¹ Riviinna oyaivakinna vaidi voovoono ari mmuai oyaivakidiiri gioonnaiva vareeravai. ² Suai i gioonna ivo nnakaraivaa suunnama kioo vario mmapuuvai mmateravai. Kaano ari mmapuuvaa kioo tooduu yoketaavai varuudu, rikioo kaano ari mmapuuvaa vitoo hatauma kiooduu rikioo taara vooma kuraaga taikeeravai. ³ Nnnakaraiva kaano hama kavaa inna hatairavai, ivoo vaheevaa kuuasa apuuyauuvaa tasiipama nnoori tai vaata hanigia kioo vaheevaa vareravai. Yapooma vaheevaki nnakaraivaa kaano ruummua kioo kuuasa akiaivaki nnoori yaakuvaki yapakieeravai. ⁴ Inna nnayiava kiisama ngierama duoo vainno innara haitatunno teeno fai aniivai innaya vainaravai. ⁵ Faraunna raunnaivo nnoori raaneekiaa kioo nnooriivaki tuuduu rikiaada inna mmoori vareera kiaatannaiya nnooriiva siriivau viravai. Suai ivoo tooduu vaheevoo nnoori tooyai vaki kuasa akiaivaki vauuduu rikioo ivo ari mmoori vareeraiya tuuduu rikiada vaheevaa oro vareeravai. ⁶ Ivo vaheevaa avuuvaa hatuaakioo tooduu nnakaraivoo raatooduu rikioo innara boo kiaa kioo tunoo, aanna Epooraiya nnaakaravai. ⁷ Yapoma nnaakaraivaa nnayiava Faraunna raunnaiva tunoo, aikioo tinai fai na Epoorai gioonna voovai na tiino i nnaakaraivaa nnamma mminarannee? ⁸ Faraunna raunnaaivo tuno mo kuanee, tuuduu rikioo kiatannaaivo oro nnaakaraivaa kaana vitoo nniravai. ⁹ Faraunna raunnaivo nnaakaraivaa kaana tunoo, mo ni nnakara avaa haitatunai fai na i yookainaravai. Nnaakaraivaa kaano vitoo haitaturavai. ¹⁰ Haitatuduu nnaakaraivo pina kiooduu vitoo oro Faraunna raunnaiva mmudu inna mmapuvai variravai. Varuudu ivo kiaa patainnoo tuuno, inna nnutuvoo Musiivavee, na nnoori kidiri viitauvai. ¹¹ Musiiva yookema kioo, ivo ari oyaiyasi vioo iya mmoori mmuara uuyauva teeravai. Ivo toodu Iyiipa vaidi voovoono Epoorai vaidi inna oyai vakinnaiva ruuputiravai. ¹² Sainai too sainai tooduu hama vaidiiaa tauduu rikioo Iyiipa vaidiivaa ruputu kioo nnukaivaki inna nnabaiva haukieeravai. ¹³ Patauduu ivo kava vioo tooduu taara Epoorai vaidi vaiitana rapiravai. Ivo inna vuuai tomeda i vaidiivaa tuuno, e aniira ai vuuai vaidiivaa ruuputuannannee? ¹⁴ I vaidi ivoo tuno, gioono immataikiaa a tii kua raduuderana kieetaavai vayiannannee? Iyiipa vaidiivaa e ruputuaanna neema a ni ruputinarannee? Tuduu rikioo, Musiiva aatuunno tuno, dee mminnavai na ima hatauuma kiauuvo kooya vainoo. ¹⁵ Farauva iva rikioo Musiinna ruputinara iiravai. Uduu Musiiva Faraunnara aatuunno yoosinna voovai nnutuuvo Mitia viravai. I yoosinna ivaki vioo oro doofa nnooriva sirivau variravai. ¹⁶ Mitia yoosinna ivaki kieeta vaidiiva raunnapuya yaku saivai sainaidiri tarama (7). kiaatannaido kuakuuyauva varada ngiari koonna puara sipisiipaiyauva mmiaara nnoori viteeravai. ¹⁷ Vo vaidi sipisiipara haitatuura vooya oro sipisiipaiyauva varainnaki kuateera oro varainnoodu rikioo Musiivata oro iya vara ravisikioo sipisiipaiyauva varainna kioo nnaagiai nnooriva iya sipisiipaiyauva mmiravai. ¹⁸ Kiatannaido ngiari konna Reveeronnasi akiaraudu nnuduu, too iya koova tunoo, aniira ngia akiaira ngiannee? ¹⁹ Tuduu iya inna sai tunoo, Iyiipa vaidi voovoono sipiisipara haitatura vaidiiya vara ravisiravai. Kioo numa tiitata vara ravisi kioo nnooriivaa sipiisipaiya mmiravaivee. ²⁰ Tuuduu rikioo iya ngioova ari raunnapuuya tunoo, devaki varinnee? Anira i vaidi iva ngia pikiannee? Ayanna reekioo numa titasipama yieenna nnaivee. ²¹ Musiiva numa iya tasipama mmmua ausa vara kioo iyatasipama varuduu rikioo ari raunna Siporanna mmudu Musiiva varakioo variravai. ²² Siporava nnakaraiva sunnama kioo mmapuvai mmata kioo inna nnutuvaa Gesomo tiravai. I vo ataama vaino, na yoosinna mmayootavai roosima variauno. ²³ Hookoba suai taika kiaiko Iyiipaiya kieetaivo putiravai. Isarairaiya oyaiya, Iyiipaiya pina mmamma mmuaraiva mmida ovii nnauna yapeeravai. Iya vara ravisira rateeraiva ratooduu rikioo iya rateeraivo ngiauuapu Anutuuqaasi kuaivai. ²⁴ Suai Anutuuqo iya rateeraiva rikioo, Aparahamo, Isakova Yakopainnata kuayeena rauuvara rikieeravai. ²⁵ Agiini Anutuuqo Isarairaiya haitatunno iya mmuaraiyauvaa too vara ravisiravai.