¹ Musiiva mmuakia gioonna kiaapuuya rupi nunamaa kioo iya ataakua tunoo, Aa mminna ayauva Udaanga Anutuuqo tinoo ikiaatee. ² Yaakuu saivai sainaidirii mmuaasuai (6) mmuakiaa mmooriiyauvai taikaivee,yaakuu saivai sainaidirii taraa (7) suai ivoo innaa Anutuuqa suai vovee, ivaaraa yataa utidaa katii mmammaaduu mmukiaraa variraa suai vai. Dee vaidii voono isuai ivakii mmoorivaa varoo ivoo putuaivee. ³ Suudaaqa tiva suai yauvaki sa ngingii ikiai yauvaaki haratee. ⁴ Musiiva mmuakiaa Isaraira gioonna kiaapuuya nnau yoosinna utu kiadaa varuuya ataakuaa tunoo aakua aavoo inna Udaanga Anutuuqa nivai. ⁵ Yoketaavee kia Udaanga Anutuuqa kati mmiraa mminnai yauuva varatee, ngia mmokia gioonna kiapuuya gioono ausaa utuukiee mmiraanaiku sikau goora, siriiva baraasai yauvaa varee yokeetaave kiaa Udaanga Anutuuqa sii ngianee, ⁶ haboonnaivoo habonna kuaivoo tamaa kookee vootavee, puapuusua kuai vootamaa memeeyaa koroosa poosaa yokeetaivovee. ⁷ Sipisiipa nnabaa kooke vaatamaa soroovuaraa kinnaa buriimakau vaa nnabaivaa tamaa yaakueeqa yatariivaa tasiipamaa kieeravai. ⁸ Nnammari suuya ikia nau tuvirai vaatama yoketaa suuda kuai mminnai yauvaa katii mmirai yauvaa varaatee. ⁹ Sikau onikaivaa tasiipamaa vosikau yokeetaa tuanaa arii vookaraivaa yapaakinoo rikioo nniriivaa rummua apuaivee. ¹⁰ Mmokiaa vaidii yaata tinnii ruaiya ngii tasiipama varianoo ngiaa nnidaa mmokiaa mminnaa yauvai Udanga Anutuuqo tiiyauvaa ikiatee. ¹¹ Suudaaqa nnauvaa heekaateraa tiravai ,inna kieetai vau seeraiva yaapateera tiravai , haniikia nnau tuunnaivaa rummua apuaiveeraa ikiatee, nnauvaa tooyasai tooyasai yauvai varaa nuunaama kiaatee, vuuta yataarivaa yapaa kikioo nnauvaa utinaravai. Innaa tuunnaiyauvoo mmokiaa tooyai yauvaaki dioo mmammaa saarakuuyiai yauvaa tama utinaravai, ¹² bokisaa kodooraakaivaa yaapara atauuva rummuaa kiaada ivoo vakiaiveera tuunnaivaa haraakiaavai, atauu voovai imaa kiadaa sipiisipa kiauuva ivaakii tuusiikioo mminna mminnaa maisai yauva rugaa naraavai. Yootataiva buruuaii vaadirii rairavai. ¹³ Vovaidii vooya mmaatai vaatamaa inna yukuu vaata varadaa akia na ngiaavai, vo mminnaa vooyauvai iikiatee raiyauvoo diisaivoo,fookaivoo,kaapaivoo,savooraivoo,(savooraivoo) yeenna nneera bereeta iyauvoo Anutuuqa araata oyiai vaki vaivai. ¹⁴ Raama hiriirai yauva kikioo ngiauvauu vaiinai nnammaari suuyiaivaa ivaki yapaa kikioo mmeekiaivoo taanaraavai. ¹⁵ Araatai vauudirii iikioo rikioo kioosuu suuda yokeetaiva tasiipamaa inna yauu vovee, vonnaammarii suuyaivaa inna kieetaivau tusiida voo sadaa suuda yokeeta kuai mminnai yauuva varaada sipuu keegiai vaki hiriaraavai. ¹⁶ Ofaa hudeera atau vaki baraasa ainaa, innai yauuva tasiipamaa vomminnaa pinaa hudeerana diisai vaatama inna rakaana varirai vaatavee. ¹⁷ Iyaa mminna voo yauvai varaada nuunama variraa yoosinnai vaki hiriida ivaa tasiipamaa yau hokoobaivaatama inna oyiai vaata yoosinna nuunamaa varirai vaki rairaa buruu ai vaatamavee. ¹⁸ Nuunama variraa yoosinnai vaki seera nnau heekera beekaivaa tasipaama inna yeenai yauvaa varatee. ¹⁹ Iyaa yaapai yauvaa vaa imaa kiai yauvaatamaa varaada ngiaavai, fai yoosinna yootataivaa aakiaivaki vainaraavai, (Piriisa) puara hudeerana Aroona yootataa yaapaiva tasipaama inna nnaakarai yaatamaa yapooma puara hudeeranaaya variatee. ²⁰ Nnaagiai mmuakia gioonna kiaapu Isarairaiyaa Musiinna pikiadaa inna ngieera kuaavai. ²¹ Vooya ausai yauvoo diitaikiai rikiaadaa tuaana ngiari ausai yauvaki pinaama sirigaidaa yokeetaave tirai yauvaa varadaa Udaanga Anutuuqara sudaaqa tira nnauvaa iikiateera ngiaavai, mmokia mminnai yau vootamaa yootataa yaapai yau voota ivaki vaivai. ²² Iyaa ngiaavai, vaidiki gioonnaki mmokia iyaa ausai yauvoo yokeetai vai. Iyaa piingai yauva varaada yaataki yaapeera ringai yauvaatama, voo riingaiyau vaatama vomminna seera nnau yauvaki funnu kairai yauuvaatama, arii vookaravookarai mminna sikau goorai yauvaa tama , mmokiaayaano varaada Udaanga Anutuuqaara yokeetave kiakiada iiravai. ²³ Mmokiaa vaidiiya kokoora kuai yauvaatama saakosaako kuai yauvaatama , atau kiisama puapuusua kuaivaatama,koroosaa yokeeta aikiooma iya avuuyau vunuu vairai vaatama memee yausiivaatama sipisiipa nnaba kokee vaata varaa soroovuara kinna buriimakauvaa nnabaivaatamaavee. ²⁴ Mmokia gioonna kiaapuuya yoketaa vee tiraa ofai yauvaa ataama sikau siriivaa baraasai yauva varaada yokeetaave kia Udaanga Anutuuqasi kuaani mmokiaa deeya iyaa yagueeqa yataari akaasaivo vaivo vaiyaa dataama vainnee, fai iyaa mmooriiva varaada ngiaravai. ²⁵ Mmuakia tinniirua gioonnaiya memee yausii yauva ngarii yaakukidiiri uyu kiada uyuu yauva apiravai. kokoorai vaata kiisamaa puapuusua vainima atau kuai vaata varaa yoketa buruuai vaatamavee. ²⁶ Mmuakia gioonna gioono iyaa ausai yauvoo diitaikiai memee yausii yauvaa uyiira tinnii yauvoo iyakii vaivai. ²⁷ Kieetaiyaa yaama sikau vaatama sikau ari vookarai hatiipeetipai vaa mmookannii giataama yapaada avuunnii giataa nniriivau yapeeravai. ²⁸ Iyaa sapaasai vaataa nnammari suuyiai vaata raamai vaatama, yootataa nnammaarii suuyiai vaata ,yokeeta kioosu suuda kuai vaatama vareeravai. ²⁹ Isarairaiya numaa ngiari iikiaatairai vaugiataama yokeetavee tirai vaa Udaanga Anutuuqaa mmiaavai, mmuakiaa gioonna kiaapuuya ausaa nuufai vaa rikiadaa iya mmoori iiraa mminnai yauva varaada Udaanga Anutuuqo Musiinna tuunema iraavai. ³⁰ Musiiva Isarairaiyaa tunoo, "taate Udaanga Anutuuqa inna nnutuuva Besario Uriinna nnaakaraa kuavee tiivai, Uriiqo Huraana nnaakaraa kuavee Huraava Yutayiaiya seenavai. ³¹ Ivoo ari mmannaasai vaadirii Berasiinna suvuai kieeravai. kioo ivo yokeeta yaata tinnii vaa inna mmiivai, mmikioo yokeeta yaata tinnii tauraama vayioo mmokia mmori arivookarai yauvaa iiranavai. ³² Ivoo yamaa mmanna mmanna innoo goora siriiva baraasai yauvaa aakia na mmoori varaivai. ³³ Sikauva hatoo kakioo ivaadirii yataari vau mmannaa mmannaa atau yau va iino mmuakia itai aatau yauvaara tinnii rua vaidiyaa roosiravai. ³⁴ Ivo arii auusaki mminnaa yapaakioo ivo hobai ranaavai. Ivoo ariitaama Ohoriibamo Ahisamaka nnaakaraivoota Ahisamako Daana seenavai. ³⁵ Ivoo ari vookarai tinnii vaadirii iya fuugiaama kioo ikiateera tiivai. Vaidii roosiima mmoori varoo yataarivau atauva iivai, yoketaa fafaarareeeranavai, haboonna kuai fafaarai vaadirii kuatiriiva iinnoo saakosaako kuai voota vainima puapuusua kuai voota yokeeta ari vookara vookarai atau yauvoo yokeeta yaapai vau vairavai. Pinaa tinnii ruaa vaidii taaravaitana mmokia arii vookarai mminnai yauvaa iiravai.