¹ Musiiva mmanna mmanna makioo Miidianayaraa haitatuura kieeta vaidi ari nnirangiaa Yeetoronaa puara sipiisipaiyara haitatuuravai. Musiiva puara sipiisipaiya vitoo ngieera voopi viovioo taapi Horeepa viravai,i taapi ivo Anutuuqa tapivai. ² Ii suai ivaaki Anutuuqa Angeera voovono ikia haauruva roosuvono Musiinnasi nniravai. Musiiva toodu ikiaivo annanna mmaguyai yauvaa taivai kioo hameeta iyauva teeravai. ³ Musiiva tunoo, fai na hanigiee ari vookarai atauvai vai ivaa tanaravai, daatama vaikio ikia ivo hama ii mmaguya iyauvaa tainnee? ⁴ Anutuuqo toodu Musiiva hanigia dioovainnoo rootu taana uuduu Anutuuqo innara aayanna roo tunoo,"Musiio, Musiio, tuudu riikioo Musiiva inna kuasai tunoo, naa aavau variauno." ⁵ Anutuuqo inna tunoo, sa ni vainima ngianee ! I mata a dianna ivo safu tuanavai vai mmatavai. Ii mmata ivaa na niniinieekiaa kiauvai, ai yuku nnabaivaa rada pikiee ngianee. ⁶ Ivo kava voovaatama tunoo, "na ngii kookiaiya Anutuuqovee." Na Aparahaamo, Isaako, Yakopainna Anutuuqovee, tuduu Musiiva Anutuuqa oori nnikii vaki teevooravee kioo ivo aatunno ari oori nnikivaaki rummua apiravai. ⁷ Udaanga Anutuuqo tunoo, Ni gioonna kiaapu Iyiipa variaiya vaara mmamma nniitareeraivaa na tauvai. Iya taura haitatura kieeta vaidiiya variaivaara na iya mmamma hiitareera varada aayanna reeda rataivaa na rikiuno. ⁸ Itama vai ivaara na kiee mmamma nnitaarera hanikiai vakidiri iya vitee kaarasa yooketai mmatapina voovau kuanaravai. I mmata ivo kaayau nnammarii suvuai mmataavai,Kenanaya yoosinna pina ivaa aakiaa ivaki vaivai. Kenana vai yoosinna vooyauvai Hitaitaiya variani, Amoraiya variani, Perisaitaitaiya variani, Hivaitaiya variani, Yebusaiya variavai. ⁹ Isarairaya rateera aayannai voo vaa niisi nnivai. Iyiipaya kaayau mmuarareera iyammiai yauva vaa natauvai. ¹⁰ Fai makee na ii titanai Faraunnasi viee ni gioonna kiapu Isarairaiya, Iyiipadiri viite nninaravai. ¹⁶ Vida mmuakiaa kieeta vaidi Isarairaiya rupii nuunama kiada kiatee, Aagiini Anutuuqo inna ngii taato nnakukiaiya Anutuuqovee. Inna Aparahamo Isako Yakopainna Anutuuqo kooya dioo vainno ni ngiaa niimivai. Kuakutaa na ngii giaa ngii miee kiauuno mmuakia mminna Iyiipa vaayavo ngiisi nniiyauuvaa na tee rikiauvai. ¹⁷ Iya Iyiipa yoosinna ivaki ngii varaadu taiika kiaanai na nini kua yeena rau kioovara ngii vitee Keenanaya mmata Hitaitaiyata Amoyatama, Perisaiyatama, Hivaitaiyaata, Yebusaiya variaiya mmatai yauvo kayau nnammari suvuaivai. ¹⁸ Iya fai irikiaravai. Eetama Isaraira kieeta vaaidiyatama Iyiipaya Kingai vaasi vida kiatee. Aagini Anutuuqo Eporaiya Anutuuqono tivara nuunama kiaivai. Itaama vaikiai ii mmanna gaanga yoosinna ivau taaravooma suai ta ngiaunnai vaara fai ta tii Aagini Anutuuqaara kati puara hudaaravai. ¹⁹ Fai na tee rikiauko Iyiipaya kingaivo hameeta ngii titanai kuaravai, neneno inna kiammiau vau giatama fai ivoo itaama inaravai. ²⁰ Iyiipayata fai na rapuee mmuakia nini atau yauvaa iya tasipama inaravai. Ii atau iyauvaa nnagiai fai ivo ngii titanai kuaravai. ²¹ Fai na ni yamairaivaa ii gioonna kiaapu iya tasipama iinai teeda , fai hama iya mmanna yaakuata kuaravai. ²² Mmuakiaa gioonnaiya ,goora sirivuai yauuvaara yaparaida yooketai sikau yauvatama Iyiipaya korosa yoketai yauvatama iya vaini varuu gioonna vooyatama Iyiipaya nnau yau vakii variaravai. Varida ngiingii raunna mmapuya ii koroosa iyauuva uyuu rammauaaravai. Ii aataru iyauvakina fai ngia Iyiipaya mminna mminna mmuakia yauvai varaaravai.