¹ Inna aanna Yaguaa Anutuuqo Musunna tunoo, " aanna i aavuuvau fai na de atauuvai Faruunna inaraava. ² Anutuuqo Musiinna tunoo,'' na yaagueeqa Anutuuqo vee. ³ Neeno nnaasu Aprhaamo, Aisaako, Yakoopai nna avuu yauu vunuu kooya diauuvoo inna na yaagueeqa Anutuuqo vee, na inna Anutuuqo hama ngia tuinnama nitaano. ⁴ Neenoo iyaa taasipama kuaayeena raukiee keena mmata iva iya mmiauvai. I mmata ivoo hama iya mmaayoota yoosinna tuaanavai, iya i mmata ivau kati kieema variravai. ⁵ I suaivoo pinavai vau suai vaki Isarairaiya oovi nnau aakiaivaki varida pinaama putida ratoodu ivo iya rateeraiva rikioo ari kuaa maanna tuuvaara rikieeravai. ⁶ Itaama vainai Issaraira gioonna kiaapuaya kiaane, na ngi udaaga Anutuuqo vee. Neenoo fai Iyiipaiya oovii nnau vakiidiri ngi varainna kinain mmammadu mmuaakiara kuyaaravai. ⁷ Fai neenoo ngi gioova varinai ngi ni uuruu nnaakaraya varikiai fai na ngi Udaaga Anutuuqo avrinai fai ngia ni yaakuu aakiaivaki vayiaaravai. Neeno Iyiipaiya oovii nnaua vakikidiri ngi vita mmanai yaapauu vovee. ⁸ Neeno ngi vitee oroo mmata kuaa yeena rauu kioova fai Aprahaamo, Isaako, Yakooapainna katikeema mminaravia. ⁹ Suai Musiiva ii kuaiva Isaarairaiya giaammuduu, iya hama tuinnaama inna kuaiva rikoovo inna oovi nnau mmaisai iva yaagueeqivoo homoo yia puaisaakama utinoo. ¹⁰ Itaama vaikioo Udaaga Anutuuqo Musiinnatama kuaaki tunoo, ¹¹ viee Faraunna giaammiane, inna ivoo Iyiipaiya kieetaivovee, i gioonna kiaapuu Isaaraira iya varainna mmanai kii inna mmata ivauura ngiatee.'' ¹² Musiiva Udaaga Anutuuqata kuaakioo tunoo, moo hama Isaaraira gioona kiaapuuya nikuaiva fia na aanivaara kieetaiva Farauunna tinoo nikuaiva rikkiaanara nnee?'' ¹³ Udaaga Anutuuqo Musinna tama Aroona tama tunoo, neenoo nig mmtaama kiauyavee, i gioonna kiaapu kiaapu Isaaraira iyaIyiipa yoosinna ivaakidiri vitaada mmanai ngiaatee. ¹⁴ Inna ivoo Issaraira ya mmata harooya nnutuu yauu vovee; Roveeno inna Issaraira mmaapuu tauraivo vee, voovai nnutuuvo Inooko, voovai nnutuuvo Paruuva, voovai nnutuu voo Hesoono, voovai nnutuu voo Kamiiva. Iya Rubeena uruunnaakaarai yavee. ¹⁵ Simioona uruunnaakaraiya voovai nnutuuvo Samueero, voovai nnutuuvo Yamino, voovai nntuuvo Ohaato, voovai nutuuvo Yakiino, voovai nutuuva Soaava, voovai nnutuuvo Sauuro inna kenana giooonnaiva nnakaraido vee. ¹⁶ Ii iiya Rivainna uuruu nnaakarai yaatama inna sidinnaidiya voovai nnutuuvo Gesoono, voovai nnutuuvoo Koaato, voovai nutuuvo voovai nnutuuvoo Merariva. Rivaiva varuuvo kaayau suai [137] nnuaanu variravai. ¹⁷ Gesoona nnaakaraiya voovai nutuuvo Ribiniva, voovai nnutuuo Simeeiiva. ¹⁸ Koaata nnaakaraida voovai nnutuuvo Amaraamo, voovai nnutuuvo Isaava, voovai nnutuuvo Eburuuno, voovaivai nnutuuvo Useero. Koaato varuu suai yauuvo kaayauu [133] nnuaanu variravai. ¹⁹ Meraarinna nnaakaraiya vovai nnutuuvo Mariaava, voovai nnutuuvo Musiiva. I mmuaakiaa iya varuuvo Rivainna uruu nnaakarai yataama iya mmaata harooyavee. ²⁰ Amaraamo Ari koonna mmaannataiva Yokabeeta nnaata vareeraivai. Vaarakioo innayaa diri nnaakarai vaitana mmata kioova vuaiva nnutuuvo Aroono, vuaiva nnutuuvo Musiiva. Iya gioova Amaramo varusuaiyavoo kayauu suai [137] nuanu varikoo putiravai. ²¹ Isaaraira mmaapuuda voovai nnutuuvo Koorava, voovai nnutuuva Nefeeko, voovai nnutuuvo Sikriiva. ²² Usiieera mmaapuda voovai nnutuuvo Misaeero, voovai nnutuuvo Ersafaano, voovai nnutuuvoo Sitriiva. ²³ Aminadaapa raunnaivo Eriisaveeto Nasoona nnunnaiva Aeoono nnaata vareeravai. Varaakioo innaayaadiri nnaakarai yauuva mmatooya , voovai nnutuuvo Nadaapo, voovai nnutuuvo abiuuva, voovai nnutuuvo Eriasaava, voovai nnutuuvo Itamaama. ²⁴ Koraanna nnaakaraiya voovai nnutuuvo Abiaasaafo Kooranna uuruu nnaakaarai yavee. ²⁵ Aroona mmaapuuvo Eriaasaava Puteera raunna voovai nnaata varaivai. Varaakioo inna nnutuuva Piniaaso tiravai. ivoo inna Rivainna mmuaa kiauu yaatama inna uuruu nnaakarai yavee. ²⁶ I taara vaidiivai tana vuaiva nnutuuvoo Aroono, vuaiva nnutuuvoo Musiiva udaaga Anutuuqo iya tama kuaakioo tunoo, ''gioonna kiaapuu Isaaraira ya vitaada Iyiipa yoosinna ivakidiri mmaanai nnida iyakidiri vaidi rapira vooyauvai vitaki mmuaavau nuunama vayaatee.'' ²⁷ Aroono tama Musiiya taarama Farauuva Iyiipaiya kieetaiva tunoo, eeqoo tinai fai ta Isaaraira gioonna kiaapuya vitaada Iyiipa yoosinna ivaakidiri vita mmaanai yaparavee. Inna Musiiya Aroono yavee. ²⁸ Suai udaaga Anutuuqo Musiinna tama Iyiipa yoosinna ivaara kuaatiravai. ²⁹ Ivoo inna tunoo, ''Na udaaga Anutuuqovee. Farauunna mmuaakiaa kutaa na ii giaa immiauu yauva inna giaammianee.'' ³⁰ Itaama vaikioo Musiiva udaaga Anutuuqa tunoo, hama na aikiooma kuaatinaravee, itaama vaino rikoo Farauuva dataama kioo ni kuaiva rikiaanaranne?''