¹ Besareero yatari akasia ivaadiri puukisa kua yeenarairaiva iravai. Iva hookobaivo taara atau (2) vaitana ivaa paannaivo mmuaa atauvai ivaa veraivo mmuavai. ² Ivo ivaa akiaa mmaanaiva gooraivadiri raataru kioo rummua apu taikakioo veraivaata gooraivadiri ima rummua apu kieeravai. ³ Ivo tarama tarama suubaida ari yuku tarama tarama iidau uyuukioo tarama sai yaku vau uyuo tarama sai yakuvau uyiiravai. ⁴ Ivo yatari akasia vadiri tunnaiva harakioo tunnaiva gooraivadiri ruataru taikakieeravai. ⁵ Besareero tunnaiva vararu utuoo suubaa akiaivaki puukisa kuaayeena rairaivaki hara kinai fai iya aikiooma vararavai. ⁶ Ivo puukisa kuaayeena rairaiva avuuva gooradiri imakieeravai. Inna hookobaivo tara atauvai inna taammaivo mmua atauvai tamma ivau haatokeravai. ⁷ Besareero tara angeera vaitana gooradiri imakioo puukisa kuaayeena rairaiva avu tooyaivau harakieeravai. ⁸ Vuai angeeraiva tooya saivau harakioo vuai angeeraiva sai tooyaivau harakieeravai. ⁹ Ii angeeraiya ngiari haayai yauva vararu utida kuaayeenaraira pukisa avuuva veraivau rummua apukiaavai. Iya ngiari teeda vaudu iya avuu yauvo puukisa kuaayeenarauva vuutaivau toovairavai. ¹⁰ Besareero mminnamminna yaapera mmaataiva yatari akasia ivaadiri iravai. Iva hokobaivo tara(2)atauvai iva paannaivo mmua atauvai (1) veeraivau mmua (1) atauvai saivai. ¹¹ Iva gooraivadiri ima ruraumakioo atauva gooradiri avuuvaa imakieeravai. ¹² Ivo ivaa yagueeqa kiaiveraiva, yaakuva mmatama kioo ivaa yaanevata gooraiva tasipama ima taika kiaivai. ¹³ Ivo gooraivadiri gooveenna tarama taramada imakioo tarama tarama atau iyauva rummua apu taikaikioo puukisa kuaayeena rairaiva yuuku tarama tarama ida rummua apu taika kiaivai. ¹⁴ Iyaa gooveenna hoovekaida mmaanaivau yapakiada iyauva akiaiyauvaki tuunnaiyauva hara kiada iyauvunudiri fai vararuu apuaravai. ¹⁵ Ivo yatari akasia ivadi tuunnaiyauva imakioo gooraivadiri iyauvunu rataru rummua aputaika kiada vararu utida kuaravai. ¹⁶ Yeenna nnera mmaataiva veraivau yeenna uyu nnera mminnai yauvatama yavaakuvatama veeraivau kieeravai. Mmuakia mminna iyauva gooradiri nnaasu iravai. ¹⁷ Ivoo mmaata yoosinnaiva ima kioo toobaivata gooraida ivau yapakiaivai. Toobaiva ataiva mmaaraiva tama tammaiva mmaraivatam maura yaperaivatama mmuavai ima kieeravai. ¹⁸ Yaakusaivai karasaidi mmuavai mmara mmara diravai. Taravooma sainai duduu taravooma sainai diravai. ¹⁹ Taura yaakuvaki taravooma nnoori mmuuyaida iya ida aramona funnukaivadi, tasiipama apuuva tasiipama oyaaivatama inna pairaivatama iravai. Mmua kaarama yaaku saivai karasaidi mmuavai mmaanai vau iyau vunu toobaivo vakiaiveera mmaata yoosiinnaida iravai. ²⁰ Veera mmaataivau toobaiva kiada, tammaivau, tarama taraama noori nneera mmuyaida ima aramona fuunnukaiva tasiipama, apuuyuava oyaiva tasipama pairaiyauvata yapeeravai. ²¹ Oyaivaki apuuyauvo taura hammaraiva ya vaikioo,iya mmuavai ima kiavau, nnagiai yaakuvau apuuyauvo vaikioo, ima kiaivo mmuavai. Mmuakiaa yaakusaivai karaasaidiri mmuaa yaakuv idau mmua karaama mmuakia iyauvau imakieeravai. ²² Apuuyauvo oyaivau vaikioo mmua hammaravai, ivaa iya rutaatoma kiada ivaadiri mmuai gooravai ima kieeravai. ²³ Besareero toobaiva mmaataiva ima kioo ivau yaaku saivai karasaidiri tarama toobada, mmuavai mmuavai hatokeera kukaidata tasiipama ivau yapakioo paatina yeenna yapeera koovauvata gooraivadiri ima kioo ivau yapa kieeravai. ²⁴ Ivo toobaida mmaataida mmuavai mmuavai teeramakioo mmua mminna mmua mminnada gooradiri ima kieeravai. ²⁵ Besareero yeena tapiiva iravai. Ivo akasia yatari ivaadiri iravai. Hookobaivo mmua atauvai paannaivo mmua atauvai. Yaanedo mmuakarama vaikioo kieetaido mmuakarama vaivai. Ivaa akua reera noomaiva mmuavai ima kieeravai. ²⁶ Ivo ivaa gooradiri saabama kioo, ivaa verai,tooyaivau aruvaa ima kiaivai. kioo mmanai atauvaata gooraivadiri ima taika kieeravai. ²⁷ Ivo yooketa tuana goora hovekai vaitana ima kioo mmee mmaivau sai tooyavau kioo saitooyavau kieeravai. Inna ivaitana akiaivaki puukisa kuayenarairaiva tuunnaiva hara kikioo dinaravai. ²⁸ Ivo tuunnaida yatari akasia ivaadiri ima kioo gooradiri ima rurauma saabama kieeravai. ²⁹ Ivo itama kioo yootata nnammariva suuda kuai kaupaiyauva vaidi yatama mminna mminnai yauvatama apiravai.