaatama mmuaikaraama iida hama ngia nnaaru uuneema aanna ii kiaannee? ¹⁵ Tuduu rikiada Isarairaayara haita tuukiaa kieetaiya numa Farunna avuuvau inna rata mmatada tunoo, Aaniivaara i mmoori vareera ngiaammau daaya maisama itaama ii kiannannee? ¹⁶ Hama iya aasannai mmummu sausai yauuvaa ta immoorivareera ngiaammauya ti mmiavai. Ita ti vuaiva tida kiaano, makeemaakee nnau heekeera mminnai yau vaa hanigia raataruu yapaateera kiaanoo. Itaa kua tidaa i kieeta vaidi iya ii kia toomedai vaara ti ruputuaavai. ¹⁷ Itaa kua tuduu rikoo Farauva iya ata kua tinoo, ngia kumina varira hama mmoori vareeraso: Ngia kumina varira tunaayavee. Mo ngia kiaana fai ta oro ti Udaanga Anutuuaara kati puara hudaaravai. ¹⁸ Aanna makee kava vara ranada mmooriki kuatee, fai hama kava garaasaanna aasannai yau vaa ngii mmiaaravai. Mmuaavai mmuaavai vaa atau ngii mmia ivauu giaatama simeenai yau vaa hani giaatee. ¹⁹ Mmuakiaa Isarairaaya kieeta mmataama kiooya iva tooduu ii aataru ivo iya varoo pina mmuaaraivaki vuuvo ataama vairavai. Sa simeena atau ngii miaa iyauvaa varadu vararuu kiatee. ²⁰ Suai iya Faraunna pikiada oto taani Musiiya Aroonooya kieetaiva nnau mmaanai vau iyara fannairavai. ²¹ Faannauduu iya Musiiya Aroonooya tunoo, kii Aaginii Anutuuqo ngii taarama irisai mmuaaravaa ngii taarama ngii miaivee. Mo aaniivaara ngia taarama ii kiaanita Faraunna nnammutuaaya Faraunna avuuvau nnaata inna mmoori vareeraiyavee, Inna ataama a paipa avaikaraivaa iya yaakuu yauvaki kiaani fai ti ruputuaaravai. ²² Itaa kua tuduu Musiiva kava vararaanoo Aaginii Anutuuqaasi vioo tunoo, "Udaangaqo, dataikiai a mmuaaraivaa aaya mmiannanne? ²³ Mo aaniira tuanaavaara a ni titaannani na tauura ngiau vainnee? Suai na ngiee Farau nnaata i nnutuuva kiaa mmiaavai, ivo mmuaaraivaa aa gioonna kiaapu aaya mmioo hama iya pikiaikiai tiida kuaavai.