¹ Inna aayauvo Isaaraira mmaapuuda nnutuu yauvove. Iya ngiari koonna Yakoopa tasipama Iyiipa viravai. Iya mmuaavai mmuaavai ngiari nnaata nnaakarai yaatama viravai. ² Roveeno, Simioono,Riviiva, Yutaava. ³ Isasaarova, Siporoonova, Piniamiino. Voovai ⁴ Daano, Nafatariiva voovai Gaato voovai Asaseerove. ⁵ Yakoopo nnnaade Iyiipa varudu inna raunna mmaapu nneede tunnaiya kaayauma {70} gioona kiaapu variravai. ⁶ Yapooma Yoosipoota arii kata vayaiyaata ngiaari uuruu nnaakarai yaatama oro Iyiipa varida putiravai. ⁷ Iiqi suai ivaudiri Isaarairaiya kaayau yoketa yoketatau mminnau yauva iiraavai. Iya itaama uu vaara iyaa mmata harooduu kaayau gioonna kiaapuuya yaagueeqa tuaana varida Iyiipa mmataivau vari suvairavai. ⁸ Yapooma karaasa kieeta voovai ngioo Iyiipaiya kieetavai varuuvo hama Yoosiipa arinaima too rikieeravai. ⁹ Ivoo ari gioonna kiaapu Iyiipaiya tunoo,taate, iyaa mataa haraa aavo vioo tii yaataroo pinavai kuaikiai yaagueeaya ti yaatarama variaanoo. ¹⁰ Nnikiai ta yaata tinni yookeeta vooyauvai utuu kiaada aataaru vooyau vai iyaara iikiaaravee. Fai haama ta itaama iikiaiiyaa mmata hara kio pinavai pinaavai vainai vari fooraida teekioo rapira voovai rusitinai fai iya vida nnammuutuaiya tasiipada ti ruputu raubiriida ti mmatai vaudirii ti vatakiai kuaaravaivee. ¹¹ Itaa kuaa kiaa, vaidii vooya mmataama kiaada tuduu iya haitatuda mmoori mmuaararai yauvaki iyaa yapaatee tiraavai. Isarairaiya tuduuFaraunna yoosinna pinaiva Pitooma, Ramaasisa ivaaki ivaaki yeenna yapeera nnauva heekaravai. ¹² Itaama uudu mmuaakia suai Iyiipaiya maisama iyaa iraavai. Itaama uuduaata iyaa mmaata haaroovo voovaata yaataro vuuduu mmuaakiaa mmatavai rummuaa apiraavai. Itaama vauudu Iyiipaiya Isaarairaiya pinaama aatuuravai. ¹³ Iyiipaiya itaama iida Isarairaiya kaayau mmuaara mmamma nniitareerai yauvaatama iya mmiravai. ¹⁴ Iya ngiari mmoori uu vaudiri iya varirai yauvaki mmuaaraiyau voota mmamma nniitareerai yauva varoovo, nnukaivaata simeenaiva tama nnau hekaara uu vakidiri itaama iya iiravai. Mmuakiaa iya mmaanai vo mmoori vo mmoori varooyauvo mmuaararoo mmamma nniitareerai yauva tasipama vareeravai. ¹⁵ Taara gioonna vaitana mmuaakiaa suai Eporai gioonnaiya nnaakara mmataani tuqinneerai vaitana voovai, Sifaraava vuaivo Puaava, Iyiipaiya kieetaivo iyaara maavee tuduu innasi nniraavai. ¹⁶ Nnuduu iyaa tunoo, suai ngiaa taarama Eporai gioonnaiya tasipa nnakara mmateera mmaataivau varida tuqinnama kiada haitatuma taatee. Teekioo ngiaammau vai mmata nai ruputuatee, mo ngia teekioo kiaatannavia mmatnai sa ruputira pikiko variaivee. ¹⁷ Taara gioonnavaitana Epoorai gioonnaiya tuqinnooduu nnakara mmatoo vaitana Anutuuqara aatuuda hama Iyiipaiya kieetaivo iya kiaammu kuaiva vatada iirama pikiooduu Epoorai nnaakara ngiaammauya mmatoya kati variravai. ¹⁸ Itaama uuduu Iyiipaiya kieeta vaidiivoo ii gionna ivataitana Epoorai gioonnaiya tuqinnoodu nnakara mmatoo ivaitana tuduu innasi nnuuduu, ivoo iya tunoo, mo aaniira ngia hama na kiau kuaiva vataada iiraama teeda pikiaani ngiaammauya variaavainnee? ¹⁹ tuduu rikiada Eporai gioonnaiya haitatuuduu nnaakara mmatoo gioonnaivaitana Farauunna kuaivaa sai aatakua tunoo, Eporai gioonnaiya hama Iyiipa gioonnaiya roosikiaayavee, ta hauna kiaunnani vaa ngiari makeetikiai nnakaraiyauva mmateeravai. ²⁰ Anutuuqo ii gioonna ivaitana haitatuduu iya Eporai gioonnaiya haitatuduu nnakaraiyauva mmateeravai. Itaama mmatooduu kaayau vari suvuauduu Eporaiya varuuvoono yatarooduu pina yaagueeqaivo iya suvuairavai. ²¹ Anutuuqo ii gioonna ivaitana Eporai gioonnai ya tuqnnoduu nnakaara mmatoovaara tuduu ngiaariyaara nnakara mmateeravai. Mo iya innara atuuma kiada uuvaara itaama iiraavai. ²² Farauuva aari gioonna kiaapuuya aatakuaa tunoo, mmuaakiaa Isaaraira nnakara ngiaammauyauva varaada nnooriyaa kagaarii kiaatee, mmuaakiaa kiaatannaiya piki variaatee tiravai.