¹ Besarevaata Ohoribavaata mmuakia vaidi deeya Udaanga Anutuuqo yookeeta yaata tinnii iyaa mmiiya mmuakiaa mmoori yauvai yootataa yoosinnaivaa aakiai vaki iikioo diitaanaraavai. Udaanga Anuqo iyaa tiineema fai mmuakia mmoori yauvai iya aikiooma iikiaaravai. " ² Musiiva Besareya, Ohooriba yaa tunoo mmuakia vaidiiyaa iyaaki yokeeta yaataa tinnii mmoori iikiatee raiyauvaa Udaanga Anutuuqo iya mmiivai, gioono inna ausaivoo diitanoo, inna ivoo numa mmoori iikiaivee tiravai. ³ Iyaa mmuakia ofaa iira mminnai yauvaa varadaa Musiinnasi nnida yoosinna yootataivaa iiravai. Itaama vauduu mmuakiaa heenanaanna ii gioonna kiaapuu iya ngiari ofai yauvaa varaada Musii nnasii nniravai. ⁴ Iya mmuakia tinniirua gioonna kiaapuuya yoosinna yootataivaa iikiaavoo ivoo mmoori vareeranaa yoosinnavai vairaavai. ⁵ Ii vaidii iyaki yokeeta tinni vaikiai mmoori iirana iya Musiinna kiaano, iigioonna kiaapuu iyaa ii kaayau mminnaa iyauvaa varaada deevaki mmoori vararaa ngiaannee, Udaanga Anutuuqo titiinoo iikiatee. ⁶ Aaikioo Misiiva iyaa ataakuaa tunoo, hamaa ngii vovoota aayoosinna avaaki varinai fai iyaa mminnai yauvaa varaada numaa yoosinna yootataivaa iikiaaravai. Itaama vaikiai hamaa kavaa gioonna kiaapuuya mminnai yauvaa varaada ngiaavai. ⁷ Iyaasi aikiooma kaayau mmoori vareeraa mminnai yauvoo vaivai. ⁸ Aanna mmuakia vaidii iyakii tinnii vaiyaa iyatamaa varidaa yootataa nnauvaa yaakuuvaitana (10) keteena tasipaama iya iida haboonna kuai buruuai vaa tasipaama kiisama saakosaakoo kuai vaata kokee yeenaivaa tasipaama Aangeerai voo haayiai vaa riraadee dioovai mmannaa mmaanai voo ivau vairaavai. Aavoo innaa Besareenna mmooriva ivo ariinaimmaa ii mmoori ivaa too rikiai vai. ⁹ Mmua buruuqa mmua buruuqa tooya saivaudirii saivau inna hokoobaivoo (28 mitaa) atau vaikioo inna paannaivoo saivaudirii saivau taaramaa taarama (4 mitaa) atauya vaikioo mmuakia buruuqaa idoo mmuakarai atauyaa vaivai. ¹⁰ Besareeva yaaku saivai (5) ketenadaadiri suvuau mmua atau vootaa nainni iimaa suvuau kioo ivo kavaa yaaku saivai (5) keteena daadirii sainai imaa suvuai kieeravai. ¹¹ Ivoo patapaata hoveekairaa yeennai yauvaa imaakioo ivaadirii kokoora kuai buruu aivaa tasipaama tooyiai keteena ivau funnuu kaakiatee. Ivo mmuai karaama mmaanai tooyaa yaa taura atauya vai vaa iimaa kieeravai. ¹² Ivoo pataapata yeenai yauvaa hoveekaikioo rikioo taara vaidii yukuu yaaku taikakioo vovaidivai yaakuu vaitanaa (50) pataapataa hovee kairaa yeenai yau vaadirii tooyayaa atau kuai yeena ivaayaa funnuuka kiatee. Itaama ii pataapataa yeena fuunnuu kairai yauvoo voo yauvai sainainnii giaata vooyauvai vaakiaivee. ¹³ Ivoo (50) yeena gooraidaa iimaa kioo ketee naidaa tasipamaa hobaama kiai kioo iya aikiooma seera nnau vaa varaa nuunamaa kioo utii naraavai. ¹⁴ Besareeva memee yausii vaadiri seera nnauvaa heeka kioo seera nnau tooyiai vaki, ivoo ii keteena mmuakiaa daa ii makieeravai. ¹⁵ Mmuaavai mmuaavai hokooba keteena ivakii (30) atauu davee, pinaa atau sai ivaaki (4) atuda vairavai. Mmuaavai mmuaavai ii (11) keteena iyaa mmuakarai yauvai. ¹⁶ Ivoo yaaku saivai (5) keteenadaa raukioo raukioo voovaa kidiiri mmuaavaatama voo (6) ke teenadaa voo vaaki diiriaatavee. ¹⁷ Ivoo (50) pataapataa sainai tauuraana keteenaivaa pataapataa yeena (50) nnaadirii funnuu kamaa kioo (50) pataapataa yeena funnuu kai vaadiri varaa tooyayaa keteenai vaa tasii pamaa taara atau raukee ravai. ¹⁸ Besaree vaa (50) baraasa hoveekai ranaada iimakioo seera nnauuvaa ngiau vaki rau suvuaikinoo mmua pataa saivai vakiaivee. ¹⁹ Ivoo seera nnauuvaa ii maakioo sipisiipa oorai vaa nnabai voo kookee kuaivaa tasipaivai, voovai memee nnabaa yokeetai vaadirii innaa veraivau rummuaa apiraavai. ²⁰ Besareeva tuunnai vaa iikioo ngiau vioo seera nnauu yataari akasiai vaa taasipaama dioo vaivai. ²¹ Hokooba tuunnai yauvoo mmuavai mmuavai dioo vaikioo inna hokoobaivoo yaakuu vaitanaa (10) mmatairana mmua vai immua vai inna paanna tuunnai voo mmuaa vai (1) inna saivai mmatairana vai. ²² Mmuaa tuunna mmuaa tuunna yaa taara yataari varaa nunama hobaamaa kiadaa tuunnai vau yapaa kiaavai. Ivoo aa mmuakia seera nnauu tuunnai daa iimaa kieeravai. ²³ Ivoo ii aataruu idaa dirii seera nnauu vaa tuunna mmuakiaa yauvai, sainai geedannii giataa kuai (20) tuunna daa. ²⁴ Besareva (40) siriiva aataru ruaada imma kioo (20) tuunna mmammaa na vai vau fai uyiino kuanavai. Innakii mmua tuuana mmua tuuana mmammaaki taara aataruu tioo vainno pukisaa yeena roosima rautukioo vainno taara aataru mmammaa tuunnai vaa yaa vainno votuunna vai tasiipamaa raataruu kioo vai naraavai. ²⁵ Ii sudaaqaa nnauu ivaa taara atauu nningiaa varai vau geedai nnigia, (20) tuunna daa iima kieeravai. ²⁶ (40) siriiva oyiai tuunnada ari mmaraama kieeravai. Oyiai tuunna taara vaitana, ivaaki taara oyiai tuunna vaitanaa tauraana tuunnai vaa tasipaama mmuakiaa tuunna yauvai hobaama kieeravai. ²⁷ Ivaa mmokanni seera nnau vaa varaaya suai kuai nningiaa, Besareeva (6) tuunnada iraavai. ²⁸ Ivoo seera nnauvaa mmookannii ngiaa tooya tuunnai vaa imaa kieeravai. ²⁹ Ii tuunna ivoo tamaa rutaana varoo mmepii kuai vai. Kioo otoo voo hovee kai ranai vaaya rutaaku kioo vaivai. Ivoo mmuai karai taara vaitana iimaa kiai kioo tooyiaivau vaivai. ³⁰ Ivaaki (8) tuunnadaa, tuunnaa oyiai vaki siriivai vaa tasipaama kieeravai. Ivaki (16) oyiai tuunnaida akiaaki mmuakiaa yauvai, tuunna taara oyiai tuunna innaa mmammaaki tauraana tuunna vai. Taara oyiai tuunna mmammaaki vo tuunnai vaa tasipama mmuakia yauvai hokoobama kieeravai. ³¹ Besareva akasia yataariivaa diri tammaa tuunnai vaa iimaakieeravai. (5) tuunnadaa seera nnau vaa yaanee sainai kioo (5) yaaku saivai taarama taarama tuunnadaa voo taanai nniigiaata seera nnauvaki yapaa kieeravai. ³² (5) yaaku saivai tammaa yataari tuunnai yau voo mmoo kanni giataa seera nnauuvo suai kuai nnigiataa kuaivai. ³³ Ivoo taamma tuunna ruaimi vaa karaasai vaadiri yapa kiaikioo tammaa tuunna ruaimioo ngiau aapu kuai taara tooyiai vaitanaa aikioo makieeravai. ³⁴ Ivo gooraivaa tasipamaa tuunnai vaa rummau apukieeravai. Ivo goora hoveekaivaa ari mmaraama iimakieeravai. Tammaa yataarivaa utuo ivaa tasipaama goora tuunnai vaa rummua apiivai. ³⁵ Besareva keteenaiva haboonnai vaadirii iivai, sakoosakoo kuai vaata kokee vuura safu buruu aivaata, iva tasipaama Angeera haaya ruaiva mmanna mmaannaivo vaivai, ii mmoori iva vaidi tinnii ruai yaano iikiaa vai. ³⁶ Ivo keteenaiva tuunnai vaa iinnoo ivaa tasipaama (4) akasia yataari sagaida tasipaama goorai vadirii rummua apukieeravai. Ivo mmuai karai goora kumaagai yauvaa tamaa yaa iimakioo ivo iyauvaa guaitii kioo (4) oyiai tuunnada kieeravai. ³⁷ Seera nnauu vaa keegia nni giataa ivoo mmua keteena vai iivai. Iyaa kokoorai vaata saakosaako vaata kokee vuura varai nneera buruuai vaata ii mmoori iyauvo vaidii tinnii ruaa iyaaki tinnii varaa kiada buruuqa iiraivoo vaivai. ³⁸ Ivoo (5) tuunnada kumagai vaa tasipaama iivai. Ivoo ivaa varaivaa rummua apukioo goorai vaa tasipaama yapaivai. Iyaa (5) oyiai tuunnaada baraasai vaa tasipaama iikiaa vai.