¹ Musiiva inna kuaivaa iriisai tunoo, Dataama vaikiai iyaa hama niiyara kutaavaivee kiaa kiada kiaanoo, Aagiiniivo hama kooyaa arii i vitainoo. ² Anutuuqo Aaginivoo inna tunoo,'' Aanii mminnavai ai yaakuuvaki utuuaannannee?'' Musiiva inna kuaa irisai tunoo,'' ³ Anutuuqo Aaginiivo tunoo,'' Mmata ivau kagaarianee. Tuduu rikioo ivoo yauuva kagaarikioo mmataivau vainno hanigioo yapaivai kieeravai,'' Musiiva ivaa ivaa too aatuunno viravai. ⁴ Anutuuqo Aginiivo Musiinna tunoo,'' Reemi ai yaakuvaadiri yapaivaa mmeeyai vau utuaanee. Tuduu ivoo reemi utuduu hanigioo yauuvai inna yaakuuvaki vairavai. ⁵ Ivoono iya vitainai fai iya Anutuuqaara kutaavaivee kiaaravai. Itaama vainai fai iya kiaara Yaakoopo Aprahaamo, Isaakai nna Anutuuqo kooyaa ari ti vitaino kiaaravai. ⁶ Anutuuqo Aaginivo Musiinna tunoo, Ai yaakuuva vara ai koroosa hokobai vaki uyuaanee tiravai. Tuduu itaama uuduu inna yaakuuvau uuda tauumaivo vainno haniigioo poosa tuanaavai vairavai. ⁷ Aaginii Anutuuqo tunoo, '' Kava ai yakuvaa ai koorasa hokoobaivaki yapaanee tiravai. Yapa kiooduu ivoo inna tunoo, kava ari yaakuuvaa varainna kiooduu arii yaakuuvoo tuinnavai vairavai. ⁸ Aaginii Anutuuqo inna tunoo, ivaara hama kutaavaivee tikai fai na kava vo atauuvaata iya vitainai fai ivaara kutaavaivee kiaaravai. ⁹ Gioonna kiaapuya i aatau ivaata yaagueeqa ivaara hama kutavaivee tikiainna, nnoorivoo yau vai vaara mmata aasannaivai tusaakinoo kuaivee. I nnoorovoo yanigioo kiauvai mmata aasannaivau rummuaa apuukioo vainaravai. ¹⁰ Musiiva Aaginiiva tunoo, hama na yokeeta voono itaa kuaa kiaaree ngiauunoo. Suai a niita kuaakiaanna suaiyauvaki in nnuua aavo maisaivai na kuaakiauko hama yokeetainoo. ¹¹ Aaginii Anutuuqonoo inna tunoo, Gioono vaidiiva avaiva ii vainnee? Gioono vaidi aviramunnaiva tikioo kua tikioo avuu huruutaiva tikioo avuu taivainnee? Inna neeno nnaasuu Aaginii Anutuuqovee. ¹² Kuaanee viee nimmoori vareeranakua varinai fai neenoo kuaatirana ataruuaa i vitainaravai. ¹³ Musiiva Udaaganna kuaasai tunoo, Yoketaavee inna aikioo voovai eenoo mmataino ni mmaata varaivee. ¹⁴ Aaginii Anutuuqo Musiinnara pinaama nnannato inna tunoo, Dataama vainnee i gataivoo Aroono vaidi rivai kati puara hudeeravai divai. Na tauukioo fai aikiooma ivoo kuatinaravai. Suai ivoo numa itai suai vakidiri inna ausauvo iyaara yokeetaama taika naravavai. ¹⁵ Eeno innaata kuaatino ivoo dee kuaavai tinai fai na ngii taaravaitana dee mminnavai ikiateeraiva nangi vitainaravai. ¹⁶ Aroono i mata ivaa varoo gioonna kiaapuuyara kua tinaravai. Fai ivo i avai vaa varoo iyaata kua tinai eeno ni kuaiyauvaa vara inna kiaa mmiaanee. ¹⁷ Eeno i yau iva ai yaaku vaki utino too kaayau atau voo yau voo tama pinapinaa mminna voo yauuvai i yau ivakidiri vainaravai. ¹⁸ Itaama vauduu Musiiva vararano vio ari nniraangiaasi Yetooronna yaprainara viravai. Ivo inaa tunoo, '' ni pikinai na oro nuainna ni seenaiya Iyiipa vayaiya taanavee, variaannee voo hameeta kiaannee? Yetoroova Musiinna tunoo, inna aikioo vee ausaa nuufaivo i tasiipanai kuaanee. ¹⁹ Aaginii Anutuuqo Musiinna tunoo," Mitieena pikiee Iyiipa kuanee. Vaidii i ruputuaara kiaiya vaa putuutaika kiaanoo. ²⁰ Ai nnaata mmaapuuda tama vita pura togii vau yapa kiee vitee Iyiipa kuanee. Ivo vararan oro Iyiipadirii ari yau kuraroo nuauva vara ari yaakuu vaki utiravai. ²¹ Aaginii Anutuuqo Musiinna tunoo," oro Iyiipa varieenna atau yau vaatama yaagueeqai yauuva tama kooya Farauunna avuuvau ikiaanee. Fai neenoo inna auusaiva iino yaagueeqaino Isarairaaya pikianai Iyiipa variaaravai. ²² Eenoo Farauunna kiaanee Aaginii Anutuuqo tinoo Isarairaya ni nnaakarayavee. Ni mmaapuu ngaru vovee. ²³ Na i kiauuno," Pikiano ni mmaapuvo vararanoo vioo niiyara Sudaaqa kiaivee. Fai hama iya titanai vikiai neneenoo i mmaapuu ngarunna ruputino putinaravai. ²⁴ Iya vidada henaikiai vakiaav, Aaginii Anutuuqo Musiinna buaama kioo ruputino putuaiveera iravai. ²⁵ Itaama vaikioo Musiinna nnaataivo Sipoorava sikau avaikaro paipa roosuvaadi ari mmaapuuva nnabai vaa hatokeeravai. Hatoka kioo nnaabaiva varoo ari koonna yuku oyai vaki kioo inna tunoo," Ee ni vaati tuana kuavee. ²⁶ Itaama vai kioo Anutuuqo too pikiooduu ari variravai. Varuduu nnaataivo tunoo," A ni vaati tuaana kuavee ataama vainoo va na nnabaiva hatooka kiauvai. ²⁷ Aaginii Anutuuqo Aroona tunoo," Yoosinna ivau oro Musiinna taanee. Tuduu ivoo oro Anutuuqo taapivau Musiinna too inna mmooteeravai. ²⁸ Mmuaakiaa kuaa Anutuuqo tuu kuaiyau vaa tama oyai ari vookarau yauu vaatama yaagueeqa atau yauuva Aaginiivo Musiinna mmi yau vaa Aroona kiaammio inna vitairavai. ²⁹ Ivaitana vararanada vida mmmuaakiaamuaakiaa Isaraira kieetaiya vara nunairavai. ³⁰ Aroono vararanoo vioo mmuakia kua Aaginii Anutuuqo tuu kuaiyauva mmuakiaaya kiaammiravai. Kiaa mmuduu Musiiva pina atau yau vaata yaagueeqai yau vaa Anutuuqo inna iikianee tuu yau vaa gioonna kiaapu Isarairaya avuuvau kooya iravai. ³¹ Itaama vauduu gioonna kiaapuya ivaa teeda kutavaivee tiravai. Suai iya rikooduu Aaginiivo Iyiipa oovi nnau vakidiri iya varainna kioo varikiaida pinaama sirigaida tooruvu yau harada nnutu pinaiva inna mmida innara Sudaaqa tiravai.