¹ Udaanga Anutuqo Musiinna tunoo, taara sikauu vai tana hatataanee. Ii taara sikau ii vait tanaa ruaimi kiaanna ivau vai kuai da fai na kava fafaara raanara vai. ² Ai teerai nna heenana nna tuaana Sinai taapiva mmutuu vau ai varee niisi ngiee ai ni miaanee. ³ Sa vaidii voovoono ii tasiipama ngiaivee. Vaidii voovoono sa taapi va vaiini nokiaivee, o faya nnee o dee mmina voo vai taapi va vainima ngiai vee. ⁴ Musiiva kava taara skau tauuraivai tana roosiima hatata kioo, heenananna tiaana taapi Sainai vau kuai kioo, Udaanga Anutuuqo inna tunoo. Musii taara sikau vai tana ai yaaku vai tanaa dirii utuu kiee vakianee. ⁵ Udaanga Antuuqo namai vaa aakia vaki tuma Msiinna tasiipama dioo vainno ari nnutuuva tino, na Udaaga Anutuuqo vee. ⁶ Udaanga Anutuuqo inn a yaataroo vioo vayioo tinoo, na Udaanga Anutuuqo na kati tuanaama yoketaama ausa nuufa ii nna hama akiai raama nnannaa tau vai. Ivoo safuu tuaana ari kia yeena rai yau vaa ii noo kua kuta nnaasu tii vai. ⁷ Ivoo arii kua yeena rai kuaiva vatoo, kaayau kaayau (tauuseena) gioonna kiaapuu yaa tama iya kua yaatarada maisa mmoori ii kiai yau vaa pikiaivai. Iya mmamma masai voo taikaivai. FAi vooya kookiaya mmuaaravoo iya nnaakarai yayaadrii iya nneediiya taarama taarama neetu mmataiya yaa vainaravai. ⁸ Musiiva akiaraama arii kieetaiva mmatavau kioo sudaaqa iivai ⁹ Ivoo tinoo, aa niiyaayara yookeetainna niiyara Udaanga oo kiee ai teerana vau fai a aikioo iya vuutai vaki kuanaravai. Ti kieetai yau voo yaagee aqa tuana gioonna kiaapuu yavee. Fai a akiooma tii yara ii mmuaakia mmoori aataru maisa ii kiau nnai yau vaara bootiee tii vitaanai ai gioonna kiaapuuya ee yaara variaravai. ¹⁰ Udaanga Anutuuqo tinoo, Taane. Fai na nii kuaa yeena rammuau vaa gioonna kiaapuuya aavuu vau ari vookarai hama mmata aavau vainno o ari voo yoosinna pinai yauvaki vai mminnai yau vaa mmuaakiaa gioonna kiaapuuya na ii kiau mmoori aataruuva teekioo iya aatuura mminaravai. ¹¹ Aa makee na kiau kua aava vataatee. Fai na varainna kianaraiya Amoraiya, Kenanaiya, Hitiisaiya, Perisaiya, Hiviiya, Sebusaiiya, ¹² ngia vira suai tuqinnama haitaatuu makiada sa yoosinna gioonna kiaapuuyata kua voovai yeena rammuatee. Iinno ivoo ngingii mmaaraata ii kiaarai nnoo . ¹³ Fai ngia iya yeena tapiyauva ruaimaami kiatee. Mmuaakia sikau yau vaa ruaimamiima patapataama kiada, tuunna Asiriannaa ta hana rakau kiaatee. ¹⁴ Ngia sa vo anutuuqara sudaaqa ii kiatee. Na Udaanga Anutuuqo hama yoopeema voo anutuu vovoonoo nii mmatai vaa vara naravai, na ari voo karai Anutuuqo vee. ¹⁵ Tuqinnama ngingii yara haita tuuda sa kua voovai mmatai ii mmata ivaki vayia gioonna kiaapuuya kua yeena rammuatee. Iya unnakua anutuu vaara sudaaqa iida sabi heeda unnaakua anutuuqa yeennai yau vaa hudai yau vaa sa nnaate. ¹⁶ Fai a iya rauunnaiya vitanai immaaouuya varada iya iya vitakai unnaakua anutuu yasi kuaravai. Ivoo ni avuuvau sabi heerana mmoorii vaa unnakua anutuu vaata iikiavai. ¹⁷ Ai naiva ikiai vaudirii huda kiaiva sa unnakua anutuuva iikiatee. ¹⁸ Pina suai beretaiva hama yooteera suai vara nuuna kiatee. Itaama vaikiai na ngingii miee kiauuno, hama ii saivoo vai beretai yauva nnaatee, fai ivoo yaakuu voo sainaidirii taara suaivo kuraga Aabiibaya vainaravai. ¹⁹ Mmuaakia tauuraana nnaakaraiya inna ninii yavee, puaara burimakau, yaa tama meme yaa tama sipisiipaiya tauura nnaakaraiya inna nininiiyavee. ²⁰ Ngia puara toogiiva nnaakaraiva yookaida sipisiipa nnaakara voovai hudada hameetainai kati puara toogiivo nnunaiva utu ragiri kiaatee. Ngingii nnaakara tauu rai yau vaata kati ni miaatee. Ni avuu vau, vaidii voovoono sa manna yaaku tasiipam ngiai vee, ngia niiyara sudaaqa tira suai vau, ²¹ Mmuaa sudaaqa vai aakiai vaki ngia mmoori vareera suai yau voo yaakuuvoo sainai dirii mmuaavai, vuai suai voo inna niniivai. Sa yeenna hau utiida yeenna tauuruatee. Kati tirooma variatee. ²² Sudaaqaiva aakiai vaki pina suai yauva vatada tauuraana vuita vareera suai yau vaa vataada nuanuuva taikeera tooya suai vau nnaata vataatee. ²³ Mmuaa nuanu vai aakiai vaki, tavoomaneetu mmuaaki vaidiiya Udaanga Anutuuqa sii ngiatee, ivoo Isarairaya Anutuuqo vee. ²⁴ Fai na ngi avuu vau ari voo yoosinnaiya varainna naravai, fai n ngi mmatai vaa atuuva voovaata pinavai atau rinaravai. Vaidii vooya hama yoopeema ngi mmatai vaara avuu nnammari kiaravi. Suai Udaanga Anutuuqa sii taara vooma neetu mmua nuanu vai aakiai vaiki vaivai. ²⁵ Sa kiauuva tasiipama yiisai vaki yapaatee, fayai ofai vaara nneera mmatiiva kiaatee. Pina suai varaigieetama varikioo viovioo heenananna suaioo vakiai vee. ²⁶ Ngia mmoori vakidirii tauraana yooketa yeennai yauuva varada nii nnauu vaki ngiatee. Puara memee nnaakarivo homo nnaamma nno variiva sa hudaatee. ²⁷ Udaanga Anutuuqo Musiinna ataakuaa tinoo, ii kua iyauuva fafaara raanee. Na kua kuta tirai voono kiau kuavai. Na Isarairaiyangiita kua yeena rau kiau kuavai. ²⁸ Musiiva Udaanga Anutuuqa tasipama taara vaidii yukuu yaaku suai taika kioo vario hama yeenna nnoori nnaivai. Yaaku vaitana kuaa yeena raira kuaiva sikau taara ivai tanau fafaara reeravai. ²⁹ Taaipi Sinai vaudirii Musiiva kua yeena raira sikau fafaarai vaitana inna yaakuu vaki vai kioo utuoo tiivai. Hama ari too rikiai vai, ivoo Udaanga Anutuuqa ta kua kioo inna mmamma virinniki voo hanigio ari vookarai vai. ³⁰ Musiinna mmamma virinniki voo hanigio ari voo karaudu Eroonoota Isaraira yaata inna teeda aatuuda hama inna vaini ngiaavai. ³¹ Musiiva iyara aayanna roo Aroono nna tama mmuaakia kieetai yaata tuduu innasi nnuduu iya tama kua tiravai. ³² Ivaa nnaagiai mmuaakia Isaraira gioonna kiaapuuya Musiinna vainima ngiaavoo Udaanga Anutuuqo taapi Sinai vaudirii mmi kuai yau vaa iya kia mmiravai. ³³ Musiiva iya tama kuaiva kia taika kioo i buruuqa arai voovaadi ari virinnikiva hatairavai. ³⁴ Muakia suai Musiiva Udaana Anutuuqa sii vioo innaata kua tiivai. Na ivoo mmaanai tuoo ii buruqa iva ari virinniki vaki vaivaa varainna kioo tiivai. Mmaanai tioo Isaraira yaata Udaanga Anutuuqo tii kuai yau vaa kiaa mmivai. ³⁵ Suai Isarairaya Musiinna taavoo inna viri nniki voo hani gioo ari vookarai vai. Itaama vaikoo kava Udaanga Anutuuqa sii kuanra buruuqaiva ari rummuaa apu kioo Udaanga Anutuuqa ta kua tiivai.