¹ Besareero yeena tapiiva yatari akasiaa ivaadirii ii vai. Hokobai voo yaakuu saivai atau vai (5), na inna pinai voo yaakuu sai vai atauvai, inna tooyai voo mmuaakaraama taara vooma aatauvo vararuma vai vai. ² Voovo tama innoo, tarama taarama tooyai vaitana puaara burimakauuya kieeta aaru vai tana roosiima vai vai. Ivai tana mmuaa mminnavai taana yeena tapi vaa rummua apiraivo aina baraa sai vaadirii ii kiaatee. ³ Yeena tapi vau iikiaaramminna mmuaakia yau vauii ravai. Kauupai vaa mmaara kuu yavai vaa iinnoo ikia siriiva uyuuaara savoraiva ii nnoo pina yapeera yanaiva iinnoo kooka fayaiya mmayi hara radeeraiva ii nno kuu ikiaya hudeerai vaata ii vai. Ii mmuaakia mminna iyau aiina iva barasai vaadii iivai. ⁴ Ikia hareera yeena tapiiva utiira mmiinnaiva ii makio barasaivoo yapa nneera mmaitaiva mmemai vaki ikia hareerai vau yapakioo tamma tunani vau vaivai. ⁵ Taarama taarama mmakaranna yau voo barasaadii iimakiai yau voo hokoba tuna taarama taarama iida tooya sai tooya sai vau utuu kioo ikia hareera mmataiva vakiaivee. ⁶ Besareero yatari akasia nnaadi tuunna hokoobai yau vaa baraasai vaadi rummua apivai. ⁷ Ii tuunna iyau vaa mmakaranna aakiai vaki yapa ikia hareera yena tapiiva vareeranai voo. Fai yataari yeena tapi vaara apiranai voo mata vainaravai. ⁸ Baseraroova pina yapa nneera yanaiva baraasaivaadi ivoo vaina mmatai vaa iivai. Ivo baraasa voovaa tama iima kiaivai. Ivoo yapa nneera voovaata iivai, fai ivaki nnoori vainai ivakidirii teeda, mmooriva gioonnaiya mmooriva ii kioo seera nnau vakira aataru voo vainaravai. ⁹ Nuunai mmtai vaata iimakioo buruqa yoketa tuna arii vookarai vaadi sai tooya sai tooyai vakira iivai. Iva hokoobaivo (100) atau vau vaivai, ivaadii tooyai vau hiri naravai. ¹⁰ Buruuqa hiria tuunnaido (20) mmua vaidi vai. I barasa idoo yapakioo mmemmaana vinai tuunnaida varaivau. yapa kioo dinaravai. I baraasa iyau vaa oovi oovima imakioo tuunnaiya veerai vau yapa kiaa vau seerai yau vaa siri vai vaadirii ii kiaa vai. ¹¹ Va iikia mmuakarai sai tooyai vaki, hokooba buruuqaiva hiriavai, inna hokoobai voo roo atauvai, tasipama (20) mmuaa vaidi vai yuku yaaku taikai tuunnaida baraasa mmemmai vaki vainai tuunnaido iyayaa diaara baraasaiya (20) mmuaa vaidii yuku yaaku taikai yavee, iyauva baraasadi ikiaavai, iyauva oovi oovi yauva ii makiada tuunnai yaya rutaku kiaavo vaivai. Seerai yauva sirivaadi iima kiaavai. ¹² Buruqa sainainni hiri kiaiva hokoobai voo (50) atauvai, tuunnaido yaakuu vaitana (10) barasaido mmemmana vaida tunnaido yaagueeqa kiaive raido (10) yaakuu vaitana. Tunaiya hokoobai yau voo sirivai vaadi iikiaavai. ¹³ Nuunai mmatuuyaiva hokoobaivo (50) aatau avi sainainni vaivai. ¹⁴ Keegia nniranai vaki hiria buruqaivo (15) yaaku vaitana yuku saivai taaravooma tuunna oyaido tuunnaida puaisa mmemmai vaki utivai. ¹⁵ Sai aataru keegiai nunaira mmatu yai vaki hiria buruqi (15) yaakuu vaitana yukuu saiva taaravooma tuunnaida oyaida mmemmaana vaivai. ¹⁶ Mmuaakia mminna yau vaa nunaira mmatuuya vaki buruuqaido ari vookarai yoketa yoketai buruqa yau vai. ¹⁷ Tuunna oyaido yagueeama tuunnaido gaiveera barasaadi nnaasu iikiaavai ooviyaa voota yau yau voota sirivai vaadi nnaasuu iikiaavai. Ii mmuakia tuunna idoo nuunai mmatuu yaivoo siri vaiva ii kiaavai. ¹⁸ Nuunaira kieegiaida viranai vaki hiria buruuqaiva hokoobaivo (20) mmuaa vaidivai yukuu yaaku vaitana. Ii buru ivau sikakia yoketa mmanna mmannadokokora kuaiva yapada saako saako kuaiva yapada kooke kuai buruuqiva tiqinna kiada hanigia vai. Inna hokoobai voo (20) mmuaa vaidivai yukuu yaakuu vaitana atau vai kioo ngiau nnannuuma vai atau voo (5) yaaku sai vai. Mmuaakarama nunaira mmatuyai vaki vai buruuqiva roosii vai. ¹⁹ Taarama barasa oyai tuunnai verai vau diaavai, barasai vaata sirivai vaadi iima kiada seera oovi vaata veerai vau vairai vaata ii kiaavai. Sirivai vaada hokooba seeraiva ii kiaavai. ²⁰ Mmuaakia tati nuunaira seera nnauuva utira nai yau vaa baraasadii nnaasuu iikiaavai. ²¹ Ii mmuakia mminna iyau voo nunaira seera nnau vaura ii kiaa vai, bokisa mmanna kua yeena rau vara ii kiavai. Musiiva fafaarau kuaivo tuneema ii mmoori ivo Rivaiiya iira mmoori vai, Itamaaro Aroona mmaapuvai ivo Anutuuqara kati puara hudeeraiya kieetavai. ²² Besareroova Uura mmaapuu vai, Yutaanna oyai vakinna vai. Iya i mmuakia mminna Udaanga Anutuuqo Musiinna kia mmi kua mmuakia vai iima taika kiaavai. ²³ Oriabaava Isamaaka mmaapu vai, Deena nneedi vai, ivo besararonna tasipama ii mmoori iyau va arinaima too rikaivo aikioomaburuuqa kokoorai voota kookeekuai voota fai ivo vara nunama kioo buruuqaiva iinaravai. ²⁴ Mmuakia goora iyauvoo pina mmoori iyau vaa mmaata yoketa tuanaivakira ii kiavai. Ii goora kati tuana mmiai yau voo atauuvo iva yapai voo kaayau (730) atauvai. ²⁵ Gioona kiaapuuaya sirivuaiva mmia atau voo ataama vaivai, ivaa mmuaa raivoo (100) mmuaa seera sikau vai iva nuuna kia mmuakia yau vai (1775) seera nnauu vaara yapaavai. ²⁶ Mmua mmuaravai mmua vaidii yuku kidirii mmua vai itaama vaivai. Suai gioonna kiaapuuya yaaruuya mmua nuanu varoo yayaadi, vreepi vau yaya yaaruavo vairavai. Yaaruaavo iya atuuvo kaayau (603.550). ²⁷ Ii siriva ivoo mmua seeravi (100) hudakiada tuunnaiya mmuaa vaki tusaavo ivoono tuunaiya dirai vaki kuaivai. Ii tuunna idoo mmata aakia tunai vaki diaa yau vai. Ii tuunna iyau vunu buruuqa hriara yauvai, i tuunna idoo mmuaa seeravai (100) tuunnada, iya oyai yau vaki Sirivaiva tusaavo kuaivai. ²⁸ Sai siriva mmuruo vai yau voo 1.775 vaivai. Besarero tuunnaiya kieetai yau vunu rummua apuai veera oovi yauva iivai, tuunna hokooba seerai yau vaata iivai. ²⁹ Mmuakia barasa Udaanga kati mmiaivo inn a mmuaaraivo (70) vaivai kioo ivaa mmuruoo vaki vai atau voo (2.400) kaayau vaivai. ³⁰ Ii yau vaadi mmammai vaki aataruva iikioo nuunaira mmatuyai vaki seera nn auyeena tapi ikia hareerai vaata mmuakia iyau vaa baraasai vaadi nnaas iivai. ³¹ Ataaru mmeemmana kuai tuunnai yaata seera nnau voota, mmuakia iyauvo taa ivadii nnaasu vai tai kaivai.